...festikedda Virtuale

[juanna maria]

Festa minoredda/festixedda pittixedda virtuale pro sos esiliatos e sos chi non sono in ferias,


Locu: Sardigna intrea…festa itinerante, ma su cuile restat s’unnu semper connottu
Die prima: oje

Abertura de sas jannas, o aitos si b’inne atta, pro ovitare su sole o chi sas mamas de su sole si pichene sos pizzinneddos e pizzinneddas nostras… nos ponimus sutta de su chercu semper connottu
A sas 6 de orta de die : isperramentu de sas sindrias e sos melones friscos, a pustis remunimus sas coglias e nos lavamus sos murros…ca sino nos si ghettat sa musca

Sichit : unu BETTE VENEENNITAS E ENNITOS A SA FESTIKEDDA, sichini toccatas de manos e vasos…a zoccu a sicunna de sa tratenzia
A sas 7n sa piana de Otzieri partita de bozza tra su Atletico de Bilbo e sa Nazionale Sarda: chie est prus resistente…assumancu a su sole?

A sas 9, si torrat a su kuile e chena collettiva, menù: gurugliones, makarrones de irrittu chin casu metta, porcheddos arrustu, anzonese, crapas…etc, a chie non mannicat petza…erva , a chie preferit su pische..b’atta pische…de cata manera
pro ‘nche abbassare su mossu, cuppas de vinu ruju e biancu, e cuppas de birras vriscas….e carchi una de abba…e ‘nche la inimus a mesanotte…

Mesanotte:….a mentes friscas, una bette arrejonata: “semus o non semus sardos?e itte cheret narrere lu essere?...e pruitte lu essere’”…tottu sas dimannas chi niune sa postu in sa vida…pessamentos filosoficos ( in caso de paca partecipazione…ya bi sono sos ballos)

…e sa die est colata

Cras:
a s’arvurinu…irmuzzamus..chin latte vischidu…chie non li piaghet ya b’est su latte …e pappassinos mettas…

a sas 6 : visita organizzata a sos settemizza nuraches, a sos puzzos, domus de jana…e iddas nuragicas…comente guidas b’amus a Tziu Juanne Mannu de Barumene e Desulè , vattutebos sas istaccas de pane e casu e sas bertulas…pro chie est a caddu…

a sa 2 de orta de die…torramus a su kuile…nos imbrossinamus pro 1 ora…pro chie cheret “privacy” ya b’atta tuppas e atteros unnos

a sas 3: isperramentu de melones et sindrias….e manos e murros lavatos

a sas 4 : arrejonata Manna supra sos anticos « Semus o non semus shardana ?..o semus o non semus nuragicos? ma chie semus ? » chin Leo de sos shardanas ribelles…ki niune potet binchere, su kumannante Jaccu, sos Gherreris (o pacifistas) de Monti Prama , s’armata de Kornus, carchi bronzetto e attere chi non ammento…

a sas 7: attera arrejonata : “ su culto…de cuddu arrejonu e de cudda cosa…in sa Sardigna de prima…e oje?...itte b’atta restatu?..itti menzus prima? semus postos male o semus postos vene?
chin sos ischittos prus mannos de sa Sardigna , introduchet… Kornus e l’acabat Juannedda de Barbaria (chi tantu atta a concludere chi …itti menzus prima)

canno essit su istteddu chenatogliu…no lu abbaitamus…e nos sedimus a mannicare…e biere…e la terminamus a mesanotte…


kustu programma non est finitu, ca potet vinzas cambiare…racumannamus a chie atta pizzinneddos e pizzinneddas chi si los remonzana…si propriu non b’atta mediu…ya b’est carchi unu chi li piaghene…ma non sinne “approfittene”…e chi mescamente non si attacchene a sas unneddas de sas feminas…ca sas feminas b’ana de achere…



AJOOOOOOOOOOOOOOO’….Kornusssssssssss

[juanna maria]

