Dae "Trinta dies"

[Michele64]

Dae s'ùrtimu nùmeru de "Trinta dies", su mensile de s'assotziu sardu "Tirsu e Flumendosa" de Casalpusterlengo (Lodi) (artìculu firmadu dae Cristolu Carta):

"Su mensile nostru est totu in sardu. Calicunu, in sa bidda in ue tenet sa sede s'assotziu nostru, s'est postu a rier pro custu. In realidade, non b'at propiu nudda a rier, sende chi su sardu est una limba, no unu dialetu, e custituit unu delitu a no l'abalorare comente si tocat. Àteros tzarrant in italianu, nois faghimus cosas cuncretas in sardu: isperamus chi bastantes pessones s'apant a sapire de custu fatu craru che a sa lughe de su sole".

¡In fines b'at calicunu chi tenet sas idèas craras!

¡Saludos e bivat sa limba sarda!

Miale.

[su stori]

Originally posted by Michele64
Dae s'ùrtimu nùmeru de "Trinta dies", su mensile de s'assotziu sardu "Tirsu e Flumendosa" de Casalpusterlengo (Lodi) (artìculu firmadu dae Cristolu Carta) ...

Interessanti meda, Miali, si podis nai cumenti si podit pigai cuntatu cun s'assòciu e, mancai, cun Cristolu puru?

a si biri
su stori

[Linux]

Originally posted by Michele64
Dae s'ùrtimu nùmeru de "Trinta dies", su mensile de s'assotziu sardu "Tirsu e Flumendosa" de Casalpusterlengo (Lodi) (artìculu firmadu dae Cristolu Carta):

"Su mensile nostru est totu in sardu. .... nois faghimus cosas cuncretas in sardu..."

Originally posted by su stori
.... si podis nai cumenti si podit pigai cuntatu cun s'assòciu e, mancai, cun Cristolu puru?

O Mialli, iat a interessai a mimi puru de pigai cuntatu cun is fradis sardus chi scrinti "trinta dies".
S'indiritzu, su numuru de telefunu: scadesciu ti d'iasta de si donai cussas informatzionis? Funti cosas de importu, ca is chi scrint in sardu tocat a si connosci e a s'agiudai a pari.

a si ligi

[Aleri]

Norabonas a su jorronali "Trinta dies" e unu saludu; sighei a de goici e eis a biri ki genti meda si nd'at a sapiri de s'arrikesa de sa limba nosta!

Deu puru abetu su bivimentu o Miale!

[Cristianu]

Originally posted by Linux

S'indiritzu, su numuru de telefunu: scadesciu ti d'iasta de si donai cussas informatzionis? Funti cosas de importu, ca is chi scrint in sardu tocat a si connosci e a s'agiudai a pari.

a si ligi

Est interessanti meda. Deu puru seu "lombardu", e seu pensendi de mi abbonài si nd'esistit sa possibilidadi. Cantu dinài bennit a costài?
Po prexè, postasì tottu su ki sçìs asupra custas "Trinta Dies".

Gratzias!

Cristianu

[Frantziscu]

Mia',

est sa prima bia ch'intendo faeddare de totu custu...

¿A ses propiu seguru de su chi ses narende? Chi eo ische, in cussa zona non b'est istadu mai un'assotziu sardu...

Saludos - Frantziscu.

[Linux]

Originally posted by Frantziscu
.... Chi eo ische, in cussa zona non b'est istadu mai un'assotziu sardu...

Unu dd'apu aciapau deu:
"Circolo Culturale Sardo ********
Via Trieste, 88, 20071, CASALPUSTERLENGO
02/833126";
no sciu chi sianta is proprius de "trinta dies", ma fait a si ddu preguntai.
Chi s'agatat custu "Tirsu e Flumendosa", issus ddu scint a marolla.

a si ligi

[kalarighes]

Norabonas a su jorronali "Trinta dies" e unu saludu; sighei a de goici e eis a biri ki genti meda si nd'at a sapiri de s'arrikesa de sa limba nosta!


saludu Aleri.
No aia mai intesu, o legidu, custas duas peraulas.
A de goici, mi 'enit de pessare ki siat comente a narrer "de goi" o "de gai", ma mi potho irballiare puru, sapiri propriu no l'isco.

a propositu (si propositu si podet narrer in Sardu) de GOI e GAI,
apo apidu unu arrijonu cun d'un omine mannu de 'iddha, issu m'at nadu ki GOI si tartat (si leget "taltat" = tratat, impitat, impreat, umperat) pro "indicare" sas cosas acurtzu, GAI pro sas cosas atesu.
adiosu

[Michele64]

S'amigu chi m'at faeddadu de cussa revista e m'at imbiadu sos testos de sos artìgulos m'at naradu chi m'at a comunicare s'indiritzu dae oe a carchi die...

So incumintzende a pessare chi m'apat contadu unu contu...

Mi paret istràniu ch'in una bidda de pagu importu che a Casalpusterlengo b'apat duos assòtzios sardos, francu si est su matessi ch'impreat duos nùmenes...

[Linux]

Originally posted by kalarighes
Norabonas a su jorronali "Trinta dies" e unu saludu; sighei a de goici e eis a biri ki genti meda si nd'at a sapiri de s'arrikesa de sa limba nosta!


saludu Aleri.
No aia mai intesu, o legidu, custas duas peraulas.
A de goici, mi 'enit de pessare ki siat comente a narrer "de goi" o "de gai", ma mi potho irballiare puru, sapiri propriu no l'isco.

a propositu (si propositu si podet narrer in Sardu) de GOI e GAI,
apo apidu unu arrijonu cun d'un omine mannu de 'iddha, issu m'at nadu ki GOI si tartat (si leget "taltat" = tratat, impitat, impreat, umperat) pro "indicare" sas cosas acurtzu, GAI pro sas cosas atesu.
adiosu

Cumenti du cumprendu deu, incapas esti:

goi = aici, de custa manera, cument'esti innoi, cumenti seu narendi deu, ..
gai = aici, de cussa manera, cument'esti innì, cumenti funti narendi is atrus, ..

chi torrat cun su chi ses narendi tui.
Perou, apu biu, chi s'imperu de cussus dus fueddus esti complicau meda: funti de cussus fueddus imperaus in d'unu biaxi de cumbinatzionis diversas.

"Mi ndi seu sapìu" iat a bolli nai "mi ndi seu acatau", "apu biu o cumprendiu una cosa chi prima no bia o no cumprendia". "Sapiri" dd'apu intendiu meda in logus de Trexenta, Gerrei, Ollasta puru, invecias in zona de Campidanu dd'apu intendiu prus pagu

a si ligi