aggiornamento il faro ligure [Archivio] - Termometro Politico

Spirit

19-03-03, 01:09

Mi permetto di riportare questo piccolo brano, istruttivo e bello...

SPECIALE RÏE O CIANZE

Duì meixi fa aivo tittolòu 'n editoriale "Chi di Codice Rocco ferisce ..." e o l'ëa riferïo ä scinistra che dòppo avei dêuviòu e lezze fasciste contra i secescionisti òua che quelle mæxime lezze ghe toccavan i sò figgi squadristi di noglobal a ne domandava l'abolission . Che a coerensa o no segge de câ in politica l'è oramai ûniversalmente reconosciûo , ma de segûo dòppo 5 anni de goerno òua a scinistra a mostra 'n müro do tûtto despægio . Saià che in çinque anni g'han avûo 3 prescidenti do conseggio ma chi i caxi son duì : o n'han contòu de musse pe 5 anni o në contan anchêu .
No gh'e defæti söo o caxo dë lezze do Codiçe Rocco , ma tanti ätri fæti ciû o meno grendi .
1)
Tûtto l'ëa commensòu fin da l'inissio do nêuvo goerno : guai a fâ reforme costitûssionalli a corpi de maggioransa . Ma i "scignori in roscio" s'ëan de corpo ascordæ da reforma costitûssionalle fæta o giorno primma da serrâ do Parlamento con söi 4 voti in ciû . Lö pêuan , i ätri no .
2)
Dappêu l'è toccòu a-o Codiçe Rocco : mi no capiscio perchè se finn-a a quarche tempo primma quelle lezze anavan ben pe de gente che manifestavan paçificamente e lö idee , sensa rompî vedrinn-e , brûxâ macchine o supermercoei , cacciâ a l'äia banche o schêue , òua no vaggan ciû ben pe quelli che manifestan con bacchi , caschi , prïe spaccando tûtto e invitando a no respëta e lezze italiann-e .
3)
L'è de pochi giorni fà a question dë bandëe da paxeche no pêuan ëse misse in scï pennoin di öffizi pûbriçi . E alloa zû i verdi , i comûnisti , a Vincenzi , o Pericu , o prescidente da Provinsa de Zena , o D'Alema ecc..ecc.. a protestâ . Ma cäi äxi che no sei ätro , no l'avei fæta voiätri a lezze ????? L'ëa o 1996/97 o zû de lì , aveivi 'nna puïa matta che i secescionisti mettessan bandëe co-a croxe de San Zorzo ò Cö Lion de Veneçia da-i barcoin di mûniçippi . Ma e lezze fæte contra i ätri no devan vaì pe voiätri ???? Alloa o pueivi scrive in ta lezze : e bandëe di ätri no , ma e nostre scì .
4)
E dappêu a guæra !!!! Ascì mi son contra a guæra , no söo anchêu ma o l'ëo ascì quande o D'Alema o faxeiva bombardâ i innoçenti çittadin da Serbia . Pròpio o D'Alema in occaxon do discorscio in difeiza di bombardamenti sövia Bëgraddo e a Serbia o l'aiva dïto :"A guæra a l'è 'n ben che besêugna difende" . Mi no m'arecordo grandiose manifestassoin contra a guæra in to 1999 , quande e basi Nato italiann-e vegnivan çeddûe , sensa o voto do Parlamento e sensa nisciûnn-a risolûssion ONU , a-i americhen e i caccia italien gïavan pe controllâ o spaçio aereo iûgoslavo e i caccia americhen scaregavan bombe che n'aivan posciûo tiâ , in to Lago de Garda e in te l'Adriatico !!!!
A quelli tempi o scindicato o stava sitto , o Cossutta o no s'ëa manco dimisso da-o goerno comme do resto manco i verdi che òua son ritornæ de corpo paxifisti . Mi no m'arecordo proteste de ciazza quande i militari italien rientravan da-o Kossovo , maotti de cancro pë bombe a l'ûranio impövio tiòu in Serbia !!!!!
Ma foscia perchè alloa o servitô di Statti Ûnïi o l'ëa D'Alema ............ Paxe a l'è 'nna parolla belliscima , peccòu c'a fuise sconosciûa söo 4 anni fa quande i ponti , i öspiæ , e case , i treni çivili vegnivan piggiæ de mira da-i miscili intelligenti ä faccia pròpio da paxe e da sò bandëa a sette colori . E dî che no gh'è paragon in to nûmmero di morti massacræ ò trûçidæ da-i duì dittatoî . Co-a söa differensa che a quelli tempi i Gino Strada e i solidali scinistrosci no son anæti a agiûttâ i serbi , corpïi da-i miscili radioattivi italo-americhen ma i invaxoî terroristi albaneixi-mussulmen che òua pe contra stan attuando 'nna lö politica de puliçia etnica contra i serbi , ma nisciûn dixe ninte . Ma Gino Strada o no ne fà manifestassoin grandiose pe-i Cûrdi massacræ da-i gas do Saddam ???
Ah no , perchè se no vorrieiva dî che o Saddam o g'ha armi de destrûssion de massa ......
5)
No parlemmo dappêu de l'art.18 . Primma 'n bailamme da madonna , scioperi do scindicato , drïti che se levan a chi lòua , ma dòppo che o referendum pe conçedde sti drïti a tûtti i operai o l'è stæto accordòu allöa l'Ûlivo a premme in sciö goerno pe fâ 'nna lezze pe poei mette fêua zêugo o referendum ............ Bello respetto che g'avei pe chì l'è vegnûo a firmâ in scï vostri banchetti ............ E o Cofferati ???? Primma o fâ i scioperi , dòppo sitto , lasciando intende che foscia o l'ha fæto 'n casin ....... Coerensa , coerensa , tornitene a câ .........
6)
Pensemmo 'n pò a-o 2000 : v'arecordæ quande e regioin do Nord voeivan fâ o referendum consûltivo pe domandâ ä gente a lö opinion in sciä devolûssion ?? E quande aivan domandòu de fâlo insemme a-e elessoin amministrative ??? A resposta l'ëa che ûn o l'ëa regionale ma e elessoin ëan organizzæ da-o Stato e no se poeiva mesc-ciâ e due cöse , scibben a region coscì a l'avesse risparmiòu . Òua che i Ds han presentòu o referendum contra a lezze i scï boin schêua da region ( boin schêua pe-i ceti ciû pövei !!!) vorrieivan fâ votâ insemme a-o referendum nassionale pe l'art.18 . E dî che no l'è passòu guei tempo . Söo 3 anni , ma a memöia a l'è corta in te quelle teste ............
7)
Se porrieiva dappêu parlâ do G8 . Quarche meize primma , quande a-o goerno gh'ëa l'Ûlivo , e quande no gh'ëa cappi de stato da protezze , a polissia sotta o controllo ûlivista a l''aiva piccòu i manifestanti comme e Zena se no de ciû .
Ma quande se parla de violensa da polissia se parla sempre de Zena , quæxi mai de Napoli . Chissa perchè !!!!!