Una poesia mea

[Frantziscu]

Amigos sardòfonos istimados,

eri merie nche so coladu peri sos campos de trigu moriscu, chi m'amentant paritzas cosas de sa pitzinnia mea, e custu m'at dadu s'ispiru pro iscrier una poesia.

Ispero chi bos agradet.

SOS BUDRONES DE TRIGU MORISCU

In mesu de sos budrones de trigu moriscu
apo incumintzadu a biver
in cussos meries de basca
cando issos mi poniant a timer

In mesu de sos budrones de trigu moriscu
apo incumintzadu a rier
in cussos manzanos de fritu
cando non b'aiat nudda de ite fagher

In mesu de sos budrones de trigu moriscu
apo incumintzadu a istimare
in cussa sero impratada
cando apo bidu su bischillu tuo

Saludos a totus - Frantziscu.

[su stori]

Originally posted by Frantziscu
.. eri merie nche so coladu peri sos campos de trigu moriscu ..

Ci at cuncu macu me in Làconi chi at prenu sa terra a cixirianu?

Originally posted by Frantziscu
... chi m'amentant paritzas cosas de sa pitzinnia mea ...

Ah ... giai de issasa doi fiant laconesus chi ponìanta cixirianu ... machixeddus! E in calli zona de su sartu laconesu ci funti custas terras postas a cixirianu?
Na' o Frantziscu, ma is paesanus tuus, no ti nanta nudda chi a su cixirianu du tzèrrias trigu moriscu?

Originally posted by Frantziscu
SOS BUDRONES DE TRIGU MORISCU

In mesu de sos budrones de trigu moriscu
apo incumintzadu a biver
in cussos meries de basca
cando issos mi poniant a timer

In mesu de sos budrones de trigu moriscu
apo incumintzadu a rier
in cussos manzanos de fritu
cando non b'aiat nudda de ite fagher

In mesu de sos budrones de trigu moriscu
apo incumintzadu a istimare
in cussa sero impratada
cando apo bidu su bischillu tuo

Eh ... gi e' bellixedda, Mia'.
In sa poesia, naturalmenti, totu e' possìbili, perou
custus gudronis de cixirianu ci fiant sempri? E "in cussos meries de basca" e "in cussos manzanos de fritu" ...
ma là ca su cixirianu si ponit a s'inghitzu 'e su beranu i e' prontu a s'acabu de s'istadi!
In s'atòngiu e in s'ierru "budrones de trigu moriscu" no si nd'agàtada ... incapas e' po cussu chi arrìasta "in cussos manzanos de fritu"!

bonu domìnigu Mia'
su stori