"ladu"

[su stori]

"ladu" furriau in italianu (a sa lìtera) 'olit nai "lato", ma bolit nai fintza "perra, una metadi de", opuru "largo", e tenit atrus sentidus puru. Cumenti du imperaus nosu, mediotas, nd'aciapat un'antru sentidu ancora:
- a lad'e domu tua (dalle parti di casa tua)
- a lad'e Is Pratzas (dalle parti di Las Plassas)
- mi setzu a lad'e sa mer'e domu (mi siedo dalla parte della padrona di casa)
- a lad'e Cuccui doi at coìllusu meda (dalle parti di Cuccui ci sono molti conigli)

a si biri
su stori

[PRAETORIANVS]

In Logudoresu "ladu" si podet puru traduire cun s'italianu "piano, largo, liscio"

es: piatto piano = piattu ladu


Derivadu dae su latinu "latus"


Salude

[su stori]

Originally posted by PRAETORIANVS
es: piatto piano = piattu ladu

Ei, apu biu chi a lad'e osatrus "ladu" pigat cussu sentidu puru. De is partis mias, a su mancu po su chi ndi sciu deu, cuss'espressioni po nai "piatto piano" no da teneus.
Nosu a is pratus di naraus:
- pratu ciatu = piatto piano
- pratu cupudu = piatto fondo

a si biri
su stori

[Antoneddu]

Originally posted by su stori
Ei, apu biu chi a lad'e osatrus "ladu" pigat cussu sentidu puru. De is partis mias, a su mancu po su chi ndi sciu deu, cuss'espressioni po nai "piatto piano" no da teneus.
Nosu a is pratus di naraus:
- pratu ciatu = piatto piano
- pratu cupudu = piatto fondo

a si biri
su stori

In bidda
Ladu = largo

De cussu fuedu ndi bessi su brebu alladiau.

Po nai "a lato" manixausu "a costau"


Piatto fondo = Pratu cupudu

Piatto piano = Pratu praneri

Finzas in Logudoresu si manixada "a costau"

Es. Passa a costau de s'irriu.

salludi
Antoneddu

[su stori]

Originally posted by Antoneddu
In bidda
Ladu = largo
De cussu fuedu ndi bessi su brebu alladiau.

e su fueddu "ladixedda"? Cussu puru nd'at a benni de "lada"?

Originally posted by Antoneddu
Po nai "a lato" manixausu "a costau"

e nosu puru naraus di aici, antzis nosu naraus "a su costau". Sa manera de imperai su fueddu "ladu" chi obia nai deu esti:
- "a lad'e", chi currespundit a su sentidu
- "de sa parti de", "de is partis de" o fintzas "faci de" (dalla parte di, dalle parti di, verso).
Candu apu scriu sa fràsia:
- "mi setzu a lad'e sa mer'e domu" obia nai:
- mi siedo dalla (stessa) parte della padrona di casa, chi e' cosa diversa de:
- "mi setzu a su costau de sa mer'e domu", chi iat a bolli nai "a fianco"

Salludi e trigu
su stori

[PRAETORIANVS]

In Logudoresu si narat :


affianco = a costazu, o affacca

di fronte = a ojos (tradotto alla lettera, "a occhi")

davanti = a in anti

dietro = in segus, o a in segus

pro cantu riguardat piattos e atteros attrezzos de coghina:

piatto piano = piattu ladu
piatto fondo = piattu truvucu
tavolo = banca, taula
forchetta = furchetta
cucchiaio = cucciara
cucchiaino = cucciarinu
coltello = 'ulteddu
pentola = padedda
tegame = frisciolu
mestolo = trudda
mestolo bucato = trudda pertunta
bicchiere = tazza
bottiglia = ampulla
tazzone da latte = cicchera
tazzina da caffè = ciccheredda
caffettiera = coffettera
zuccheriera = tuccheriera
tagliere = tazeri

(in calki zona de su Logudoro, in sa zona de Perfugas, Laerru, happo intesu narrere puru piattu cupudu)

Salude