tre bicchieri

[Lutzianu]

Sos binos sardos chi ant bintu su premiu de su gambero rosso.


Antonio Argiolas Turriga ‘01

Attilio Contini Pontis ‘00

Ferruccio Deiana Ajana ‘02

Cantina Sociale di Santadi Carignano del Sulcis Sup. Terre
Brune ‘01


Buffa!!!

[Doloverre]

.....e su meu no at binkidu nudda ? N'appo fattu 1200 litros occannu e no m'ana nadu mancu un "bravu", boh, custu mundu est propiu ingratu.

[juanna maria]

Originally posted by Doloverre
.....e su meu no at binkidu nudda ? N'appo fattu 1200 litros occannu e no m'ana nadu mancu un "bravu", boh, custu mundu est propiu ingratu.

...ma...nessi vonu est?...jeo non ne appo vittu!

[Doloverre]

a mie prake, est unu "rosadu" potente, 11/12 grados, ki a pacu a pacu so zirande a cannonau, canno unu fundu morit ponzo cannonau, ki jeo agrado meta.
Proade su Nepente, ma cussu comporadu in sa kintina de Uliana, no cussu ki bendene in ampullas a su supermercadu, o menzu, una bella ampulla de "Mamuthone", cannonau mamuyadinu ,
una ampulla no m'abastat este super !!

salude ... e binu 'onu

[Lutzianu]

Originally posted by Doloverre
a mie prake, est unu "rosadu" potente, 11/12 grados, ki a pacu a pacu so zirande a cannonau, canno unu fundu morit ponzo cannonau, ki jeo agrado meta.
Proade su Nepente, ma cussu comporadu in sa kintina de Uliana, no cussu ki bendene in ampullas a su supermercadu, o menzu, una bella ampulla de "Mamuthone", cannonau mamuyadinu ,
una ampulla no m'abastat este super !!

salude ... e binu 'onu

Mamuthone est cudhu de Sedilesu beru ?

iscua pagu pagu ma puite ses pfainde rosato ?
nessi fae una vinificazione in bianco chi est menzus, deo seo fondamentalista su binu o o niedhu o niedhu. andat bene su baincu a chie agradt, ma su rosato.....
comuncas su rosato prus biatzu chi connosco est cudhu chi faghent in sorgono, 13,5 grados!!

Salude

L

[Doloverre]

Originally posted by Lutzianu
Mamuthone est cudhu de Sedilesu beru ?

iscua pagu pagu ma puite ses pfainde rosato ?
nessi fae una vinificazione in bianco chi est menzus, deo seo fondamentalista su binu o o niedhu o niedhu. andat bene su baincu a chie agradt, ma su rosato.....
comuncas su rosato prus biatzu chi connosco est cudhu chi faghent in sorgono, 13,5 grados!!

Salude

L

YES, PROPIU KUSSU : CANTINA GIUSEPPE SEDILESU

Sa 'inza este de familia, sos fundos no los appo postos deo e sa ua este misciada, bind'at de kimbe, ses calidades, cando unu fundu anda a male, morit o si zirat a americana nde lu bogo e bi ponzo cannonau. A pagu a pagu ....

[Lutzianu]

Originally posted by Doloverre
YES, PROPIU KUSSU : CANTINA GIUSEPPE SEDILESU

Sa 'inza este de familia, sos fundos no los appo postos deo e sa ua este misciada, bind'at de kimbe, ses calidades, cando unu fundu anda a male, morit o si zirat a americana nde lu bogo e bi ponzo cannonau. A pagu a pagu ....

ma no apo cumpresu si faes unu rosè o si bessit rose pro s'ammesturu de sas aghinas.
cantas dies dhu lassa in sa cuppa in paris cun s'iscorza de s'aghina ?

ite nde pentzas de su cagnulari, fundu autoctono chi creschet bene in Usini paret.
a mimi agradat meda.

biva su binu sardu.

[Doloverre]

Essit rosè ca sa ua est misciada, in sa coppa lu lasso kimbe dies.

A Cherchi bisonzat a li fagher un istatua in sa piatta de Usine, su fizu lu connosco de pessona ka donzi tantu passat in sa buttega ki tenzo in Tattari.

De Turriga imbetze nd'appo tres ampullas de divessas annadas, ma no l'appo mai atastadu, no bi la fatto... 35 euros a ampulla .......

[Lutzianu]

Originally posted by Doloverre
Essit rosè ca sa ua est misciada, in sa coppa lu lasso kimbe dies.

A Cherchi bisonzat a li fagher un istatua in sa piatta de Usine, su fizu lu connosco de pessona ka donzi tantu passat in sa buttega ki tenzo in Tattari.

De Turriga imbetze nd'appo tres ampullas de divessas annadas, ma no l'appo mai atastadu, no bi la fatto... 35 euros a ampulla .......

nde balet sa pena, cale annu tenes?

su 97 est su menzus narant...

ma su 01 non brullat issu puru.

a Cherchi toccat aberu a di faer un istatua... si non fiat pro issu un atteru fundu autoctono si fiat isperdiu..e biada cantos atteros fundos funtis isparessios....

Saludos

L

[s'Arkimastru]

Originally posted by Doloverre
a mie prake, est unu "rosadu" potente, 11/12 grados, ki a pacu a pacu so zirande a cannonau, canno unu fundu morit ponzo cannonau, ki jeo agrado meta.
Proade su Nepente, ma cussu comporadu in sa kintina de Uliana, no cussu ki bendene in ampullas a su supermercadu, o menzu, una bella ampulla de "Mamuthone", cannonau mamuyadinu ,
una ampulla no m'abastat este super !!

salude ... e binu 'onu

E no! Su nepenthe o su kannonau de Mamujada keret bufadu in sos kamasinos de sa 'iddha!
Kussu est binu 'eru. Kuddhu ki ponent in ampullas, in sas "Cantina Sociale" kun su nepenthe 'eru no b'intrat nuddha, e goi 'e totu su 'e mamuyork.
Su nepenthe de 1 annu tenet tzertos grados e unu tzertu kolore; kuddhu ki ponent in ampullas benit "tagliato" e modificadu ka est unu 'inu goi particolare ki su mercadu no lu tiat a fagher "esplodere" o binker premios.
Tant'est ki su nepenthe turistigu, atipu cantina sociale postu afaka de su nepenthe fatu in domo, su primu paret unu "rosato".
Bufare binu de cantina sociale est komente a mandigare casu "Podda".


De Mamuthone b'ind'at duos , unu lu faghet sa familia Sedilesu, s'ateru ki est prus pagu domadu e ki est a tzigu prus difitzile de agatare est fatu dae 5 inzateris divrescios (in primis sa familia Puzone), ki ponent sas uas a pare e innennant e domant umpare.