"lei"

[su stori]

Totus scieus chi "lei" oi nai una règula ditzìdia de is rapresentantis de su pòpulu.
Perou, custu marì fiaus chistionendi cun tziu miu de una terrixedda cosa mia e nd'est bessiu cun sa fràsia:

- Cussa terra? Chi d'aras cand'e' sciuta meda, bogat lei manna cument'a cussa mesa

ca sa "lei" funti puru is arrogus de terra chi ndi bessint arendi ("le zolle" in italianu). Atra cosa de interessu e' su singolari-plurali (cumunu meda e carateristicu in sardu, gei nd'eus chistionau atar otas):

- bogat lei manna che a sa mesa (tira fuori zolle grandi come il tavolo)

... lei, e no leis ..

a si biri
su stori

[Michele64]

In campidanesu est de seguru gasi, peroe in sa limba sarda esistint finas àteras paraulas pro tramunare s'italianu "zolla". Nois impreamus mescamente "bàrdule" e "cheba".

[Perdu]

Originally posted by su stori
Totus scieus chi "lei" oi nai una règula ditzìdia de is rapresentantis de su pòpulu.
Perou, custu marì fiaus chistionendi cun tziu miu de una terrixedda cosa mia e nd'est bessiu cun sa fràsia:

- Cussa terra? Chi d'aras cand'e' sciuta meda, bogat lei manna cument'a cussa mesa

ca sa "lei" funti puru is arrogus de terra chi ndi bessint arendi ("le zolle" in italianu). Atra cosa de interessu e' su singolari-plurali (cumunu meda e carateristicu in sardu, gei nd'eus chistionau atar otas):

- bogat lei manna che a sa mesa (tira fuori zolle grandi come il tavolo)

... lei, e no leis ..

a si biri
su stori

in su sartu de pauli, sestu, sìnnia.....da naraus lea

[Perdu]

tettonica a zolle= tetòniga a leas

[Michele64]

"Zollette di zucchero" = "cubeddos de tzùcaru".

[su stori]

Originally posted by Michele64
"Zollette di zucchero" = "cubeddos de tzùcaru".

Du bisi ca no ses sardu? Du bisi chi no tenis nisciunu referimentu a su sardu chi chistionant is sardus? No tenis nemus de 'idda tua, de sa famìlla tua, de is bècius de domu tua, chi ti podit agiudai cun su sardu ... poita ca no ses sardu. Duncas ses sempri imbentendi fueddus e fràsias chi no esistint ... e custu iat a podi andai beni chi sighìasta su sardu e no is cunzuminaduras macas chi t'acucanta a tui.

Là ca in sardu

- cubeddos funti carradeddas piticas e no "cubetti" , su chi incapas obìasta nai tui ... gei ses a frori!

a si biri
su stori
PS: "schetu" du narant is bècius de 'idda de norant'annus, du naranta babbu e mamma, tziu mìusu, amigu mìusu, e d'apu imparau de meda aranti de ai intèndiu su fueddu italianu "schietto". Cussus bècius imperanta su fueddu "schetu" candu s'italianu mancu du scìanta. "Schetu" du imperaus imui puru e su sentidu cosa sua podit essi diferenti meda de su de s'italianu "schietto" ...
... unu chi ndi bogat a pillu arroba de "cubeddos de tzùcaru" iat a depi tenni unu pagheddu de umiltadi aranti de sa Lìngua Sarda

[Michele64]

Si non si narat "cubeddos", tando cràrime comente si diat dever narrer... non l'as a fagher ca comente a s'avesu ses capatzu petzi de destruìre, mai de fraigare...

In onzi manera, "cubeddu" currespondet puru a s'italianu "cubetto" e non si bidet pro ite non diat dever esser gasi... Torro a narrer chi "cubeddos de tzùcaru" andat meda bene, in su matessi modu de "cubeddos de astra", e sas cagallonadas a sa moda storesa mi tenint sena cuidadu...

"Schetu" pro mene abarrat un'italianismu iscaradu ridìculu e foras de su mundu, e su fatu chi l'impreent "sos betzos de noranta annos", chi siat beru o farsu, non m'interessat in assoludu... pro como su sardu (francu dae unas cantas pessones, chi tenzo s'onore de nde fagher parte finas eo, e chi non tenes s'onore de nde fagher parte tue) est faeddadu comente dialetu, no comente limba, duncas nemos podet tenner sa pretendidura de imponner règulas suas imbentadas in onzi cantzu...

[su stori]

Originally posted by Michele64
In onzi manera, "cubeddu" currespondet puru a s'italianu "cubetto" ...

ma aundi stocada das intèndiu "su cubeddu" po nai "il cubetto"? Cumenti catzu faidi unu fueddu chi in sardu bolit nai "carradedda" (chi e' tunda) a tenni fintza su sentidu de "cubetto" ... e a pustis custus "cubeddos de tzùcaru" it'iant essi? Carradas prenas de tzùcuru? Totu a su prusu, bolendi tradusi "cubetto" in sardu (su chi as fatu tui), a su mancu c'iat a bolli sa "b" allobada: "cubbeddu" ... ma fait arrì a su pròpriu!

Originally posted by Michele64
"Schetu" pro mene abarrat un'italianismu iscaradu ...

Torr'a nai chi "schetu" est unu fueddu sardu po contu suu, ca podit tenni sentidus ca no ci apicìganta nudda cun s'italianu "schietto":

- Là Giuanni! Su babbu schetu! (Guarda Giovanni! Identico al padre! L'immagine del padre!)

ma it'ois a fai! Tui chistionas de sardu chentza de nd'ai mai fueddau cun nemus ... su sardu cosa tua e' cosa artificiali totu e podit fai sceti dànnusu

a si biri
su stori

[su stori]

Originally posted by Michele64
... pro como su sardu (francu dae unas cantas pessones, chi tenzo s'onore de nde fagher parte finas eo, e chi non tenes s'onore de nde fagher parte tue) est faeddadu comente dialetu, no comente limba ...

Eeehhh! Piticu puru!! Est arribau su "Leonardo da Vinci de sa limba"! Nd'e' cabau de s'Emilia Romagna po s'imparai su sardu! E, naramì una cosa, chini iant'essi is atrus "bellu campionis" de sa crica, chi deu no tèngiu s'onori de ndi fai parti? No seus arrannèscius mai a ndi connosci manc'unu (sarvu calincunu frassu che a cussu Frantziscu ... toca! torrandi cussu lacunesu "virtuali").

a si biri
su stori

[Michele64]

Pro ite non mudas unu pagheddu sa cantone una bia pro totus? A non ti sapes chi lis as cascaviados a totus?