Logos comunos farsos subra de sa limba sarda

[Michele64]

De reghente, m'est capitadu de faeddare cun un'amiga de sa cunnada mea, chi est de Pauli e impreat su sardu in manera abituale.

Amus arresonadu subra de sa limba sarda e custu est su chi m'at naradu issa:

"Eo so contra a s'imparonzu de su sardu in sas iscolas, ca si diat fagher tropu cunfusione intre s'italianu e su dialetu".

A bandas de su fatu chi su sardu est sena duda una limba, e no unu dialetu, a parrer meu non b'at nudda de prus farsu in un'arresonamentu gasi.

Sa cunfusione est de seguru prus manna in unu cuntestu de diglossia, no de bilinguismu.

S'imparonzu de su sardu in sas iscolas, a bisu meu, podet fagher petzi bene, siat cando faeddamus in sardu, siat cando faeddamus in italianu.

Unu saludu cordiale a totus - Miale.

[Perdu]

Originally posted by Michele64
De reghente, m'est capitadu de faeddare cun un'amiga de sa cunnada mea, chi est de Pauli e impreat su sardu in manera abituale.

Amus arresonadu subra de sa limba sarda e custu est su chi m'at naradu issa:

"Eo so contra a s'imparonzu de su sardu in sas iscolas, ca si diat fagher tropu cunfusione intre s'italianu e su dialetu".

A bandas de su fatu chi su sardu est sena duda una limba, e no unu dialetu, a parrer meu non b'at nudda de prus farsu in un'arresonamentu gasi.

Sa cunfusione est de seguru prus manna in unu cuntestu de diglossia, no de bilinguismu.

S'imparonzu de su sardu in sas iscolas, a bisu meu, podet fagher petzi bene, siat cando faeddamus in sardu, siat cando faeddamus in italianu.

Unu saludu cordiale a totus - Miale.

heee....tenis arrexoni!
una professora de sa scola a nca imparu sardu, m'at nau......è venuta una mamma e mi ha detto:
mia figlia parla bene l'italiano perchè non le ho imparato il sardo, ma le ho imparato solo l'italiano......(mi potzu bisai sceti ta ratza de italianu d'at imparau a sa filla...).
genti meda pènsat ki po fueddai beni s'italianu si ndi depeus scaresci de sa lìngua nosta....a-i custus dis nau sempri....duncas ki bollu fueddai beni s'italianu no depu mancu imparai s'ingresu, su frantzesu, su spannyolu..??? berus esti?.........aici si cìtinti!
lassendi is brullas, ki imparaus in is iscolas a sa pròpiu manera e in su pròpiu tempus s'italianu e su sardu, is pipius ant a fueddai unu sardu e un'italianu bellu meda, kena faddinas comenti.....l'ho visto andando al mare, o d'apu biu andai a mari.....
a si biri

[Aleri]

Su stadu italianu esti stètiu sempri inimigu de is limbas de is pòpulus ki teniat acapiaus a intr''e is làcanas suas e de-i cuddus ki furint a foras puru, ca timiat a fai cumprendi a sa genti ki issa no fut "italiana".
Mi praxit una fràsia de Roberto Bolognesi ki apu liju imoi pag'ora:

-alleghendu de bilinguismu e plurilinguismu-"questo è ovviamente quasi impensabile in uno stato napoleonico come quello italiano, cultore di un monolinguismo tetragono e retrogrado, in cui non solo i "dialetti" sono osteggiati, ma anche la conoscenza effettiva delle lingue straniere è scarsissima" (2002).

Sa genti no scit beni ni s'italianu, ni is linguas stranjas, ni (i est su peus) sa limba sarda. Custu est su ki ndi 'essit de custa polìtiga linguìstiga, ki s'at strupiau sa manera de pensai puru, creendu ki s'imparu de una limba potzat strobiri s'atra.

Ma est puru ca s'ant sempri postu in d-unu ungroni geogràfigu, in sa bisura de nosu ki eus imparau a-i scola: candu mai eus pensau de a beru di essi a intru de unu mari pren''e pòpulus, ki tenint curturas diferentis, arricas e bias, ki si podeus arreferri po s'arricai nosu e totu?

A is ki tèninti jai una bisura de sa realidadi e de s'avedalidadi europea o mundiali, ma no d'iant a fai erriri custus fueddus umperaus de-i cuddas personis ki si nci spàntant intendendu de imparai 2 lìnguas (no nau 3, ki no, AGITòRIU!!).

Ta piticus ki seus ancora...