Carchi tempus a como, cando aia inditadu in custu foru sa paraula "camerone" comente bortadura possìbile de su tèrmine italianu "camerata", su Perdu mi fiat partu unu pagu dudosu...

Unos cantos meses a pustis, devo reconnoscher chi teniat resone... in sos ùrtimos tempos, sos de s'ABLS nos semus reunidos fitianu bastante e, in mesu de s'àteru, amus detzìdidu chi andat meda mezus sa paraula "aposentada"...

Duncas:

"A pustis de s'istudamentu de sas lughes, s'APOSENTADA fiat a poderiu de unu mudìmine totale. Finas Càralu in cussu mamentu s'agataiat suta de sas mantas, e totu sos pessamentos suos fiant ocupados dae su chi fiat acontèssidu in sa corte de su cuarteri cussu manzanu..."

¡Saludos e bivat sa limba sarda! - Miale Bussu.