Sas propònnidas de noulozismos de su zassu www.sardu.net

[Michele64]

Apo ischidu cun praghere chi su zassu www.sardu.net at atualizadu sa partzidura dedicada a sas propònnidas de noulozismos.

Apo dadu un'abaidada a sos ùrtimos noulozismos propònnidos e in zenerale mi parent meda bonos.

Apo notadu cun praghere chi b'at finas sos chi pertocant sas partes de s'automòbile, chi pro custa bia nche crompint a sa lìtera "c".

Sende chi finas nois de s'ABLS nos semus ocupados meda de custu tema, dia cherrer sinzolare a su zassu www.sardu.net unas cantas propònnidas de noulozismos elaboradas dae s'iscuadra nostra:

cerchione = chircone
portapacchi = retza portabagàllios
cruscotto = cuadru de cumandu
cassetto portaoggetti = calassu portaguantes
tettuccio apribile = coberturedda de sole
fari antinebbia = faros contraneula
specchietto retrovisore = ispigreddu palasbididore
sbrinatore = isbiddiadore
parafango = paraludu
parabrezza = parafrina
paraurti = paratzocos o paracorfos
tergicristallo = innetabidros

Saludos e bivat sa limba sarda - Miale Bussu.

[Michele64]

In ocasione de s'ùrtima reunione chi amus tentu, sos de s'ABLS amus detzìdidu de modificare unu de sos noulozismos antismentovados...

Pro su chi pertocat sa bortadura de su tèrmine italianu "cruscotto", nos semus sàpidos chi "cuadru de cumandu" est una paraula zenèrica meda chi andat bene pro àteras cosas.

Pro custa est mezus a impreare "tauleri de bordu".

Su tèrmine "tauleri" tràmunat sa paraula italiana "tabellone":

"In su TAULERI de s'istatzione, sunt inditados totu sos trenos chi moent e arribant".

Saludos e bivat sa limba sarda - Miale Bussu.