sono forzista fino al midollo

[su stori]

Me in su "profilu" de unu allistau in "su forum de is sardus / su forum de sos sardos" (in prus de atrus datus personalis) s'agàtada scritu:

Biografia: sono forzista fino al midollo
Località: Reggio Emilia

Tocat a nai puru chi s'allistau narat di essi sardu de una bella iddixedda de is partis de Borore, Silanus ..

Doi funti cosas chi no cumprendu:

1. Cumenti fait unu "forzista fino al midollo" a bolli difendi non nau s'indipendèntzia ma a su mancu s'autonomia de sa polìtica regionali sarda, candu is sardus de cussu "partidu" funti, in manera crara e in totu, srebidoris de su continentali chi dus cumandat (cussu chi e' sempri arriendi).

2. Cumenti fait unu sardu (e in prus unu sardu doc de su Marghine, e chi narat de bolli afortiai sa lìngua sarda) a dichiarai in su profilu cumenti "Località di provenienza" sceti Reggio Emilia e no sa bidda sarda sua. Unu sardu iat a essi stau orgolliosu de scriri, in su "profilu" cosa sua, di essi sardu.

a si biri
su stori

[su stori]

Originally posted by su stori
.... "Località di provenienza" sceti Reggio Emilia e no sa bidda sarda sua. Unu sardu iat a essi stau orgolliosu de scriri, in su "profilu" cosa sua, di essi sardu ...

... di essi sardu "fino al midollo" aranti de totu, invècias a scioberau di essi "forzista fino al midollo" ... e de sa sardidadi, in cussu profilu, no si nd'agatat mancu s'arrastu ... mmmhhhh ...

a si biri
su stori

[Michele64]

S'istupididade de sos duos messazos postados in antis de su meu est gasi manna chi si cumentat a sa sola...

P.I.: Dia cherrer ponner in craru ch'in custu foru desizo faeddare petzi de sa limba sarda e de totu sos aspetos suos. De Fortza Itàlia, Alliàntzia Natzionale, Democràticos de Manca o Refundamentu Comunista non m'interessat nudda... sos chi cherent fagher polèmicas issoncas e inùtiles sunt pregados de cuntatare calicunu de àteru...

[su stori]

Eh eh eh ... Mialixeddu ... di aici no fait, in totus is ùrtimas missadas, a logu de arraspundi e de portai argumentus, ses passau a frasixeddas che a custas:

Originally posted by Michele64
... S'istupididade de sos duos messazos postados in antis de su meu est gasi manna chi si cumentat a sa sola...

Originally posted by Michele64
As cumpresu meda bene, Sto', non b'at perunu bisonzu de si repiter...

Originally posted by Michele64
.... no apo a ismentigare mai de cando m'at telefonadu e, pranghende, m'at naradu: "Non m'apo a interessare prus de sa limba sarda...

Originally posted by Michele64
S'anfaneria tua non servit a nudda ... Ses unu tzarradore e mancu unu de sos mezus ... Non tenzo nudda de àteru a ti narrer... [/B]

Originally posted by Michele64
Est amachiadu s'iscureddu...

arratz'e sinnoriccu! Deu ti nau torra fraulànciu, o Miale Santu Pedru, no tanti po nai una callichisiat intzurta, ma poita chi apu agatau argumentus chi amostant chi no as nau sa beridadi.
Po s'atra chistioni, sa de is partidus, ses tui chi ti creis chi su sardismu (sardismu cumenti a movimentu) no c'intrit cun is partidus. Doi funti certus partidus ca funt in contraditzioni cun is domandas de is sardus, e fortza italia est unu de cussus.

a si biri
su stori

[Cristianu]

Originally posted by su stori
Doi funti certus partidus ca funt in contraditzioni cun is domandas de is sardus, e fortza italia est unu de cussus.

Po nài sa beridadi, is polìtigus fortzistas de sa Sardinnya, scìendi s'elettoradu isolanu (is sardus tennint s'autonomismu in su sanguini), candu kistionant a sa genti kistionant cument'autonomistas, impreant fueddus comenti "la nostra regione-nazione"... tantu ki a fuedus parint prus sardistas issus de totu is aterus sardus... ma a pustis de is eletzionis, candu agatant sa gadira... is cosas cambiant, e asupra totas is promisas fatas ci cagant in pitzu...

Fortza Italia, ses s'arruina de sa Sardinnya... su nomini puru dhu narat... no ti tzerriat mica Fortza Sardinnya...

Cristianu

P.S.Solitamente in questo forum non parlo di politica, ma in questo caso ho avuto il piacere di esprimere un doveroso parere!

