asa...

[amsicora]

.. pobidda mia megada de mi nai ca si narada " pitzràrju!" e du potanta puru pò logus in foras de sa bidda ... ma sempri abini sa bia si aperriada ( largo)
saludi

[su stori]

Originally posted by amsicora
"... Pabillonis è la capitale sarda dei fuochi d'artificio..." finidi notesta sa "gara" de s'arroda e oi tocat a su babu mannu ... ti contzillu de doi andai ... ocannu passau doi fia deu puru, no poisi comprendi ita cosa bella ki est stetia, di anti batiu is manus pò una dexina de minutus.

Stìtzia du sus tìridi! Piticus puru is fogus de ariseu! No d'ia cumprèndiu su chi s'as nau imui ... bia sa genti batendi is manus, ma no d'ia cumprèndiu ca fiat una spètzia de "gara" a chini fait is fogus prus bellus. Duncas oi ci funt is mellus fogus? ... Là ca is de ariseu fìanta unu machiori ... no ci arrannèsciu mancu a du nai cumenti fìanta ... tocada a du su biri e bàstada!

Originally posted by amsicora
... e ingui a dereta e a manca partinti atra bias ... me ingui si aberridi unu "largo" e doi est ancora unu grifoni ... est su fritzaxu ..

Duncas iat a essi unu logu me innoi sa 'ia de strinta bessit lada e d'acàbada in d'una spètzia de pratzitedda. In bidda mia ci at unu logu chi di nanta "funta'a sa 'ia" (funtana de sa bia), chi e' di aici, e d'acàbada in d'una pratzita cun d'una funtana, praticamenti in su satu: cussu, in pabillonesu, iat a podi essi unu "fritzaxu" o "pitzràrju"?

a si biri
su stori
PS: eh ... oi no du sciu chi mi 'enit a bei de cabai a Pabillonis, perou, chi doi andu, gei si fatzu sci' su chi anti fatu

[amsicora]

Originally posted by su stori
Stìtzia du sus tìridi! Piticus puru is fogus de ariseu! No d'ia cumprèndiu su chi s'as nau imui ... bia sa genti batendi is manus, ma no d'ia cumprèndiu ca fiat una spètzia de "gara" a chini fait is fogus prus bellus. Duncas oi ci funt is mellus fogus? ... Là ca is de ariseu fìanta unu machiori ... no ci arrannèsciu mancu a du nai cumenti fìanta ... tocada a du su biri e bàstada!
Duncas iat a essi unu logu me innoi sa 'ia de strinta bessit lada e d'acàbada in d'una spètzia de pratzitedda. In bidda mia ci at unu logu chi di nanta "funta'a sa 'ia" (funtana de sa bia), chi e' di aici, e d'acàbada in d'una pratzita cun d'una funtana, praticamenti in su satu: cussu, in pabillonesu, iat a podi essi unu "fritzaxu" o "pitzràrju"?

a si biri
su stori
PS: eh ... oi no du sciu chi mi 'enit a bei de cabai a Pabillonis, perou, chi doi andu, gei si fatzu sci' su chi anti fatu

Saludi Stò, là ca filla mia, ca issa est in basçu, mi adi nau ca s'acabu est crasi e noti ... du su faidi su babu mannu de is Oliva ... ki ti est praxu su de ariseu ... baiddoi crasi e ... mi asta arringratziai!
Asua de su pitzrarxu ... in pagu fueddus est cussu logu abini in tempus passau sa genti de su bisçanu si agatada pò fai cosas impari ... tipu bentuai su lori e atra cosas, ki poisi est abarrau aintru de sa idda mau mau ki est cresça ... e ki funti diventaus "incroçus" mannus ... o cosa de aici ...una specie de çroba ... aintru de bidda.
Du scisi ca S. Sçori fiat su logu abini Pabillois ia tentu s'abitau su fiasa a su tempus de su judicau de Arbarè? in basçu, acou de sa cora abini doi fanti s'arroda, no est abarrau nudda pueta is domus fianta de ladrini, linna e terrestrexu, poisi, sigumenti doi fianta tropu gherras, si fiada spostau conca a Guspini in d'unu logu ki tzerriaus"domu de Campu", prus annatis de su frumi Bellu( primu doi est, benedu de S.Sçori conca a Ovest, frumi Mau poisi frumi Bellu), me ingui pinnicanta cropus de is morus ca arribanta de sa costa Verde in d'una bia ki ancora, candu fia pipiu si tzerriada "sa bia de is Turcus" e una borta is pabillonesus si fianta cuaus in d'una foresta de abiu ( unu calidadi de pioppo), e ianta fatu promissa a S. Juanni ca ki fessant staus salvaus de is morus, iantai fatu festa pò sempri pò issu ... seus circa in su 1500 mi parit, ... ianta fatu una cresiedda in su satu apitzus de su campussantu de intzaras ... abini oi doi est Pabillois, in mesu de is dus frumis ... ancora oi su 28-29/8 de donnya annu si fait cussa festa pò issu, sa di prima si bandat totus impari a pinnicai s'abiu abini ndi doi est ancora, poisi si potada in sa sçroba de bidda e ingui donnyunu si cuncodrada su carru sù, ki depit essi fatu sempri in cussu modu ...abiu,cannitzadas,stoias, tapetus e aratzus sardus e pagu atru, e ci est una juria ki narat calli est su prus traditzionali, candu fia pipiu fianta casi totus carrus tiraus de unu iù de bois ( una copia) ... cussu mannu mannus ki potanta sa conca de aici manna ki ti doi poisi crocai in mesu de is corrus... oi finti tratoris mannus ke una domu ... ma est abarrau callincunu carru....
ci funti contus meda asua puru de S.Juanni ... ma mellus a no segai sa conca ...
saludi

[su stori]

Originally posted by amsicora
... ci funti contus meda asua puru de S.Juanni ... ma mellus a no segai sa conca ...

eeehhh ... si bi' ca t'apu tocau is arrèxisi ... fintzas de cumenti scrisi, parit de intendi sa boxi cosa tua ..

a si biri
su stori

[amsicora]

Originally posted by su stori
eeehhh ... si bi' ca t'apu tocau is arrèxisi ... fintzas de cumenti scrisi, parit de intendi sa boxi cosa tua ..

a si biri
su stori

... me ingui doi apu lassau su coru ... ma mi nanta ca seu de aici donnya orta ki cristionu de sa Sardinnya totu ...
saludi