Sa noa de sa die in sardu

[Michele64]

ÈSODU: COAS, ALLENTAMENTOS* E INTZIDENTES MORTALES

Coas, allentamentos e diferentes intzidentes de caminu cun vìtimas ant marcadu s'ùrtima domìniga de triulas.

Pro neghe de intzidentes, si sunt formadas coas in s'A14 in sa carrera* nord, intre Castel San Pietro e Bolonna.

Est mannu finas su tràficu in Vènetu: duos chilòmetros de coa sunt istados sinzolados essende dae sos casellos de s'A27.

B'at allentamentos finas in s'A22 intre Verona Nord e Affi.

Zai est grae su contu de bidas umanas a dispetu de s'introduimentu de sa lissèntzia pro ghiare a puntos.

Custa note colada, a ora de sas tres e mesa, duos zòvanos ant pèrdidu sa bida a probe de s'Alighera pro more de s'addobada cun unu forascaminu de s'iscuter in ue fiant biazende.

Sas vìtimas si naraiant Stefano Sassu e Emanuele Rais, ambos duos de binti annos.

Àteras duas pessones sunt mortas in s'autocaminu Salerno-Reggio Calabria a probe de s'agrugadorzu* de Tarsia: si tratat de duos cojuados* de Bolonna, Alvaro Marrettini de 69 annos e Lucia Burin de 68.

S'Alfa 155 issoro, pro causas galu a istabilire, at isbandadu, nch'est essida a foras dae su caminu e at leadu fogu.

Sa croba nch'aiat coladu unu perìodu de bagàntzias in Calàbria e fiat torrende a Bolonna.

Àteros duos intzidentes mortales sunt capitados a de note in Vènetu.

A probe de Bassano, in sa provìntzia de Vicenza, Antonio Bonato, de 48 annos, at pèrdidu su controllu de sa vetura sua e nch'est fertu in foras de sa caminera*.

At tentu un'isvilupu simizante s'intzidente chi est sutzèdidu pagas oras a pustis in Noventa di Piave, una bidda de su de Benètzia, in ue sa Volkswagen Polo ghiada dae Graziano Mambrin, de 47 annos, at iscutu contra a un'àrvore.

(Miale Santu Pedru)

*Allentamentos = rallentamenti
*Carrera = carreggiata (in su sentidu de "parte de unu caminu, distìnghida cunforme a sa deretura de sos veìculos chi bi zirant": es. "carrera nord de s'autocaminu" = "carreggiata nord dell'autostrada")
*Agrugadorzu = svincolo; nodo (agrugadorzu ferroviariu = nodo ferroviario)
*Cojuados = coniugi
*Caminera = carreggiata (in su sentidu de "sede de caminu": sa vetura nch'est essida dae sa caminera = l'auto è uscita dalla carreggiata, è uscita di strada)

Saludos - Miale Bussu.

[Perdu]

poita est ki su nòmini de Miali Santu Perdu du at ancoras in su jassu de sardinna.info????

[Michele64]

No nd'isco pro ite galu no apant burradu su nùmene suo dae sa lista de sos collaboradores, ma ti cunfirmo chi Miale Santu Pedru at truncadu cun sardinna.info e dae una chida no imbiat prus artìculos...

Saludos - Miale Bussu.

[su stori]

Perdu at nau:

Originally posted by Perdu
poita est ki su nòmini de Miali Santu Perdu du at ancoras in su jassu de sardinna.info????

là it'ora fiat: 27-07-2003 22.56

e Miale "Bussu", stimadori e srebidori de Santu Perdu:

Originally posted by Michele64
..... ti cunfirmo chi Miale Santu Pedru at truncadu cun sardinna.info e dae una chida no imbiat prus artìculos...
Saludos - Miale Bussu.

d'at torrau sceda, lobai candu: 27-07-2003 22.59 ... 3 minùtus a pustis!
Chi ndi bogaus su tempus de ligi e su de scri', Bussu at arrespustu illuegus, antzis "istantaneamenti", po contu de Michele San Pietro. Duncas ... o seus aranti 'e unu fenòmenu de "telepatia" ... o Michele San Pietro esti unu fraubànciu e cumplessau.
O Michele San Pietro , e nara cixiri! Ca tui no tenis nudda de sardu, ses continentali e natzionalista "italiota" puru.

a si biri
su stori

[Michele64]

Ah Sto', ti ses faddidu un'àtera bia... est evidente chi no apo cuntatadu a Miale Santu Pedru in cussos tres minutos, ma fia zai a su currente de cussa informatzione...

Non bisonzat a esser àbilas pro lu cumprender...

[su stori]

Originally posted by Michele64
Ah Sto' ..

Là, oi ci du teneus romanu deroma!

Originally posted by Michele64
... ti ses faddidu un'àtera bia ...

Poni innoi asuta is acàpius (links) a is arrexonadas me innoi doi iant essi custus sbàllius ...

Originally posted by Michele64
.. est evidente chi no apo cuntatadu a Miale Santu Pedru in cussos tres minutos .... Non bisonzat a esser àbilas pro lu cumprender...

In custu ti 'onu arrexoni: est evidenti finas a is chi no funt àbilis meda de xorbeddu.

saludi
su stori