Per i posteri

[Luis Molina]

Go pensà che saria beo se inte na discussion scrivessimo ognuno inte'l so dialeto, anca a ris-cio de no capirse.
Cussita tra sinquant'ani quando sti dialeti i sarà estinti qualchedun vardarà sto forum e el dirà: vardà ciò come che i parlava.

[carter]

L'è una bona idea, anca se al so no se la scritura l'è giusta cun la pronunsa.

[Luis Molina]

L'è una bona idea, anca se al so no se la scritura l'è giusta cun la pronunsa.

No sta preocuparte, se fa quel che se poe, no serchemo la perfesion.

[carter]

No sta preocuparte, se fa quel che se poe, no serchemo la perfesion.

Al venet l'è pu se simil in tut al teritori o l'è vari mé l'lumbard?

[Luis Molina]

Ghe xe tante difarense tra i dialeti del Veneto, a Nord i belunesi i ga un dialeto difarente da queo de la pianura, e in pianura ghe xe diversità tra el veronese a Ovest, i dialeti del Veneto centrae, e el venessian a Est.
E in Lombardia come xea la situassion?

[dimecan]

mi li capisso tutti i Veneti, dalla Dalmassia e Istria, fin a Verona e Belun, passando par Padova, Trieste, Venessia, Oderso e Conejan. feveli anchje par Furlan.

[pomo-pèro]

Go pensà che saria beo se inte na discussion scrivessimo ognuno inte'l so dialeto, anca a ris-cio de no capirse.
Cussita tra sinquant'ani quando sti dialeti i sarà estinti qualchedun vardarà sto forum e el dirà: vardà ciò come che i parlava.

L'idea 'a xe beła, però me sa che sarà difisiłe che tra sincuant'ani ghe sarà 'ncora sto forum... cogna che i vae vanti par sincuant'ani a pagar el dominio...

[pomo-pèro]

Al venet l'è pu se simil in tut al teritori o l'è vari mé l'lumbard?

Ghe xe tante difarense tra i dialeti del Veneto, a Nord i belunesi i ga un dialeto difarente da queo de la pianura, e in pianura ghe xe diversità tra el veronese a Ovest, i dialeti del Veneto centrae, e el venessian a Est.

Xe vero che ghe xe difarense ma rispeto a altre lengua me par che ghi ne sia manco. Difati no xe fadiga capirse tuti, come che dixe anca dime.

[carter]

Pr'ades mei gla fo a lesav

[pomo-pèro]

Ciapa par exenpio el verbo èsar / èsare (in venesian, belumat e veronexe se tronca anca so la R, in ven, sentrałe no) al indicativo prexente; da mi xe:
mi so, ti te si, lu el xe, noaltri semo, voaltri si, łuri i xe

da calche parte la prima fa son;a Venèsia la seconda xe ti ti xe (notar che canbia anca el pronome), a Belun la prima plurale fa son, in serte parti del trevixan fa sen, da calche parte la seconda plurałe xe sé; e sia a Verona che a Belun xe diventa e (come so gaver da lori go diventa o e ga diventa a)

Insoma, diferense da poco. Ghe xe pì varietà co i pronomi, pensemo a nu (che xe vècio e se cata su tute le varianse), noaltri, noltri, nultri, noialtri... Pa' le paròłe normałi dipende: ghe xe par exenpio el gelso che el se ciama morar (a Verona e in serte parti del trentin), moraro (ven sentrałe) e morer (ven orientałe). Ma ghe xe anca altri termini che canbia de pì.