Licu

[su stori]

No mi ndi fiat acatau finas a oi: "Licu" est menguanti (diminutivo) de "Rafaeli" (Rafaelicu) ...

a si biri
su stori

[Lutzianu]

fintzas Lillicu...

Salude

L

[PRAETORIANVS]

Saludos a tottu, como fia dae unu pagu 'e tempus kena iscriere in su forum, itte novidades bi sun??

Pro cantu riguardat "Licu", in su Logudoro su nòmene Raffaele lu naramus Rafaelle (propriu cun duas L), e su diminutivu est Lelle


Salude

[sisinni pabi]

Saludi a totus, ben'agattaus.

Me' in logu nostu puru ge' ddu naraus Arrafielicu ma, po si nai sa beridadi, Licu est menguanti de aterus nominis (cumenti hat nau Lutzianu puru). Nosu ddu 'mperaus po Bellicu, Allicu, Paulicu, Tanielicu, etc.

A si torrai a intendiri cun saludi, adiosu.

[su stori]

Originally posted by PERANTONI
... ma, po si nai sa beridadi, Licu est menguanti de aterus nominis .... Bellicu, Allicu, Paulicu, Tanielicu, etc. ...

Ei, Perantoni, su chi fia narendi deu no fiat "esclusivu" ... fiat sceti ca in bidda doi funt una pariga de tzius chi di nanta "Licu" e deu no c'ia mai pensau chi boliat nai "Rafael-licu" (ca a su mancu is "Licu" de bidda mia funti totus "Rafaelli").
Mui t'ia bolli domandai una cosa: Paulicu currespundit a s'italianu Paolo, Tanielicu a Daniele, Rafielicu a Raffaele, .... e "Bellicu" e "Allicu" .... a ita nòminis italianus currespundint ? (sempri chi s'agatit su chi currespundit in italianu)

a si biri
su stori

[amsicora]

Saludi piçocus, comenti andaus?
me in cabu'e susu ( sa zona de Sindia) du tzerriant "Felli", ndi connosçu unu scantu.
saludi

[sisinni pabi]

[QUOTE]Originally posted by su stori
[Mui t'ia bolli domandai una cosa: Paulicu currespundit a s'italianu Paolo, Tanielicu a Daniele, Rafielicu a Raffaele, .... e "Bellicu" e "Allicu" .... a ita nòminis italianus currespundint ? (sempri chi s'agatit su chi currespundit in italianu)


O su Stori,

po ti nai sa beridadi, ddus hapu sempiri intendius nomonai ma de su chi bolant nai de precisu, no seu seguru. Pentzu deu chi unu, Bellicu, siat menguanti de Balloi (chi si nàrat puru Sarbadori).
Menguantis de Balloi: Balluitu, Ballicu, Be(a)llicu ...
Allicu, intamis, depit essi' s'ateru nomini chi imperànt po Arrafiebi poita ca su poeta de Sinnai Raffaele Murgia -m'est torrau a conca immoi- fiat connottu cun su nomini de Allicu Seui.

Adiosu.

[su stori]

Originally posted by PERANTONI
... Allicu, intamis, depit essi' s'ateru nomini chi imperànt po Arrafiebi poita ca su poeta de Sinnai Raffaele Murgia -m'est torrau a conca immoi- fiat connottu cun su nomini de Allicu Seui.

Berus! Mi parit ca, giraerrigira, su'n prus de i'botas, "Licu" di torrat diaderus menguanti de "Rafiellicu", annò?

[sisinni pabi]

Originally posted by su stori
Berus! Mi parit ca, giraerrigira, su'n prus de i'botas, "Licu" di torrat diaderus menguanti de "Rafiellicu", annò?

Po su prus giai, ge' tenis arrexioni. Su chi no mi torrat meda est Bellicu poita "Bellica", cument''e nomini de femina, boliat nai Isabella e mi parrit schissiolau a conca unu chi a su fillu ddi ponit "Isabello". Po custu, torru a nai, pentzu chi fessit umperau cument''e menguanti de Balloi.

A si intendiri, adiosu.

[su stori]

Originally posted by PERANTONI
... Bellicu .... pentzu chi fessit umperau cument''e menguanti de Balloi....

Poid'essi puru, perou mui mi nd'est bènnia s'ispiratzioni de mangianeddu chitzi (prim'e ci essiri a foras) .... ma "Bellicu" no podiat essi menguanti de "Gabriellicu"? Deu de Bellicu no ndi connòsciu, duncas no fait a verificai ... tui ndi connoscis?

a si biri cun saludi
su stori