lìnguas de minoria

[Perdu]

lìnguas ki umperanta una grafia insoru:

cadelanu
bascu
galitzianu
scotzesu
frisonu
brètonu
corsicanu
gallesu
irlandesu
cornovallyesu
mannesu
friulanu
...........
...........

lìnguas ki umperanta sa grafia de sa lìngua colonizadora:

sardu sceti!!!!


est pretzisu umperai sa grafia sarda po su sardu, s'italianu est una atra lìngua, sa grafia sua no dexit a su sardu!

[Indipendentista (POL)]

Soe meda de acordu kin tue Perdu, est una cosa fora de donzi lògica de adoperare grafias èsteras, de calekisiat istadu colonizadore. S'ùnica cosa ki ti kerzo fàgher pessare peroe, est ki pro sa kistione solu limbìstica, e non polìtica, cando ti depes pònnere a imparare sa limba a sos minoreddos ki no an mai faeddadu e casi nemmancu intesu su sardu, e ki an zai istudiadu pro annos sa grafia italiana, est meda prus fazile, adoperare cudda, in sos primos tempos, e a pustis un d'unu mamentu prus tradu, los fàgher connòskere ki su sardu est àtera cosa dae s'italianu, e pro custu motivu est prus bonu a nos imbentare una grafia de nois e totu, e los nàrrere ki un grafia zai esistit, ki est cussa ki nois como semus ispremendenos pro la fàghere! nàrami ite nde pessas.

Apo bidu, in sos àteros interventos ki as fàghidu, ki a tie ti praghet a istudiare sa limba, ki iscries in campidanesu, e ki su maistu ki ti ses seberadu pro tue est Antoni Lèpori. De isse deo nd'isco pagu, nàrami kie est, ite stùdios at fàghidu, pro cale motivu non at faeddadu mai de capu de susu. Bi son medas cosas ki mi lassan pagu siguru asuba de isse...deo, pro narrere, apo fàghidu sos istudigheddos meos, kin sos libros de Pittau, Wagner, Paulis, Blasco Ferrer, apo castiadu sos de Lèpori puru ( m'ammancan sos ùrtimos...gramàtiga sarda po is campidanesus, ...ma proite sos de susu ite sun, feos?), m'an lassadu gai...ti diat dimandare de mi dare informassiones, proite isse, comente pessone, mi praghet meda, est su primu ki b'at proadu, ki nd'at coladu su muru a terra, kirkende de fàghere una grafia indipendente, cumpresu m'as?

Salude e a nos bidere, o a si biri, comenti narais bosatrus!

[Perdu]

saludi!
deu du connosçu a tziu Lèpori e mi praxit meda comenti òmini ca est unu ki de 30 annus gherrat a solu po fai intrai su sardu in sa sotziedadi, is iscolas, e poi fai custu no at mai guadanjau nudda.
Mi praxit ca s'est scimprendi faendi nascì noulogismus comenti ant fatu is istudiaus in Catalunya, ma issus fiant pagaus, tziu Lèpori d'est faendi po de badas.
Mi praxit ca est unu traballadaori, no est unu çaçarradori.

issu at sempri studiau su campidanesu ca est sa bariedadi ki connoscit mellus ca est casteddayu, ma in sa gràmatiga noa ki at fatu (sa primu gramàtiga de sardu in lìngua sarda), kistionat meda de su logudoresu e nugoresu puru. Issu narat ki sa lìngua sarda est ke un aposentu, nci podis intrai de 3 ennas, sa campidanesa, sa logudoresa e sa nugoresa. Ki comporas sa gramàtiga noa as a biri ki du at verbus, artìculus, diçus, numeralis eac in logudoresu e nugoresu puru, no sceti in campidanesu.
e sa grafia ki at studiau po su sardu amostat ki at pensau a totu su sardu no comenti ant fatu is de sa comissioni ki ant fatu sparessi totu is sonus campidanesus. Ligi custa poesia:

Kerimos un'àrbor''e pake
e un'àrbor''e sole caente;
noll'imbias un'àrbor''e luna?
Naran yocande sos kimbe orfaneddos
kin càndidas bokes de nibe,
sos kimbe orfaneddos yocande.


deu puru apu studiau meda asub''e is liburus de Pittau e Blasco, ma depu nai ki su primu fiat po una grafia sarda e a pustis at traixu custa bidea.

Lèpori puru at nau su ki as nau tui, in is primus tempus a imparai su sardu a is pipius cun sa grafia italiana e a pustis a umperai sa grafia sarda, deu seu po fai una "full immersion" de candu inghitzant, aici ant essi acostumaus a sciri cun grafias diferenti candu ant a imparai s'ingresu o un atra lìngua stranja.

ki tenis atras cosas de preguntai deu seu innoi :)
a s'intendi kitzi