N C C P !

[agaragar]

Tammuriata nera

Io nun capisco 'e vvote che succede
e chello ca se vede nun se crede
è nato nu criaturo è nato niro
e 'a mamma 'o chiamma Ciro, sissignore, 'o chiamma Ciro

Seh gira e vota seh
seh gira e vota seh
ca tu 'o chiamme Ciccio o 'Ntuono
ca tu 'o chiamme Peppe o Ciro
chillo 'o fatto è niro niro, niro niro comm'a cche

S''o contano 'e commare chist'affare
sti cose nun so' rare se ne vedono a migliare
'e vvote basta sulo 'na guardata
e 'a femmena è rimasta sott''a botta mpressiunata

Seh 'na guardata seh
seh 'na mprissiona seh
va truvanno mò chi è stato
c'ha cugliuto buono 'o tiro
chillo 'o fatto è niro niro, niro niro comm'a cche

E dice 'o parularo, embè parlammo
pecché si ccà parlammo chistu fatto ce 'o spiegammo
addò pastine 'o grano, 'o grano cresce
riesce o nun riesce semp'è grano chello ch'esce

Meh dillo a mamma meh
meh dillo pure a me
conta 'o fatto comm'è ghiuto
Ciccio, 'Ntuono, Peppe, Ciro
chillo 'o fatto è niro niro, niro niro comm'a che

'E signurine 'e Capodichino
fanno ammore cu 'e marrucchine
'e marrucchine se vottano 'e lanze
e 'e signurine cu 'e panze annanze

E levate 'a pistuldà
uè e levate 'a pistuldà
e pisti pakin mama
e levate 'a pistuldà

Aieressera a piazza Dante
'o stommaco mio era vacante
si nun era p'o contrabbando
mò già stevo 'o campusanto

Sigarette papà
caramelle mammà
biscuit bambino
dduie dollare 'e signurine

A Cuncetta e a Nanninella
lle piacevano 'e caramelle
mò se presentano pe' zetelle
vanno a fernì 'ncopp''e burdelle

American espresso
damme 'o dollaro ca vaco 'e pressa
sinò vene 'a pulisse
mette 'e mmane addò vò isse

'E signurine napulitane
fanno 'e figlie cu 'e Mericane
nc''e vedimme ogge o dimane
mmiezo Porta Capuana

E Ciurcillo 'o viecchio pazzo
ce ha vennuto 'e matarazze
e ll'America pe' dispietto
ce ha sceppato 'e pile 'a pietto.
-----------------------------------------------
Nel 1974, una splendida versione di "Tammurriata nera" entrava e restava nella Hit Parade nazionale per diverse settimane, portando al successo il raffinato folklore della Nuova Compagnia di Canto Popolare e del suo mentore, Roberto de Simone.
La tammurriata era divenuta per tutti, "d'incanto", un brano notissimo, perfino da hit, le cui parole - più o meno correttamente - erano sulla bocca di tutti. Il brano è del 1944 ed è dovuto al celebre autore E. A. Mario su testo di Ferdinando Russo, ispirato all'immediato dopoguerra napoletano, quando Napoli viveva le tragedie, la fame e le miserie della distruzione bellica, magistralmente raccontate in teatro da Eduardo De Filippo in "Napoli Milionara".

Ad un tratto si ascoltava la tammurriata, arte di radice pagana, risalente addirittura a 25 secoli prima, e successivamente eseguita prevalentemente in occasione di pellegrinaggi ai numerosi santuari mariani presenti nell'entroterra campano.

La vicenda del brano narra di un figlio naturale avuto da una donna napoletana per un rapporto con un militare nero durante l'occupazione americana e delle varie interpretazioni date da una sorta di coro greco a tale "strano" fatto (è bastata una guardata e la femmina è rimasta impressionata). Il testo è di una ironia feroce, come solo l'ironia popolare può esserlo (che tu lo chiami Ciccio o Antonio, Peppe o Giro il bambino che hai fatto è nero nero ...)

