Repressione in Corsica

[Nicheja]

Riceviamo dalla GHJUVENTÙ INDIPENDENTISTA:

Una volta di più un militante di a Ghjuventù Indipendentista hè cunvucatu in i lucali di e forze di ripressione culuniale.

Saria pà esse intesu à nantu à una leia pussibule trà un cummunicatu nostru è un attentatu. Di ghjungnu di u 2005, aviamu scrittu un cummunicatu induva era cundannata a pruposta di u duttore Gandolfi Scheit, cunsigliere Ump di a Cullettività Tarrituriale di Corsica, di fà una lege pà impone una pena di prigiò incupressibile à i clandestini.

Una settimana dopu, un attentatu rivindicatu da u FLNC avia addisignatu u scagnu di quellu duttore Gandolfi Scheit.

Eccu i fatti.

A ripressione tocca à e sfarente forme di lotta di u muvimentu naziunale, publiche o clandestine.

Oghje più chè mai chjamemu à a resistenza di pettu à e pruvucazione di u Statu. Cumu hè pussibule di ghjunghje à un prucessu di pace cume in Irlanda o in u Paese Bascu cù sta ripressione cutidiana ? U statu culuniale deve piantà si in a so caccia à i naziunalisti, è fighjulà à pena ciò chì si passa in l’altri paesi d’Auropa, chì ùn si ghjunghjerà micca à a pace senza una vulintà pulitica forte di i dui lati, naziunalisti corsi è u statu francese (cù i so eletti di l’assemblea è i so cucini di manca). A vulintà di pace da u latu naziunalistu corsu hè stata rammintata quachi settimane fà, ma a vulintà di pace di a francia ferma a stessa « a ripressione » !

Vidaremu da quì à pocu i nostri muvimenti, sindicati, o associi, pruibiti cume in u Paese Bascu !

Cercanu à dà una certa paura, un certu timore à i giovani corsi di l’impegnu puliticu, sindicale è suciale indipendentistu. Ùn pudemu più dà u nostru pinsà senza esse cunvucati da e forze culuniale. In francese si chjamaria « le délit d’opinion », chì tocca à assai Corsi aldilà di u nostru muvimentu di giuventù.

Ma i Gandolfi Scheit, o i so amichi, di dritta o di manca, elli t’anu u drittu di sprime si, di dumandà à mette i resistenti Corsi in prigiò !

T’anu u drittu di dumandà, cume u diputatu Giacobbi par undettu, à chì a securità in Corsica sia rinfurzata ! Ùn hè micca quessu u prublema maiore di a Corsica è a sapete bè o sgiò Giacobbi è amichi, chì ghjè a vostra pulitica, è e vostre pratiche claniste, à voi tutti riprisintenti di i muvimenti pulitichi francesi ! U presidente di l’assemblea Rocca Serra, ellu, t’hà u drittu di vulè vende a nostra tarra, quella di u populu Corsu !

Chjamanu ogni ghjornu à l’odiu di u muvimentu naziunale chì ùn vole chè campà libaru in a so tarra ! LIBARU !

Saria troppu ?

Ghjè parquessa chì sustenimu i nostri militanti in a ripressione, chì sustenimu à ogni forma di a lotta di liberazione naziunale cù una spirenza tamanta di pudè campà in a Corsica Indipendenta paese d’Auropa di dumane, cume u paese di Montenegro, chì festighjeghja oghje a so indipendenza !



Chjamemu à un’addunita davant’à u cummissariatu di Bastia, vennari u 26 di maghju à 2 ore pà sustene u nostru militante cunvucatu.

[Gonzalo]

Onore al Popolo Corso contro la massonerie francese.