Salude a totus.
Caru Perdu, su traballu chi tue faches pro sa limba meritat de sicuru rispetu e est tzertu de importu. Non pesso peroe chi non siet zustu a narrer a Doloverre o a chie sisiat "basta sparare cazzate". Pro una cuestione de istile e de rispetu de sa zente.
Deo puru pesso chi at resone doloverre e ateros chi su problema oje est s'italianu in totube chi est uchidende su sardu. Non pesso chi s'inimicu siet nen sa LSC, nen sa LSU o sa LDM o sa proponnida brosta. Pesso peroe chi siet custu, su mamentu de cuncordare una positzione politica comuna. Si diat poder, pro azicu de annos, cumintzare a impreare sa LSC, a su mancu pro aere unu riferimentu neutrale. Petzi s'impreu de una norma dat visibilidade e bida a sa natzione.
Sas cuestiones internas de ecuilibriu linguisticu si poden sistemare chin su tempus. Deo, pessati chi, mancari sie nugoresu, si s'isseperu de sa cumussione fit istau in favore de una variante prus meridionale l'aio atzetau su matessi, ca sa mira no est a facher duas Sardinnas, ma una unida in ube poder cumprendere mezus comente regulare e in manera de sicuru prus democratica, sas cuestiones internas. Si pro narrer atzetamus duas normas de riferimentu, tando cras b'at a esser calicunu chi nde cheret tres e pustis cras bator e gai sichinde. A ite non provamus a pessare de nos unire fintzas chin sa limba. Pesso fintzas chi Pittau est ora de l'ascurtare chin grande atentzione e bastat gai. Semus prenos de zente chi cada die iscrivet de su sardu, de sa limba sarda de sa linguistica e gai nande e lu fachet petzi in italianu. Pro ite? Pro aere una bella limba de museo?
Mezus una limba codificada, chin difetos, irballos, crisis esistentziales, arrejonadas e brigas puru mancari, peroe unida e impreada in cada locu ube oje b'est s'italianu e cras s'inglesu, chi una limba morta e interrada in sas bibliotecas e in sos cunvegnos.
Chin salude Pré.