[agaragar]

Je nun capisco e vote che succede
e chello ca se vede nun se crere nun se crere
E’ nato nu criaturo è nato niro
e a mamma ‘o chiamma ggiro sissignore ‘o chiamma ggiro

Se vota e gira se
se gira e vota se
ca tu ‘o chiamme ciccio o ‘ntuono
ca tu ‘o chiamme peppe o ggiro
chillo o fatto è niro niro, niro niro comm’a chè

O’ contano e cummare chist’ affare
sti case nun so rare se ne vereno a migliare
E vote basta sulo na uardata
e a femmena è remmasta sott’a bbotta ‘mpressiunata

Se na uardata se
se na ‘mpressione se
va truvanne mo’ chi è stato
c’ha cugliuto bbuono o’ tiro
chillo o fatto è niro niro, niro niro comm’a chè

E ddice o’ parulano embè parlamme
Pecchè si arraggiunamme chisti fatte ‘nce spiegamme
Addò pastena o grano o grano cresce
riesce o nun riesce sempe è grano chello ch’esce

Sè dillo a mamma sè
sè dillo pure a me
conta o’ fatto comm’è gghiuto
si fuje ciccio ‘ntuono o ggiro
chillo o fatto è niro niro, niro niro comm’a chè

E ssignurine ‘e caporichino
fann’ammore cu ‘e marrucchine
‘e marrucchine se vottano ‘e lanze
‘e ssignurine cu ‘e panze ‘nnanze.

Amerivan express
damme ‘o dollaro ca vaco e pressa
ca sinnò vene ‘a puliss
mett’e mmane arò vò isso.

Ajere ssera a piazza dante
a panza mia era vacante
si nunn’era po’ contrabbando
je mo’ ggià stevo ‘o campusanto.

E llevate ‘a pistuddà
e llevate ‘a pistuddà
cu chisti pacch’nmane
e llevate ‘a pistuddà. (2 volte)

E ssignurine napulitane
fanno ‘e figlie’ e mericane
‘nce verimme ogge e dimane
‘nmiezo porta capuana.

Sigarette papà
caramelle mammà
fischiette bambino
e dduje dollare ‘e ssignurine.

A cuncetta e nanninella
lle piacevano ‘e caramelle
mo’ s’appresentano pe’ zetelle
vanno a fernì ‘ncopp’e burdelle.

E cercillo ‘o viecchio pazzo
s’è vennuto ‘e matarazze
e l’america pè dispietto
‘nc’ha scippato ‘e pile a pietto.

Ajere ssera magniaje pellecchie
‘e capille ‘ncopp’e rrecchie
‘e capille ‘e capille
e ‘o ricotto ‘e cammumilla
‘o ricotto ‘o ricotto
e ‘a fresella cu a carnacotta
‘a fresella‘a fresella
e zì monaco tene ‘a zella
tene ‘a zella ‘nnanze e arreto
uffa uffa e comme fete
e lle fete e cane muorto
uè pe ll’anema e chillemmuorto.

E llevate ‘a pistuddà
e llevate ‘a pistuddà
cu chisti pacch’nmane
e llevate ‘a pistuddà. (a finire)

[agaragar]

'O cunto 'e Masaniello

A lu tiempo de la malora
Masaniello è nu piscatore
piscatore nun le rincresce
Masaniello se magna nu pesce
Vene subbeto 'o Vicerrè
chistu pesce spett'a me
tutt'a me e niente a te
po' si a tassa vuò pavà
chistu pesce t''o può mpignà...
A lu tiempo de la malora
Masaniello è nu piscatore

A lu tiempo de trivule mpizze
Masaniello se veste 'a scugnizzo
nu scugnizzo stracciato e fetente
Masaniello se magna 'e semmente
Vene subbeto 'o Vicerrè
sta semmente spett'a me
tutt'a me e niente a te
cu 'a semmenta tu te ngrasse
e t''a metto n'ata tassa...
A lu tiempo de trivule mpizze
Masaniello se veste 'a scugnizzo

