"cadra"

[su stori]

Pensendi a cussu pipieddu fitziau de Mialloni, m'at arragodau una frāsia (cumuna meda in zona nosta):
- cussu? D'iat ai bōfia una bella cadra a nādias cumenti si spetat
Su fueddu "cadra", prus o mancu iat'essi sinōnimu de "surra", de innoi nd'at a benni? Du connosceis osatrus?

a si biri e domandu scusa po sa pagu dillicadesa de sa chistioni "cadra"
su stori

[sisinni pabi]

Saludi su stori, beni agattau.

Donai una cadra, accostumaus a ddu nai cun aterus sinnificaus puru. Es.:

- Basca de no crei oi me' in su sartu: fatuvatu depia curri a sa mitza a mi 'onai una cadra 'e aqua(po 'ndi buffai meda)!

- E ita novas su pipiu? Ohia cittassė, ca dd'hat torrau una cadra 'e calentura custa notti passada!

- Intendiu dd'has ca fulanu nanca hat donau una cadra 'e fueddus malus a su preidi?!

Cumenti podeus bi', cadra serbit po afortiai meda su chi megaus 'e nai.
Si depu nai ca a unu dd'hapu attrippau meda, nau ca dd'hapu 'onau una cadra (de fusti, de bucciconis, de scofadas 'e pei a cų, etc.) prus a prestus che a nai "una surra".

Bissenti Porru narat ca incapas benit de s'italianu "cardo"(?) ma, po sa mellus segurantza, hiat essi' mellus si calincunu, candu ddi tressat me' is manus, donit una castiadedda a su D.E.S.


Adiosu.

[su stori]

Originally posted by PERANTONI
Donai una cadra, accostumaus a ddu nai cun aterus sinnificaus puru. Es.:

- Basca de no crei oi me' in su sartu: fatuvatu depia curri a sa mitza a mi 'onai una cadra 'e aqua(po 'ndi buffai meda)!

- E ita novas su pipiu? Ohia cittassė, ca dd'hat torrau una cadra 'e calentura custa notti passada!

- Intendiu dd'has ca fulanu nanca hat donau una cadra 'e fueddus malus a su preidi?!

Cumenti podeus bi', cadra serbit po afortiai meda su chi megaus 'e nai.
Si depu nai ca a unu dd'hapu attrippau meda, nau ca dd'hapu 'onau una cadra ....

O Perantoni, fait praxei a ti bė scriendi, ca si scerat illuegus chi de sadru ndi mātzias dōnnia dė e ndi scisi.
Su chi ses narendi e' berus: "cadra" no e' sceti una "passad'a cropus", ma fait a du imperai cun atru sentidu puru.
Mui ci at una cosa chi m'at colpiu in su chi as scriu: cussu "megaus 'e nai".
Deu d'apu intčndiu meda narandiddu de genti de a lad'e Sarcidanu: "mega 'e di nai", "megaus 'e nai", ...
Cumenti du imperais esatamenti cussu fueddu?

salludi e trigu
su stori

[sisinni pabi]

O su stori, ddoi ses oh?

Me' is difarentis patuaus sardus, su verbu "megai" dd'agattaus vetti me' in su campidanesu. Bolit nai:

- Ind. Pres.: Io sto per + verbo all'infinito (es.: deu megu 'e andai)

- Ind. Imp.: Io stavo per + verbo all'infinito (es.: deu megā 'e andai)

Ind. pres.:

mčgu/mčgas/mčgat/megāus/megāis/mčgant

Ind. imp.:

megā/megāst/megāt/meghiaus/meghiais/megānt

Castia beni anca si ponint is atzentus (es.: issus mčgant=loro stanno per / issus megānt= loro stavano per).

Adiosu

[su stori]

Gratzias a tui de s'ai spiegau di aici beni su sentidu e s'imperu de su verbu "megai". Ti depu nai ca in bidda mia no du imperaus e mancu in Casteddu du imperant. Nosu naraus "fiat po di nai" (o "fuat po di nai") intami de "meg'a di nai". E, torru a nai, cussu verbu du intčndia fėsciu da una cricca de amigus arrollesus. Po cussu pensā chi fčssidi arroba de sa pati 'e Sarcidanu. Ma, gei du scieus, sa lėngua sarda sighit tretus chi a bortas funti trotoxaus.
Po nai, pigaus cussa manera de pronuntziai fueddus che (it. "sola")
- a sola
- a solla
- a soba
- a soha (no sciu cumenti du scriri cussa spetzi'e sonu)
o, sa prōpriu cosa, (it. "sole")
- soli
- solli
- sobi
- sohi
Cussu sonu (su de "sohi") d'agataus acanta acant'e Casteddu (Ceraxus, Pauli), ma in logus puru che Iscroca (chi est in Sarcidanu, cumenti Arrolli, me innoi perou nanta "solli" e no "sohi") opuru, totu atra zona, in Muraera ...

a si biri
su stori