Magnemo In Versi

[pensiero]

Pasta e fasoi


Oh regina de tute le minestre
che a qualchedun te pari volgarota
perchè te movi un poco le balestre,
lassa che te saluda a la frajota
e te proclama sensa petulansa
la grande amiga de la nostra pansa.

Fissa, mora,color de ciocolata,
no digo freda, apena tiepida,
co' la so pelesina mantecata
e co' la relativa codegheta,
la score zo gualiva come l'ojo
senza petegolessi e sensa imbrojo.

Dentro che xe la cara lasagneta
o subiotini o tajadele more
coi so mati sporchessi de panseta
che da la boca i riva fin al core;
e zò 'ste scuciarade a tuto andare
che apena te si bon de respirare!

No ghe xe fiorentini nè romani
che sapia sfasolarse in 'sta maniera
e gnanca milanesi o maremani.
Solo la zente de la nostra tera
pol vantarse de fare, e co' rason,
el vero ciocolato de Lamon.

Agno Berlese

[pcosta]

Polenta e Osei

le done bongustaie come voi
magnaran anca pasta e fasoi
ma quando che le gà fame
le se còpa ànca el salame

[pensiero]

Originally posted by pcosta
Polenta e Osei

le done bongustaie come voi
magnaran anca pasta e fasoi
ma quando che le gà fame
le se còpa ànca el salame

Ti te si poco Veneto caro mio, cmq va ben lo stesso....complimentoni par e bee figure sul fondo, te si proprio un artista.....complimentoni