A lu tiempo de li turmiente
Masaniello se veste 'a fuiente
senza rezza e senza cchiù varca
fa nu vuto a' Maronna 'e ll'Arco
vene 'o prevete e 'o Vicerrè
sta Maronna spett'a me
tutt'a me e niente a te
chesta è a tassa p''o Pataterno
o vaie subbet'all'inferno
A lu tiempo de li turmiente
Masaniello se veste a fuiente

A lu tiempo de disperazione
Masaniello se veste 'a lione
nu lione cu ll'ogne e cu 'e riente
tene 'a famma e tutt''e pezziente
Vicerrè mò fete 'o ccisto
songo 'o peggio cammurrista
io me songo fatto nzisto
e cu 'a nziria e Masaniello
faie marenna a sarachiello
A lu tiempo de disperazione
Masaniello se veste 'a lione

A lu tiempo de primmavera
Masaniello se veste 'a bannera
na bannera ca 'o popolo bascio
sona arreto tammurro e grancascia
Attenzione... battaglione
s'è sparato nu cannone
è asciuto pazo lu patrone
ogge ce ha avasciato 'o ppane
ma nun saie fino a dimane...
A lu tiempo de primmavera
Masaniello se veste 'a bannera

A lu tiempo de trarimiento
Masaniello 'o vestono 'argiento
tutt'argiento 'e signure cumpite
mò ce 'o coseno stu vestito
Dice subbeto 'o Vicerrè
simmo eguale io e te
pazziammo cucù settè
si rispunne a chist'invito
t'aggia cosere n'atu vestito...
A lu tiempo de trarimiento
Masaniello 'o vestono 'argiento

A lu tiempo de li ntrallazze
Masaniello è bestuto da pazzo
quanno tremma e 'o vestito se straccia
pure 'o popolo 'o sputa 'nfaccia
Stu vestito fa appaura
Masaniello se spoglia annuro
'a Maronna nun se ne cura
pò si 'a capa 'nterra ce lassa
accussì pava ll'urdema tassa
A lu tiempo de li ntrallaze
Masaniello è bestuto da pazzo

A lu tiempo de ati gabelle
Masaniello è Pulicenella
si è rimasto cu 'a capa a rinto
ll'ate ridono areto 'e quinte
Pò s'aumenta 'o ppane e ll'uoglio
saglie 'ncoppa n'atu mbruoglio
tira 'o popolo ca ce cuoglie
nun ce appizza mai la pelle
chi cummanna sti guarattelle
A lu tiempo de ati gabelle
Masaniello è Pulicenella

A lu tiempo de chisti scunfuorte
Masaniello è bestuto da muorto
dint''a nicchia na capa cu ll'ossa
nce ha lassato na coppola rossa
Chesta coppola da na voce
quanno a famma nun è doce
quanno pave stu tributo
pure 'a tassa 'ncopp''o tavuto
A lu tiempo de chisti scunfuorte
Masaniello è bestuto da muorto.

Masaniello s''o credeno muorto...

[agaragar]

In galera li panettieri


In galera li panettieri
mò ca s'erano arreccuti
tutti s'erano resoluti
deventare cavalieri
in galera li panettieri.

In galera li panettieri
mò ca s'erano ingranduti
nun vedevano li paputi
ca turnavano comm'a ieri
in galera li panettieri.

In galera li panettieri
se credevano già baroni
d'affamà la pupulazione
nun se devano penzieri
in galera li panettieri.

Oh che spasso che bellu sfizio
quanno venne la giustizia
ca diceva: "mò che ne spieri"
pave hoggi chello d'ajeri
in galera li panettieri.

[agaragar]

(E' tra le più famose filastrocche napoletane,
dagli arguti doppi sensi.
Su questo motivo si balla la tarantella.
La presente versione è stata raccolta a Pozzuoli)

Cicerenella teneva no gallo
tutta la notte nce jeva a cavallo,
essa nce jeva pò senza la sella
chisto è lo gallo de Cicerenella.

Cicerenella tenea na gallina
faceva ll'ova de sera e matina,
l'avea mparata a magnà farenella
chesta è 'a gallina de Cicerenella.

Cicerenella teneva na votte
metteva da coppa e asceva da sotto,
ma nun teneva tompagno e cannella
chesta è la votte de Cicerenella.

