corso online "fuedhai e iscriri in sardo"

[Four Moors]

Si no irballo b'at peri carchi paraula chin sa dd chi no est cacuminale ma commo non m'ammento cales sono ca son abberu pacas... de solitu peri sa d a pustis de sa n est cacuminale ma peri inoche b'at carchi ecetzione... ma unu chi su sardu l'ischit allegare ja l'ischit cando devet achere su sonu cacumnale e su normale ca li venit naturale... in d'onzi casu jeo peri allegande in italianu sos sambenatos sardos los naro a sa sarda ca los apo semper intesos gai... e mi soe abizatu chi peri sos pitzinnos chi comente prima limba tenen s'italianu los naran chin sa cacuminale...
comuncas s'influentzia de s'italianu at mortu paritzos sonos tipicos de su sardu... tantu po bos achere un esempiu, in bidda s'est semper usatu su sonu th (matha, thithieddu, vathica, ghiraithu, thucaru, cathicatore, thithula e metas ateros) chi a dies de oje est mutatu in tz comente in tottu su restu de Sardinna... est una cosa chi pertocat non solu sos pitzinnos ma peri sos mannos... ma ite bi cherites achere, son cosas naturales chi bi capitan cando duas limbas s'influentzian a pare o cando una tenet prus potere de s'atera.


ps: ite si nat su sonu de sa d prus druche de sa normale, un'ispetzie de via de mesus tra cacuminale e normale chi sa limba non in mes'e dentes ma in sas dentes de sa banda 'e supra, usata cando est dopo de sa r? (es. gardu, lardu)

.