Ite podimus cumandare in sardu in unu tzilleri

[Michele64]

Il solito = Su de semper, semper su matessi

Tazzina di caffé = Tzìchera de café

Caffellatte = Café cun late

Caffé macchiato = Café cun unu gutiu de late

Caffé corretto = Café cun unu gutiu de licore

Birra alla spina = Birra de barrile

Lattina di aranciata = Botigheddu de arantzada

Bustina di zucchero = Bustighedda de tzùcaru

Cubetti di ghiaccio = Cubeddos de astra

Cannuccia = Cannita

[Josto]

Tzilleri ita bolit nai? Est sa bortadura de s'italianu bar?

[Michele64]

Craru, Josto istimadu... "tzilleri" est una de sas paraulas prus autenticamente sardas chi tenimus, e creo chi podamus fagher a mancu de su totu de "bar"... "café", imbetzes, si podet impreare...

[Perdu]

eya tzilleri est su "bar" i est umperau meda in cabu de susu, su prus de is bortas nosu naraus (naramus) ofelleria, ma est unu fueddu casteddayu sceti ca in is biddas de su campidanu buffanta su binu in is domus o in pratza

[Michele64]

S'ofelleria est, in pràtica, su ch'in italianu si narat "pasticceria", e duncas s'ofelleri est su "pasticcere"...

Finas in milanesu s'impreat una paraula simizante...

In mesu de s'àteru, ofelleri in ebràicu si narat "ofe"...

Bae e chirca si custa est petzi una cointzidèntzia o si tenet carchi cosa de ite bider...

[Aleri]

In Campidanu, bitu ca no teneus sa -e a s'acabu de su fueddu, apu sempri intèndiu

CAFEI

bosatrus eis intèndiu atras bariedadis?

[Josto]

No, a mei puru su fueddu "cafei" praxit meda.

[Perdu]

eya, deu puru apu sempri intèndiu cafei