…programma…sikit

terza die: sa die Judicale

a s’arvurinu: pennita de su Juike Itzocor e de sa Badissa dae sas muntagnas…sichitos in su caminu dae tottu sa zente de su Rennv…
nois…chi imus galu “caentes” e a chie dormitu, a chie arrambatu a s’unnu…canno amus intesu s’istripinzu de sos caddos e sos sonos de sos griglios e istu una pruere manna in chelu…
non cumprenniamus si itti s’imbreachera, si itti unu sonniu…o si itti una visione

in daennatis su Juike in cambales arvos a pilos isortos chin a pala un’astore, a costazu sa Badissa chin su curcuddu , in palas vonas eminas e vonos omines chin panneras a bentu, e tottu sa zente de su rennu…tottu a caddos de ebbas e caddos…

carchi unu e una de nois est ruttu a terra dirmagliatu, atteros s’ana colatu sas manos in sos ocros…e isso ana attu su inghiriu de su chercu semper connotu pro tres vias

chie atta “organizzatu “ sa festixedda, chin sa lagrima in s’ocru los atta rezitos…e su VENEENNITOS a sa festixedda..non che essita ca s’emozione itti metta…
e issos firmos galu a goroppa abbaitannenos…
VENEENNITOS a sa festixedda de sos de su tempus bennitore vostru!
Tanno ‘nche sono tottu abbassatos dae caddos …si sono seitos a pedes a rucches…e in metta ana dimannatu a su Juike si potiana ischire si b’aiat parentes
EJA! Dimannate…tanno ‘nche amus cuminzatu a ‘nche ocare sas erentias e sos vasos e sos abbrazzos, e sas lacrimas ini metta…carchi unu “deluso”…ca s’aspettaiat chi sa discendenza…itti menzus de sa chi idiat …atteros ispantatos…ca s’aspettaiana de mancu…atteros naraiana…ya aiana rejone a non mi cujuare chin su tale…ma istu as itte b’atta essittu…vinzas su Juike ‘nche atta ocatu sa discendenza sua…e a tottu sos latos imus parentes tottu cantos…
Sa cosa est durata metta oras, ca in otto seculos de zente da b’inne colat, e de caddos pure…vinzas issos agrunnatos in sos atteros unnos pariana ocannenche sa discendenza issoro…
..ma sa cosa chi atta ispantatu de prus..itti chi tottu si cumprenniana…sa limba itti semper sa matessi

Mesudie: bette mannicata chi sos mannos de sos mannos….e vitta metta….carchi cosa chi itti in programma est brincata…e su Juike a sa Badissa…itte lastima chi non b’est su donnikellu Kristianeddu…cussu girat troppu!...bisonzu b’achiat in franzia!...e sa Badissa…ya l’ischis comente sono sos zovanos…e poi imparat un’attera limba istranza…e su Juike…kipuddas sua si s’est perdenne custa cosa…

A sas kimbe de orta de die: “incontru” chin su Juike e sas mannas e mannos, dimannas e “confronto” tra sos tempos colatos e sos de oje…(si comente sa cosa si ponnene male, ca sos mannos e su Juike canno ana ischitu comente imus postos…li eniat de pranghere…) tanno sa Badissa atta nattu…beh! Como bos lego carchi contu meu…

E atta cuminzatu a leghere…e carchi unu e una atta cuminzatu a ridere …e a pustis tottu…

A sa sette: balentias a caddu de sos mannos e de sos de oje…( sa cosa est piaghita metta)

A sas otto : cursu accelleratu pro diventare sardos, chin su mastru MariKosu, cursu in limba italiana, chi lassat unu cantu de papiru riconnottu solu dae sa italia, e non vonu ne in Sardigna né in su restu de su munnu…
Si comente niune si iscriat…s’est iscrittu su Juike…ma niune l’achiat cumpanzia…mancu sa Badissa…non bi enzo!...e dai ajoooooooo chejo idere itte est custa cosa…achelu pro su rennv…dimanna a Mariedda de Barbaria…e paret chi b’est annata
a pustis de deche minutos…s’intenne una oke …KOMENTE NON SO’ SARDO ?...itti su Juike chi ya aiat ocatu s’istoccu…e Mariedda l’atta firmatu…a sos doichi minutos…canno vinzas Mariedda sicunnu su mastru non fit sarda…sos iscacajos s’inche sono intesos a s’atteru latu de su mare…su Juike e Mariedda ‘nche sono essittos dae su pinnettu , chin sas manos in sa mazza sas lacrimas in sos ocros…e tostos de su risu….comente si abbaitaiana ridiana che maccos…ohi! Ohi! Ohi mama!...narait su Juike….ohi! ohi! Chi non bi l’acco prus…!...troppu togu custu MariKosv!
Sa zente s’est remunita …e carchi unu atta pessatu chi los aiana toscatos…kurrite!…mannate sas feminas chi achene sas meichinas…e sas feminas sono ennitas…e ana nattu…Mì chi sono tostos de su risu!

