asturie

[PINOCCHIO (POL)]

chi xe ghe el ga informasion de prima man so sto Popolo?


Conceyu Abiertu axunta a 10.000 persones na Manifestación pola oficialidá del asturianu.
[4/03/2005] - Uviéu

La manifestación convocada por Conceyu Abiertu pola Oficialidá de la Llingua Asturiana'l pasáu día 5 de marzu foi un ésitu ensin precedentes nes reivindicaciones de la oficialidá del asturianu nos últimos años.

Unes 10.000 persones ficieron el recorríu ente la Estación del Norte y la Plaza la Catedral con un únicu enfotu: el d'esixir a la clas política la declaración d'oficialidá de la llingua asturiana na próxima reforma del Estatutu d'Autonomía d'Asturies. Amás d'autoridaes polítiques de los partíos firmantes del manifiestu de Conceyu Abiertu y de la presencia de personalidaes de la vida pública asturiana que portaben la pancarta de cabeza, como Manuel Lafuente, Presidente del Real Uviéu Club de Fútbol, Chus Pedro, cantante del grupu "Nuberu", Javier Fernández Conde, caderalgu d'historia medieval de la Universidá d'Uviéu, Ramón Blanco de Los Berrones, Xune, del grupu Dixebra, etc, etc., rescampló la capacidá de convocatoria de la Xunta pola Defensa de la Llingua Asturiana y de toles asociaciones qu'integren Conceyu Abiertu.

La Manifestación finó na Plaza de la Catedral cola llectura'l manifiestu de la convocatoria por parte de José Antonio Lobato, del grupu teatral "Margen", na qu'insistió nos pilancos que sofiten la reivindicación de la oficialidá de la llingua asturiana: “porque ye un derechu, porque ye de xusticia y porque hai demanda social.”

[ildott]

Hai guardato www.nuberu.com ?