MACHE’ HALLOWEN,
XE SAN MARTIN !


Cari amighi,

stasera tanti se catarà nele discoteche o da naltra parte par festejar la festa de “Hallowen”, come che ghe ga dito i Americani.
Noaltri de “ E Nostre Raise” savemo che no xe ninte vero che sta festa i la ga inventada i Americani, tuti i nostri noni se ricorda ben che fin a 40 ani fa se metèa la note dei morti la suca con dentro la lumèria par far ciaro ale àneme dei nostri morti.
Ne par cussì giusto far proprio stasera un bel

FILO ‘ IN STALA

Sercando da na parte de far come ‘na volta, ma da chealtra de far riferimenti al dì de unquò, convinti come che semo che “vardar indrìo no vol dir tornar indrìo”.
Ghe sarà canson co i musicanti, storie de strìghe e del Massariol, raconti dela tradission, pinsa e un gòto de vin bon e…tante altre robe.
Se catemo donca

ZIOBA 31 OTOBRE IN PIASSA A RIO SAN MARTIN ALE OTO E MESA,

ndaremo là darente so na vera stala che i ne ga inprestà par sta sera.
Ve spetemo tuti puntuai e , se racomademo, vestìi ben da stàla, sercando - se sèmo boni - scarpe, braghe e camise dela nostra tradission contadina .


L’associassion “ E NOSTRE RAISE “















PROGRAMA


• ritrovo ore 21 in piassa a Rio San Martin ( lanpade, torce, canpanassi)
• inissio: canto “Xe rivà el Torototèla”
• do paroe so el parchè semo qua (Daniele)
• rito de domandar la carèga a filò (Fabio e morosa)
• Canto: “Al marcà”
• Recita: “La fabrica dei poareti” (Daniele, Fabio, Federico)
• Poesia Berto Barbarani: “I va in Merica”
• Canto : “Merica, Merica, Merica”

• pausa co : pinsa, vin brulè, fave, carobe, stracaganasse, zìzole, fregolote, bagigi, suca

• Legenda: “’A mare de San Piero” – “ ‘E tre ochète”
• “Din dan don, le canpane de Sanbrusòn »
• Filastroca so i vari paesi dela Marca
• Zògo de indovinar i vari modi de dire (testo W. Basso)
• Canto : “Cossa gala magnà la sposa”

• Pausa : chi che vol contàr qualcossa


• Testo: “Le aventure de Bertoldo” (Nicola)
• Canto: “La canson dei gobi”
• Poesie de Biagio Marin
• Canto : “Me conpare Giacomèto”
• Discorso del Massariòl
• Poesia “Cussì, sote ‘l camin” de Andrea Zanzotto
• Recita parte del Rosario – Salùdo a tuti