Una fèmina, E.A. de 86 annos, ch'istat a sa sola in su de chimbe pranos de unu palatzeddu postu in carrera de Otieri, propiu intro de bidda, at arriscadu de morrer pro neghe de unu malistare.

L'at sarvada s'interventu lestru de sos azudos, allertados dae una bighina de domo chi aiant intesu unos cantos lamentos.

Sos òmines de su 118, chi sunt acùdidos deretos, ant chircadu de badas de si fagher aberrer sa ghenna dae sa sennora antziana.

Sunt istados sos pompieris, intrados peri una bentana, chi l'ant agatada in intro de s'apartamentu.

Sa fèmina si fiat intesa male pro more de sa basca.

Como s'agatat internada in s'ospidale, ma sas cunditziones suas non diant esser graes.

P.I.: Apo in pessu faladu in su telèfonu cun un'amigu meu bonu casteddarzu ch'istat in su bighinadu de Is Mirrionis: m'at naradu chi non si resessit prus a respirare pro neghe de sa caldana. Isperamus chi su friscu arribet su prus luego chi si podet.