[amsicora]

Picçocus, no est bellu su certu ki seis fadendu, deu puru no cumprendu cumenti si faidi e ciccai logus cumenti e custu, a bini si cristionada su sardu e si ciccada de ndi donai importu meda cantu ndi di meritada su fueddai nostu poita pò nosu tenidi importu meda e poita s'Italia e ki da cumandada esti cikendu de si ndi du fai scarexi cumenti anti sempri fatu is ki funti benius a noi a segai su .., e poisi si andada avatu de issus..........cumenti e cussus ki timinti is maskereddas e poisi di currint afatu, deu, e du nau una borta scetti, seu de curtura socialista limpiu limpiu, ma no bollu mancu intendi nimmancu cussus ki mi praxinti e ki funtis italianus,poita issus pensant scetti a su scraxu soru e no a su ki si spettada a nosu e si depint.
Ma pò prexei no certeis ca seus totus fradi sardus:


forza paris

[Michele64]

Norabonas, Amsìcora... su fatu est chi nemos inoghe tenet ganas de si tzertare, francu su chi si faghet mutire "Su Stori" e chircat provocaduras inùtiles a onzi pee pesadu...

Torro a narrer chi eo so antipolìtigu de su totu (s'in sas eletziduras boto pro custu o cussu partidu, o puru non boto in nudda, custu est petzi cosa mea) e m'interessat petzi a cuntribuìre a s'afortimentu de sa limba sarda...

Si una pessone istimat sa limba nostra e traballat a sèriu pro li fagher cumprire su brincu de calidade, mi nch'afuto de su puntu in ue ponet sa rughe in sa cabina eletorale...

¡Bivat sa limba sarda e a terra sos tzarradores e sos provocadores de onzi casta!

[su stori]

Originally posted by Michele64
... chircat provocaduras inùtiles a onzi pee pesadu...

A onzi pee pesadu?
Me innoi du nanta? Nosu naraus "circai a perdas pesadas", "a pedra furriada" ...
"a onzi pee pesadu" po mei esti cosa noba .... ma ...
no d'ast ai liau de s'italianu "a ogni piè sospinto"?

Provocaduras? O Santu Pedru,
su chi
Frantziscu lombardu-laconesu, Miale Bussu regianu-duarchesu, trinta dies cun totu su "corredu" de giornalistas, diretoris, ligidoris chi scrint in sa posta, malloreddadas e porcheddadas, fradilis in biddas sardas cun trinta lotoneris in is pàginas grogas (e bai e circa ita totu atru ci at ai in cussu bascarami de fàulas)
no esìstinti ..
.. no funti "provocaduras"! Funti fatus sigurus e amostaus "pàginas grogas a sa manu"! (Mi seu bòfiu permiti una "mialada" deu puru)

Originally posted by Michele64
... eo so antipolìtigu de su totu ...

'Stìtzia ti crùxiada ... "antipolìtigu" tui? Unu chi si presentat "forzista sino al midollo" ... e bai spissiobaminci de pressi .. e it'esti ... innoi puru no ti ndi fàinti cancellai is cosas cumenti in sardinna.info? Chi ses "antipolìtigu" cancelladì cussa fràsia, doghinò sa patenti de antipolìtigu no ti spetat.

Originally posted by Michele64
... m'interessat petzi a cuntribuìre a s'afortimentu de sa limba sarda....

Na' una cosa, o Miale, ma po tui sa lìngua sarda a ita srèbidi?

Po si d'apicai in d-unu cuadriteddu: "là chi deu chistionu (scriu) su sardu"
o puru
po d'imperai in sa vida, in sa sociedadi, cumenti elementu (incapas cussu de prus importu) de afortiamentu de s'identidadi de su pòpulu sardu?
Là ca, chi e' sa de duas, insandus sa polìtica in sa chistioni de sa lìngua sarda doi imbucat a marolla.

Originally posted by Michele64
¡Bivat sa limba sarda e a terra sos tzarradores e sos provocadores de onzi casta!

Bivat su Pòpulu Sardu!

a si biri
su stori

[Michele64]

Finas eo naro a bona gana "¡Bivat su pòpulu sardu"... sende gasi, mi ponzo bastante pessamentu pro su tempus benidore suo si devet esser rapresentadu dae fulanos che a su Stori, ch'in realidade sunt sos peus antisardistas...

[su stori]

Invècias de arraspundi a sa chistioni "a ita ti srèbit sa lìngua sarda", abarras a frasixedda chentz'e sentidu che a custa:

Originally posted by Michele64
Finas eo naro a bona gana "¡Bivat su pòpulu sardu"... sende gasi, mi ponzo bastante pessamentu pro su tempus benidore suo si devet esser rapresentadu dae fulanos che a su Stori, ch'in realidade sunt sos peus antisardistas...

Deu, candu apu nau cosa de tui, apu sempri portau argumentus, cosa chi donniunu podit averguai po contu suu ... e tui?
Dònnia borta arraspundis a intzurtas chen'e fundamentu: e
poita deu ap'essi de "sos peus antisardistas"?

Faisiddu sciri
su stori