Cicerenella teneva no culo
ca pareva no cofenaturo,
e l'ammustava la notte 'di stelle
chisto è lo culo de Cicerenella.

Cicerenella teneva 'na vacca
c'aizava la coda e mustava la 'ntacca,
ma no' tteneva né ossa né pelle
chesta è la vacca de Cicerenella

Cicerenella s'aizava 'a matina
menava 'e pisci int' o mantesino,
uno fujette de sott' a vunnella
chisto è lo pesce de Cicerenella.

[agaragar]

(Il più antico canto napoletano conosciuto.
Risale, secondo gli studiosi, al 1200)

Jesce sole
scagliento imperatore
scanniello mio d'argiento
che vale quattuciento
cento cinquanta tutta la notte canta
canta viola lu masto de scola
masto masto mannancienne presto
ca scenne masto Tieste
cu lanza cu spada
cu l'aucielle accumpagnata
sona sona zampugnella
ca t'accatta la vunnella
la vunnella de scarlato
si nun sona te rompo la capa.
Nun chiovere
nun chiovere
ca aggia ire a movere
a movere lu grano
de masto Giuliano
Masto Giuliano
manname na lanza
ca aggia ire in Franza
da Franza a Lombardia
dove stà madama Lucia
nun chiovere
nun chiovere
jesce jesce sole.

[agaragar]

Li 'ffigliole che n'hanno ammore
songo nave senza la vela
so' lanterne senza cannela
songo cuorpe senza lo core
li 'ffigliole che n'hanno ammore.

Li 'ffigliole che n'hanno amante
so' comm'arvole senza frutte
so' terreno sicco ed asciutte
che non fanno sciure né chiante
li 'ffigliole che n'hanno amante.

Li 'ffigliole che n'hanno amice
sanno poco che cosa è bene
quanno po' la vecchiezza vene
s'asciarranno triste e 'nfelice
li 'ffigliole che n'hanno amice.

Zetelluccie belle e cianciose
mò gostate che tiempo avite
mò che tennere e fresche site
tiempo 'e cogliere mò le rose
zetelluccie belle e cianciose.

Lo pacchiano che beve e sciacqua
va nforrato de stoppa e llino
ma se aguanno non se fa bbino
se la face 'na panza d'acqua
lo pacchiano che beve e sciacqua.

[agaragar]

(Famosissima villanella contestata a Tommaso di
Majo che se ne attribuì la paternità. Il protagonista
aspetta invano la morte del marito della sua amata)

La morte de mariteto aspett'io
e non per altro no,
ma mi dubito ca primma me mor'io
deh quanto sei bella tu
deh ca la vorria trovare
ma non la pozz'asciare
accussì bella comm'a te.

E tutto lo jorno sto addenocchiato
e non per altro no,
e ca Dio me lev' 'a nanze sto scurore
deh quanto sei bella tu...

[agaragar]

inserisco questo testo benchè inciso dai konsentia col titolo "briganti si mora"

Ammu pusato chitarra e tammure

pecche' sta musica s'adda cagna'

simmo briganti e facimmo paure

e cu' 'a scuppetta vulimmo canta'



E mo'cantammo 'na nova canzona

tutta la gente se l'adda 'mpara'

nuie cumbattimmo p' 'o rre burbone

e 'a terra nosta nun s'adda tucca'



Chi ha visto 'o lupo e s'e' miso paure

nun sape buono qual e' 'a verita'

'o vero lupo ca magna e criature

e' 'o piemuntese c'avimm' a caccia'



Tutte 'e paise d' 'a Basilicata

se so' scetate e vonno lutta'

pure 'a Calabria s'e' arrevotata

e stu nemico facimmo tremma'



Femmene belle ca date lu core

si lu brigante vulite aiuta'

nun lo cercate, scurdateve 'o nomme

chi ce fa guerra nun tene pieta'



Ommo se nasce, brigante se more

e fino all'urdemo avimm' a spara'

ma si murimmo menate nu sciore

e 'na preghiera pe sta liberta'

ascolta
http://www.brigantaggio.net/Briganta...NTI[1].WAV


foto