S'imperatifu in su sardu

[Josto]

No hapu cumprendiu beni comenti traballat s'imperatifu a intru de sa limba nostra, subra e totu a intru'e su campidanesu.

Bideus po esempiu is ferbu cicai e nai:

SING PLUR

LOG:
chirca! chircades!
nara! narades!

CAMP
cica! cicai! / cichei! ???????????
nara! narai / narei! ???????????

Su plurali campidanesu est chen'e sa S de s'indicatifu, beru est?
E si narat cun sa bocali A (narai, cicai) opurus cun sa bocali E (narei, cichei)?

Chi mi boleis agiudai seis is beni bennius.

[Michele64]

Josto istimadu, in logudoresu s'imperativu de sa segunda pessone plurale est "¡Narade!", no "¡Narades", chi est imbetzes sa forma indicativa...

NARADE su chi azis bidu s'àtera die...

Bois NARADES cosas chi eo non cumprendo bene...

Saludos e una bona die - Miale.

[Josto]

O Perdu, tui chi ses acanta e fai su mastru de limba, cali de custas dus frasias est giusta?

"Narai su chi heis biu custa dì" opurus "Narei su chi heis biu custa dì!"?

[bom-bim-bom]

deu sciu narai e circai... ma no seu mastru.

[Josto]

E it'est? Est furriau in domu un'atru brabeixeddu perdiu.
A su mancu ddus has botaus is dus Referendums apitzus de su Forum?

[bom-bim-bom]

Originally posted by Josto
E it'est? Est furriau in domu un'atru brabeixeddu perdiu.
A su mancu ddus has botaus is dus Referendums apitzus de su Forum?

Certamenti. Po kini m'as pigau? appenas ki appu licciu su pvt. Ma su peccau non si narada...

[Perdu]

Originally posted by Josto
O Perdu, tui chi ses acanta e fai su mastru de limba, cali de custas dus frasias est giusta?

"Narai su chi heis biu custa dì" opurus "Narei su chi heis biu custa dì!"?

m'as fatu benni sa duda e apu dèpiu preguntai a totu su mundu!
e totus m'anti nai....
NARAI!

[amsicora]

Meda importanti custu forum, meda diaderus, seu imparendu una surra de cosasa, si arringraziu, potzu acciungi xetti ca deu, sicumenti seu campidanesu, naru, fuddau, no " Narai su chi heis biu custa dì" ca parridi traduxiu fueddu pò fueddu ade s'italianu, ma ( no xiu chi si scriidi deaicci) "Naraisidda su chi heis biu custa dì" osinnou: "Naraimidda su chi heis biu custa dì", "dite a noi ....." o " ditemi.....".
Si ringraziu ancora, sighei deaicci.
fortza paris!