Saludi,
de meda cosa si poidi fai a mancu, ma ci funti ( pagu ) cosa ki no si podinti fai apostois, funti cussa cosa ki ti intendisi aintru cà no ada a torrai a essi mai prusu, e cà est de omportu mannu a doi essi.
Candu studià fotografia, du tzèrriaiaus " attimo fuggente" cussa pati de tempu deaici pitica abini una cosa sutzedidi,..... pagu primu no est ancora sutzediu e pagu apostis est jai sutzediu, cumenti e candu unu pipiu naxidi, sceti unu segundu est naxendu, unu prima no est nasçu e unu dopu est jai nasçu, intzaras ki fadiasta sa fotografia in cussu segundu mancai no fessada beni posta a fogu e mancai no fessada beni esposta o ancora, malli inquadrada, cussa fiada una bella fotografia poita iada pigau su ki FIADA sutzediu candu fiada sutzedendu.
Poita naru custu? poita su 27/12 de custu mesi ada a naxi puru in su paperi IRS, a doi essi oidi nai a biri sa creatura nosta naxendu e deu no doi potzu essi a "fotografai" cussu momentu.
Ma ge doi est atra concas pò mei puru, intzaras si ollu pregontai unu prexei: in fundu, s'urtimu incueddedu in fundu, mancai in pei, lassaimidda su logu, cun su coru e sa conca apessi me in gui cun osatrus.
No potzu fai atru ke si ringratziai pò cussu ki seis fadendi.
a si intendi cun saludi