Bandu a iscritores in sardu e a no issos ebia

[Zfrantziscu]

M'est arribadu oe su cùmbidu de unu sotziu culturale de Santu Sparau pro unu cuncursu de literadura e poesia in sardu e in italianu. In sas règulas pro leare parte in sa setzione sarda, b'at iscritu:
"Per gli elaborati in lingua sarda è richiesta la traduzione in italiano, a tutela dello stesso autore".
Sa matessi tutela, de bortare in sardu sas òperas in italianu, non b'est. Su bandu, ghetadu dae su sotziu "Libera la farfalla" est apogiadu in prus de sa comuna de Santu Sparau, dae s'assessoradu regionale de sa cultura.
E tando gheto deo puru unu bandu a sos iscritores in sardu: no pigamus parte in custu prèmiu chi tenet de sa limba sarda unu cuntzetu gasi umiliante.

[Perdu]

po mei no ddoi at malesa, ma bolint sceti un'agiudu po chini su sardu no ddu scit...



chi ddoi fiat malesa contras a sa lìngua sarda, su sardu mancu ddoi fut!

[su gurthu]

Mencari non ch'an pessau, at a cumbenner a lis imbiare imposta e a lis narrer su 'e narrer; podet dare puru chi ponzan in mente. E si l'amitin, intramus totus in gara pro lis dare corazu e ca est una cosa bona, semper a cando!

[Perdu]

Mencari non ch'an pessau, at a cumbenner a lis imbiare imposta e a lis narrer su 'e narrer; podet dare puru chi ponzan in mente. E si l'amitin, intramus totus in gara pro lis dare corazu e ca est una cosa bona, semper a cando!

difatis...a "boicottare" illuegus, chena de mancu ascurtai poita est chi ant scritu diaici, no mi parit una cosa chi agiudit su sardu...

[Zfrantziscu]

Mencari non ch'an pessau, at a cumbenner a lis imbiare imposta e a lis narrer su 'e narrer; podet dare puru chi ponzan in mente. E si l'amitin, intramus totus in gara pro lis dare corazu e ca est una cosa bona, semper a cando!

Craru chi totu si podet mediare e remediare. Ma est sa filosofia de su bandu chi m'ispantat (che a àteros chi promovent prèmios de literadura e de poesia sarda, iscrivende su bandu in italianu): su sardu sena s'italianu non bi balet a nudda. "Mencari non ch'an pessau" naras tue. Pejus. Prova a pessare, su gurtu, chi in Catalunna ghetent unu bandu iscrivende chi sos testos in catalanu devent èssere acumpangiados dae su testu in ispannolu... Deo sigo a pessare chi sos iscritores in sardu o no leent parte in su prèmiu o, si cherent, mandent petzi su testu in sardu.

[juanna maria]

custa de ponner sa traduzione in italianu, non est sa prima via, zertu non est cosa vona, sa dimanna est: ma custos chi "leghene" e duncas "valutana" leghene in italianu o in sardu?, ca sa cosa cambiat eccome

comunque APPOGGIO de non imbiare contos o poesias umbe petini sa traduzione

[is4morus (POL)]

custa de ponner sa traduzione in italianu, non est sa prima via, zertu non est cosa vona, sa dimanna est: ma custos chi "leghene" e duncas "valutana" leghene in italianu o in sardu?, ca sa cosa cambiat eccome

comunque APPOGGIO de non imbiare contos o poesias umbe petini sa traduzione

sa cosa est ca certus chi funt setzius in is giurias de is premius in lingua sarda, in custu no ddu sciu, sardu no ndi chistionant e no ant mai scritu unu fueddu in sardu...

[juanna maria]

sa cosa est ca certus chi funt setzius in is giurias de is premius in lingua sarda, in custu no ddu sciu, sardu no ndi chistionant e no ant mai scritu unu fueddu in sardu...

e itte "senso" atta a ispedire contos o poesias a zente chi non lu cumprennet!

[su gurthu]

Craru chi totu si podet mediare e remediare. Ma est sa filosofia de su bandu chi m'ispantat (che a àteros chi promovent prèmios de literadura e de poesia sarda, iscrivende su bandu in italianu): su sardu sena s'italianu non bi balet a nudda. "Mencari non ch'an pessau" naras tue. Pejus. Prova a pessare, su gurtu, chi in Catalunna ghetent unu bandu iscrivende chi sos testos in catalanu devent èssere acumpangiados dae su testu in ispannolu... Deo sigo a pessare chi sos iscritores in sardu o no leent parte in su prèmiu o, si cherent, mandent petzi su testu in sardu.

Mi paret chi cheret a si pessare bene, prima de ghetare a terra unu sòtziu chi dat unu bandu pro operas in sardu. Prima cheret semper a cossizare, ca a irballiare non cheret imparu, e totus tenimus bisonzu de cossizos.
Propriu oe apo connotu una pessone chi est imbiande una cosa in sardu campidanesu a su Sòtziu de Santu Sparau. L'apo letu, ma totu totu no bi l'apo cumpresu, belle chi che so in custas alas dae binti annos.
A l'ischis ite at fatu custa pessone? Non at presentau sa vortada in "tadaranu" (italianu), ma at azuntu carchi nota pro ispiegare allegas pacu comunes, chi mancu sos de noghe mencari connoschen.
Custa podet esser sa zusta: imbetzes de vortare, si ponen pacas notas pro allegas o narinzos antigos. Mira ca in sardu prus nde chircas e prus nd'agatas, e si andat bene a los bocare a campu, cheren azigheddu ispiegaos puru, pro totus.
MAI IN SA ZURIA UNU CHI NO ISCHIT SU SARDU!