poesias sardas scritas cun sa Grafia Sarda

[Perdu]

Antiogu Casula, Dèsulu:

Fiera e ruza in mesu a sos castanzos,
Seculares, ses posta o bidda mia;
Atacada a sos usos de una 'ia,
Zenerosa e ospitale a sos istranzos.
Sos fizos tuos, pienos d'enerzia,
Kircan in onzi parte sos balanzos
Cun cuddos cadditeddos fortes, lanzos,
Càrrigos de diversa mercantzia.
Gai passende vida trista e lanza
Giran s'isula nostra ventureris.
E candu ìntrana in calki bidda istranza
Tot' isclaman: Acò sos castanzeris!
E issos umiles naran: Eh castanza!
E kie comporat truddas e tazeris?

[Perdu]

Innu Natzionali Sardu scritu de Frantziscu Nàssiu Mannu:

Procurad''e moderare,
Barones sa Tirannia,
ki si no, pro vida mia,
torrades a pe' in terra!
declarada est jai sa gherra
contras a sa prepotèntzia,
e cumintzat sa passièntzia
in su pòbulu a faltare.
Mirade ki est atzendende
contras de bois su fogu,
mirade ki no est zogu,
ki sa cosa andat de veras;
mirade ki sas aeras
minetan temporale;
zente cunsizada male,
iscultade sa 'oghe mia.