Novembre

[pensiero]

Novembre


La fumara sui giorni xe un nissolo,
e le malinconie se fa giganti.
I Santi e i morti su sto mese solo,
fa festa insieme come tuti quanti.

L'odor del mosto novo se spampāna
sui campi e su le strade del paese
perdendose nel giro de la Piana,
dandoghe spāgo a chi no ga pretese.

Quando da San Martin se traslocāva,
le strade gera piene de careti
carghe de masserissie che odorava

d'acqua e saon, le robe dei poareti.
Gera contrato, alōra, se cambiava,
secondo lege e usi consueti.

[pcosta]

Un mese bon sol da voltare via
che la disgrassia mai no mancaria.
Bei tempi andati ormai sete perduti
e a San Martin se fa festa ai cornuti

(se in venexian la rima no xe bona
me mandarai un'altra volta in mona)