A pustis de un’ora canno ana cuminzatu a faeddare chene ridere…tottu si sono cherfitos iscriere a su cursu…e vinzas a s’atteru chi lassait unu cantu de papiru chin iscrittu…sei indipendentista…
sempere e solu valido in italia

essitu su isteddu chenatogliu…attera bette mannicata…e vita…finzas a mesanotte

mesanotte: cantos a tenores, e ballos a settes pizzas…vinzas a s’arvurinu


sa die dopo…

[Kornus]

A sas otto de manzanu: immurzende cun mastru Leo!
Arrejonu de Leo a subra sas raighinas de su caffè, ki nakki los ana ogadu a pitzu sos Shardanas, e ki a s'incomintzu si nariat Danè, e b'aiat fintzamenta sa pubblicidade de Ciru Ferrara ki faghiat: "Dannu, itte dannu, ki est custu Danè...." e pustis no appo cumpresu comente los an boltadu a caffè, ca Lutzianu e Duas Atzas sis sun brigados a subra attera cosa ki solu issos aian cumpresu e sa cosa est acabada goi....

A sas deghe: cursu de grammatigas Sardas cun Sos Unturzos e Pedru....
Pius ki unu cursu fidi una corsa, ca no an fattu ateru de s'imbolare liberos ojos a pare e niunu arresultiat a colpare s'atteru, goi sas grammaticas acabian a subra sa zente ki si ke fuiat a dretta e a manca.... Petz'e casinu, peus ki po su peus G8!
Tottu est finidu candu Gherrianu est pigadu a subra su palcu e los at mazzados tottos duos a colpu e fuste a perras...... E no lu faghide piusu mì....

A mesudie: Kornus at kilcadu torra de faeddare de sas raighinas de peraulas osincas comente Lizzera, Bascaramene, aeradu, ma a subra e tottu, sa Cicciona! E niunu cumprendiat itte cazz...fidi custa cicciona.... E cando s'Arkimastru si fit iscalzonende po bi l'ammustrare de abbereru est bennidu torra Gherrianu cun su fuste e nos at cazzadu tottu.....
A fora, no kelzo burdellu de maccos in sa festa mia!
"Ma sa festa no est sa tua, est de tottu!" li narat Iolao a pustis de una kistionada filosofico-politica cun Lupo Nero, ki no iskit ancora issu e tottu si est nieddu o alvu o ruju ke fogu.... E sos fascios li naran "comunista!"....E sos rujos li naran "Fascista!"....E sos atteros li naran: "Terrorista!"....E assora issu est bennidu a sa festa nostra pedinde cumbidu ca niunu si lu caghiada..... Nois però semus Sardos, e cumbidamos, fintzas troppu..... Ma goi est....

A sas battoro: "ma inue cazzu sunu sa badissa e su juighe?" si preguntat tottu su mundu
"Bo!" sa risposta
"Ana a esse coddende...." narat unu pitzinnu in dasegus de tottu ki no s'idia nemmancu sa cara.
Luego però sa mama petz'e iscattulada a cavana, po pagu li ndè ogat sa conca dae tuju.....
"Na, e kie ti l'imparat a narrer cosa goi, bruttu abbreguntzadu, litzera, bascaramene ki no ses atteru, mi ki ti nd'ogo su sole, mi...Camina a domo!"
"Babbo me l'ha detto, quando ieri e torrato dal Zilleri"
"Faedda bene! Itt'est custa limba istranza?" attera iscattulada e punta de pe a culu......
Goi si manizzan sos pitzinnos ki no faeddan sa limba e su sambene....

A sas sese: Gherrianu at cumbidadu Cannonau a tottu po si faghe peldonare de tottu sa Zensuras.... O gazz, pezz'e coghera..... Oh a paghe zente buttende in d'onzi cunzone...E in sas iscalittas de su Nuraghe Majore puru...
Su Juighe e sa Badissa, ki sun torrados dae buddire mariposas, goi naran issos, si sun postos sas manos in sos pilos..... E su Juighe s'est incazzadu nieddu e at leadu una pedra manna e ke Mosè cun sas Lejes de Deus Nostro Segnore las at iscazzada innantis a tottu cun d'unu tikkirriu mannu....
Mudos, niunu proiat nemmanku a respirare......
Fintzas a cando dae in dasegus de unu muntone e omines imbreagos s'est intesu: "S'istrale!"
E tottu a riere....
"Ettada como e bogada a Nadale!" at tikkirriadu un atteru e tottu torra a riere.... E su Juighe at nadu: "Oi,oi, no si cumprendet pius su babbu cun su fizzu in custu mundu de oe....Essi ki mi ke fatto unu tikkirigheddu puru deo..... E sa Badi. vostè a ndè keret??"
"Ello.... A mie nono? Su sambene e Deus malaspascas!!"

