Is imprestitus internus

[Josto]

Tandus, a mei capitat donnia tanti de iscriri fueddus logudoresus invecis de atrus campidanesus mancai sa frasia siat cussa de cabu'e jossu. Po esempiu "bia" invecis de "borta", infatis borta est un'italianismu mannu e tandus no mi praxit meda.
Ma sa propria cosa podit baliri po su logudoresu: po esempiu intra de "ainu" e "molenti" e aici innantis...
Calincun'atru bia (o borta?) deu umperu su "suffissu" logudoresu GHE invecis de su campidanesu XI: po custu potzu nai IS NURAGHES opurus IS CONDAGHES (GHE mi praxit de prus e tenit fintzas unu balori etimologicu prus mannu).
Po bosatrus custus imprestitus aintru de is dus bariedadis de su sardu depint essi pigaus che faddinas o podint essi ammitius e fintzas incoragìus?

[Perdu]

Originally posted by Josto
Tandus, a mei capitat donnia tanti de iscriri fueddus logudoresus invecis de atrus campidanesus mancai sa frasia siat cussa de cabu'e jossu. Po esempiu "bia" invecis de "borta", infatis borta est un'italianismu mannu e tandus no mi praxit meda.
Ma sa propria cosa podit baliri po su logudoresu: po esempiu intra de "ainu" e "molenti" e aici innantis...
Calincun'atru bia (o borta?) deu umperu su "suffissu" logudoresu GHE invecis de su campidanesu XI: po custu potzu nai IS NURAGHES opurus IS CONDAGHES (GHE mi praxit de prus e tenit fintzas unu balori etimologicu prus mannu).
Po bosatrus custus imprestitus aintru de is dus bariedadis de su sardu depint essi pigaus che faddinas o podint essi ammitius e fintzas incoragìus?

ita bolit nai, GHE tenit unu balori etimològigu prus mannu??????

[Josto]

Originally posted by Perdu
ita bolit nai, GHE tenit unu balori etimològigu prus mannu??????

Mi ddu immaginada chi tui interbenìas subra de custa cosa, ma nd'heus a podi fueddai in dd'un'atra arrejonada.

Po immoi arrespundimì a custa pregunta:
Po bosatrus custus imprestitus intra de is dus bariedadis de su sardu depint essi pigaus che faddinas o podint essi ammitius e fintzas incoragìus?


Si facu un'atru esempiu chi est subra de sa sintassi:

Calincuna bia(?) m'est capitau de iscriri una frasia di ainci: "trint'annus a immoi..." chi in campodanesu mi parit chi no esistat (si narat "trint'annus a oi...") bortendi sa logudoresa "trint'annos a como...".
E custa faddina est?

[su stori]

Originally posted by Josto
.....
Calincuna bia(?) m'est capitau de iscriri una frasia di ainci: "trint'annus a immoi..." chi in campodanesu mi parit chi no esistat (si narat "trint'annus a oi...") bortendi sa logudoresa "trint'annos a como...".
E custa faddina est?

No no, po mei no c'esti nisciunu sballiu ma nimancu tradusidura da su logudoresu:
"trint'annus a immui" si narat in Campidanu cumenti si na' puru "trint'annus a oi".

a s'intendi
su stori

[su stori]

Originally posted by Josto
Tandus, a mei capitat donnia tanti de iscriri fueddus logudoresus invecis de atrus campidanesus mancai sa frasia siat cussa de cabu'e jossu. ......... (GHE mi praxit de prus e tenit fintzas unu balori etimologicu prus mannu).
Po bosatrus custus imprestitus aintru de is dus bariedadis de su sardu depint essi pigaus che faddinas o podint essi ammitius e fintzas incoragìus?

Josto, fai totu is amesturus chi "cheres". Sa lìngua est bia e si movit a intru a sa "stòria". Chi a tui praxit a narai "nuraghes" in logu de "nuraxis" o "bia" a su postu de "borta", no tèngiu nudda 'e ita nai.
Deu, candu scriu (prus pagu puru candu chistionu), no mi stentu a pensai a is prèstidus ni da su logudoresu, ni da s'italianu e nimancu da s'inglesu.
Chi, perou, torrendi a is "prèstidus de a intru", bolis donai unu "balori etimologicu prus mannu" a is scioberas linguìsticas tuas, insandus sa cosa esti unu pagheddu prus in artziada,
ca su "balori etimològicu" bolit castiau cun d-unu pagheddu de prus di atentzioni.

a si biri
su stori

[Josto]

Tandus? Nemus narat prus nudda? Perdu, Miale, bosatrus chi a innoi seis is prus espertus subra de sa limbistica no interbenneis?
E mi pariat fintzas un'argumentu de importu mannu.

[Michele64]

Pro su sardu literariu de cras, a parrer meu andant bene totu sas tres versiones:

Trinta annos a como = trent'anni fa
Trinta annos a oe = trent'anni or sono
Trinta annos a inoghe = trent'anni addietro

In prus, si podet impreare finas "trinta annos faghet" (comente rezistru eo dia narrer chi s'agatat in su matessi livellu de "trinta annos a oe").

Saludos - Miale.

[Josto]

Hapu cumprendiu Miale istimau, ma deu hapu cumentzau s'arrexonada ponendimindi e ponendisindi custa pregunta:
is imprestitus intra de is dus bariedadis de su sardu depint essi pigaus che faddinas o podint essi ammitius e fintzas incoragìus?

Po esempiu: unu campidanesu chi narat "bia" (invecis de borta) o "nuraghe" o unu logudoresu chi iscrit "molenti" (invecis de ainu) o nuraxi faint faddina o no?

[su stori]

Originally posted by Josto
... Po esempiu: unu campidanesu chi narat "bia" (invecis de borta) o "nuraghe" o unu logudoresu chi iscrit "molenti" (invecis de ainu) o nuraxi faint faddina o no?

Po mei no'. S'amesturu chi ses narendi tui podit praxit o puru no': esti una chistioni de "bellesa" sceti (iaus a podi nai "una chistioni estetica"). Fintzas a candu nemus ponit règulas, ditzidit sa "sensibilidadi" de su chi esti scriendi (o fueddendi).

a si biri
su stori

[Cristianu]

Originally posted by su stori
Po mei no'. S'amesturu chi ses narendi tui podit praxit o puru no': esti una chistioni de "bellesa" sceti (iaus a podi nai "una chistioni estetica"). Fintzas a candu nemus ponit règulas, ditzidit sa "sensibilidadi" de su chi esti scriendi (o fueddendi).

a si biri
su stori

Eja, seu de acordu deu puru, no mi parit tantu una faddina, ma prus una "stonatura", po esempiu:

po osatturus est prus "intonau" "MI PIAGHE CUSTU NURAGHE/ MI PRAXIT CUSTU NURAXI" oppure "MI PIAGHE CUSTU NURAXI"?
Dha biu commenti una kistioni fonetiga.
In atteru modu, in is logus de transitzioni aintra su logudoresu e su campidanesu, sa ammestura de fueddus est sa regula, ma sa fonetiga est semperi "accordata" (po esempiu no si usant contemporaneamente is dibersus sonus XI e GHE ma unu de is duas fetti o una bìa 'e mesu).