Intrabista a Soru

[Michele64]

Si a beru sunt capitende custos episòdios, ¿Pro ite non faghes denùntzias tzircustantziadas mentovende nùmenes, sambenados e logos?

Eo apo a esser su primu chi t'at a dare una manu de azudu...

Saludos e bivat sa limba sarda - Miale.

[Perdu]

Originally posted by Michele64
Si a beru sunt capitende custos episòdios, ¿Pro ite non faghes denùntzias tzircustantziadas mentovende nùmenes, sambenados e logos?

Eo apo a esser su primu chi t'at a dare una manu de azudu...

Saludos e bivat sa limba sarda - Miale.

apu umperau su tempus passau!
comuncas in su 1990 duus pipius ki biviant acant''e tàtari dus anti scrucurigaus a-i scola ca (mancai fianta bonu meda) fueddant in sardu sceti, no ti nd'arregordas de su sçoperu linguìstigu de totu sa sardinnya?
sa genti ki at gherrau po sa lìngua sarda in is annus '70 e '80 at dèpiu gherrai contras a sa polìtiga arratzista de su stadu italianu, no fiat una cosa simpri ke imoi!
e da connoscis sa kistioni de sa tesi de laurea fata in sardu in tàtari, e presentada de Bainzu Piliu su professori? su ministru italianu si nci fiat arrennegau e iat mandau genti a fai una scubullya........aici fiat po kini gherrat po su sardu

[amsicora]

e de cussu sindigu ki iada fatu su juramentu in sardu e du ianta denunciau pò "villipendio alla costituzione"? candu unu tziu adi nau ca cun sa bandera italiana si nci pulliada su culu e pò si da fai pagai du anti fatu ministru de is riformasa? ita bella cosa, aberu Miale? a mei puru, candui fia pipiu e andà a iscolla su primu annu, cristionà sceti su sardu e mi bessiada malli a nai "coltello" a mei bessiada "gortello" ge mi ndi adi donau de corpus de petia cussa disgratziada de mesta, cà ge no fiada de su corru de sa urca, fiada de Muravera, su santu ki d'adi naxa
a si intendi

[Michele64]

S'episodiu mentovadu dae Amsicora est de seguru birgonzosu, su denuntziadu dae Perdu unu pagu prus pagu a bisu meu, sende chi si un'iscola tenet comente limba de imparonzu s'italianu mi paret lòzicu chi finas sos traballos si fagant in italianu... chi siat iscandalosu su fatu chi galu non b'apat iscolas cun limba de imparonzu sarda est un'àteru arresonu...

"Tesi di laurea" pro s'ABLS est un'italianismu, nois impreamus "dissertadura de indotoramentu"...

Saludos e bivat sa limba sarda - Miale.

[su stori]

Originally posted by Michele64
"Tesi di laurea" pro s'ABLS est un'italianismu, nois impreamus "dissertadura de indotoramentu"...

- "dissertadura de indotoramentu" est sceti una miallonada, po cussu da imperant sceti in s'Assòciu BaLosSu (iat'essi a nai, sceti su grandu Mialloni associau cun issu atotu): o Mialloni, sonadidda e cantadidda a solu!
Perdu at imperau "tesi de laurea". Italianismu o no, nosu d'eus cumprèndiu. Chi essi nau sa miallonada cosa tua, no d'iaus cumprèndiu illuegus, poita "dissertadura de indotoramentu" no s'agatat in sardu ... ti du ses imbentau tui!
E tui no tenis nisciuna autoridadi de scioberai noulogismus.
Tziu Luisicu 'Eppiri, giorrunnaderi de candu e' nàsciu, est su ditzionàriu cosa mia. A issu di domandu ... e custu ita di nanta? E a cust'atru ita d'ìasta nai? .... e a is chi anti fatu traballus de importu a suba de sa lìngua sarda .....
... no a su Mialloni continentali acorrau in s'aposenteddu sua pensendi miallonadas a nastru.

a si biri
su stori

[Michele64]

Sa chistione est semper sa matessi, Stori istimadu: eo cherzo chi su sardu si fagat a beru una limba de comunicadura de massa inditada pro totu sos imprèos, tue a s'imbesse cheres chi abarret unu faeddu de cuarta categoria destinadu a iscomparrer in tempos curtos...

Ses mere mannu de lu fagher... ma in su tempus benidore nemos s'at a amentare de tie, cando chi de nois de s'ABLS totus s'ant a amentare comente abaloradores de sa limba sarda e architetos de s'afortimentu suo...

Saludos - Miale Bussu.

[Perdu]

cuarta: sa de cuatru
faddina manna meda!!!!

p.s
la, ki mi naras, totu is lìnguas noulatinas du teninti, mi ti nci papu!!!!

[su stori]

Originally posted by Michele64
.... de nois de s'ABLS totus s'ant a amentare comente ...

... cuddu Mialloni conca 'e Miallu de Michele San Pietro !!!
Tenis arraxoni, Michele San Pietro, nemus s'at a arragodai de Su Stori, ma de tui giai ! .... e cumenti puru !! As a benni a bi' is festas candu t'as a presentai ... in su stàdiu de is centumilla de Duarche ... eo so Michele San Pietro, as a nai tui a su micròfunu! Ci at a essi una surra 'e genti ... e doi ap'a bandai deu puru ... eh! Gei at a arribai Mialloni !!!

a si biri
su stori

[Michele64]

In custu casu pro mene "cuarta" andat bene.

Abaidade pagu pagu:

Francu est unu cantadore de CUARTA CATEGORIA (est a narrer chi est unu cantadore malu meda)

Francu pertenet a SA DE BATOR CATEGORIAS de sos traballadores (custu sinnìficat imbetzes chi faghet parte de una categoria determinada de carchi cosa)

Su sentidu de custas duas fràsias no est su matessi...

Unu saludu e bivat sa limba sarda - Miale.

[Perdu]

Originally posted by Michele64
In custu casu pro mene "cuarta" andat bene.

Abaidade pagu pagu:

Francu est unu cantadore de CUARTA CATEGORIA (est a narrer chi est unu cantadore malu meda)

Francu pertenet a SA DE BATOR CATEGORIAS de sos traballadores (custu sinnìficat imbetzes chi faghet parte de una categoria determinada de carchi cosa)

Su sentidu de custas duas fràsias no est su matessi...

Unu saludu e bivat sa limba sarda - Miale.

cuarta no esistit e duncas ses imbentendiddu tui!!!