Poesias.

[pitzente]

enzigheddu@yahoo.it "PAXI"Tue chi mi tenes ligada in su balcone,a bentulare
sutta,aba,sole e nie,chi de tantu in tantu e solu cando a tie parit mi
gighes in giru a sbandierare,hasa mai proadu a riflettere a
pensare?tue ch'umpare at atteros mi gighes a spassu,fattende
confusione e unu baccanu mannu hasa mai pensadu chi finas deo appo una
dignidade e chi pro mi sbandierare bi cheret lealtade:Non mi
s'entulada cun proclamas solu contra sos Americanos.Sas gherras non
suni solu in Medio Oriente,ma in tottu su Mundu in donzi
Continente,cando mi si entulada in corteos festantes,faghe in modu chi
deo enza onorada dae sa zente:S'ides calincunu chi faghet su
furbu,ch'assacua ponet fogu a sos cassonettos e peus ancora distruene
sas vetrinas e chi pro non essere connotos,andana in giru mascherados
e cun isprangas e candelotos ingaggiana gherra contra sa
Polizia,pijami subitu e torramiche a domo,proite non est aria
sana,aria de domo mia.Sos colores mios non suni schiavos e cun rejone
de nisciunu partidu poli partidu politicu sindacale o religione.Sa
paghe chi in sos colores gito intro,la chelzo trionfante in sos
omines, intro e fora e chena niunu tentennamentu la cheria in totue in
donzi momentu,in d'onzi angulu de Mundu,pro cantu est mannu e
tundu.Tue proa a riflettere a pensare!!!UNIDOS PRO UNA SARDIGNA LIBERA
E INDIPENDENTE.

[Su Componidori]

Beni bènniu pitzente.
Bellixedda sa poesia ma sa bandera ki depeus bentulai est cussa de is quatru morus, cun s’oru nieddu, po s’arregodai ca seus in gherra po s’indipendentzia.

Bandera

No est ora de lamentu
est benzende su 'eranu
bator moros a su 'entu
a s'isteddu 'e su manzanu
fortza paris semper.

Iscurtadu apo sa 'oghe
de nuraghes e funtanas
custa limba k'est inoghe
cun sas domos de sas janas
fortza paris semper.

Bator moros sun sos fizos
ki su tempus faghet yayos
ke su sole pro sos kizos
de pastores e massayos
fortza paris semper.

Sardu in coro e sardu in cara
a parare a totus fronte
o bandera nos ampara
in su mare e in su monte
fortza paris semper.

(Paolo Pillonca - Piero Marras, 1989)

[pitzente]

Dae sos primos de Maju si sò iu,
che ogo su bisonzu dae dossu,
in s'ierru bio s'abba in d'onzi riu,
in beranu elvuzos a mossu.
Custa vida chi m'ha fattu priu,
cun su bisonzu attacadu a s'ossu,
como che lu ogo buttiu a buttiu,
dae sos ojos fungutos che fossu.
Su deghe de Maju cussa die,
bi penso ene pro minde pagare,
promitinde ch'à issos m'inie!
in sa cabina cand'ando a votare,
bi la fatto sa rughe rie,rie,
subra sos Battor Moros pro non'isbagliare,
pro non passare s'ezzesa trista voto e fatto votare Sardista.
Forza Paris Terranoa e Bacu-Abis

[pitzente]

Non b'hat nudda e nàrrere
si su chelu est pro finire.
Si su mare si canzellada
e onzi atera cosa bella.
Adiu amores mios
perdidos isplendores
tramontados destinos
non b'hat pius manzanos.
Non bi suni pius seros
adiu istade,atonzu o beranu.
E' passada sa festa,
si smontada onzi istoria.
Tottu su chi restat,
est unu boidu de memoria.
Unu istudadu intendere,
no b'hat nudda e narrer.

[pitzente]

Addeaghi arrividi sistiu a sos Sardos incominzada sas timorias non solu pro sa sicidade ma sobra de tottu timimus sos pattidos de su luminu.Ai costos signorottos chena iscrupulos chelzo imbiare custa MEJGHINA, mentras cunfidamus in Deus soberanu chi non diada sa santa benejone chi sa popolazione nostra non benzada colpida dae custa
calamidade.
SA MEJGHINA
PRO CHIE LAMPADA SAS CICCAS IN TERRA

Sas manos segadas dai fundu
pro sos chi èttan sas ciccas in terra.
Sas ancas puru segadas’a serra
e bi restet su trunzu tundu tundu.
A penare restet in su mundu
cun sa pessona fatta perra perra.
Assunessi sinde podet’ammentare
Sas ciccas inue las lampare.

Pitzente Tatti

[Torchitoriu]

Bravu Pitzente. Cantos annos tenes?

[pitzente]

Torchitoriu, Cheres ischire cantos annos appo,circa doighi mese faghede de tenia settanta creo chi qustu coladu sia de agiunghere.Un saludu mannu.

[juanna maria]

Torchitoriu, Cheres ischire cantos annos appo,circa doighi mese faghede de tenia settanta creo chi qustu coladu sia de agiunghere.Un saludu mannu.

e tanno Tziu Pizzente, a kentu annos
pesso chi sezis fedale de Torkitoriu

[Torchitoriu]

Torchitoriu, Cheres ischire cantos annos appo,circa doighi mese faghede de tenia settanta creo chi qustu coladu sia de agiunghere.Un saludu mannu.

Et tando bos tocat s'affissu "Tziu" ...at sos chent'e deche (comente s'ausat narrer como...), in salute et armonia, Tziu Pitzente.

[Torchitoriu]

e tanno Tziu Pizzente, a kentu annos
pesso chi sezis fedale de Torkitoriu

Tue tambene...! ...ja lu jucher vonu su contepitzu!