Arrespundu a innoi a Su Stori, ki m'iat preguntau de su nick miu, e a mancai calincun'atru ki no du cumprendit.

Aleri est su nòmini de unu nuraxi.
Est unu nòmini prelatinu (liau a atrus de sa pròpiu genia comente Alleri -Fonne- Palisteri -Cuartu- Pabisteri -Gerrei- e atras boxis) ki no si scit beni ita iat a bolli nai.
Forsis su sentidu est de "tzitadi manna", "tzitadi forti", ma cun seguresa no si scit.

Comuncas po mei, mancai stramu, est su nòmini ki prus m'arregòrdat sa libertadi. Issu est postu a pei de monti, faci a su mari e candu àrtziu a incuni potzu castiai totu una "meria" nuraxesa. Addei conca a su mari e addei conca a sa terra. Est mannu e bellu e m'arregòrdat sa pipiesa e sa "domu" mia, sa ki intendu in su coru.

A si biri fradis mius!