E tottu imbreagos fintzas a mesu notte e pius a traldu puru....
Ballende a ballu tundu a su sonu de organette e Launeddas, abbaidende sa Luna ki si pesat in kelu....

Bonanotte!

[juanna maria]

...

[juanna maria]

[QUOTE]Originally posted by juanna maria
[B]...ellò in su menzus annare tinche annas a lettu!


...o est in su lettu chi enit su menzus annare?
bette dimanna...potet essere vinzas in programma pro s'arrejonata de cras!

[juanna maria]

...tottu sa zente de custa festa virtuale, mannat sos augurios tziu Gavineddu


…sa die dopo
a s’arvurinu…o manzanile…sa situetion est custa: bi sono sos chi sono vriscos e vriscas che rosas…ma sono pacos…e sos chi sono galu ininne sa notte, a chie jocanne a murra, a chie cantanne a tenore…a chie poetanne, a chie isterritu in terra e chin su poddiche contanne sos isteddos, a chie arrabatu a su muru, a chi a s’unnu…a chie dormitu…a chie telefonanne a sa chi li piaghet ma chi non bi l’istat, a chie abbaitannesi in su cellulare sa cara de s’emina o omine chi cheret…ma chi non lu cramat mai, a chie “non potto reposare” ca m’est danne malavida , a chie caminanne in sas agheras ca l’atta rispostu sa emina, a chie non bi credo puru…est tottu una vricatura, poi bi sono cussos…chi nois pessamus dormitos …ma dormitos ..non sono…e ne semus cuntentos

missa a sas 6 de manzanu, ….paca zente , e sos prus foras de sa janna…e tanno una femina natta e pruitte sezis foras?....e una emina risponnet ….duminica anno a missa e m’inne ascurtu vinti dae foras de sa janna…e sa zente risponnet …eeeeeeeeeeee a s’andira a s’andira, andiradira andiradirà…diroooooooooooooòòòòòòòòòòòòòòòò! …e cuminzat sa die nova

a sas sette : su cursu pro diventare sardos….ma sa zente chi b’itti eris comente sa musca…chi b’atta goditu metta, e metta…oje non b’est prus … b’est solu lupo nero…reduce da una imbreachera niedda (!) chin s’ispera chi chin custu cantu de papiru potat ennere a istare in Sardigna, contra su parere de Mariedda de Barbaria…chi in sutta de s’unnu a natta …nono nono et nono!

a sas otto: raduno de sos anticos de sos anticos, intrata de sos nuragicos a sa festixedda/festikedda, incontru tra sos nuragicos e sos mannos de sos mannos e nois …sos de oje
astrintat de manos, vasos e abbrazzos…su Juike natta a sa Badissa…abbaita Juannì…idenne ses cantu ti assimizat cussa emina antica?....Itzocor…abbaita cantu ti assimizzat cussu omine anticu….e tottu paret chi ini nanne sa matessi cosa…sos de oje assimizzaiana a sos mannos de sos mannos, e sos mannos de sos mannos a sos nuragicos, cata pessona ne juchiat atteros duos gemellos…pintos e lintos …e cata unu e una est annatu a arrejonare chin sos atteros duos…e paret chi la pessaina a sa matessi manera pure…vinzas sa oche itti sa matessi…solu sa estimenta cambiat…

…arrejonatas metta…de tottu …dae comente si achiana sos nuraches….a sos condakes, dae sas meichinas anticas…a sas de como, e metta arrejonatas de Sardigna…de isteddos , de postos vene o male sezis…de mama mea…de pizzinnos ischitattebos…de cussizzos ….e sa cosa est durata tottu sa die e sa notte…e amus mannicatu tottu impare…vittu, ballatu e cantatu…

e carchi unu e una at nattu….semus torratos


sa festikedda est finita