"lei"

[su stori]

Ma poita circas de ti ndi scabulli de is chistionis?

- Deu seu narendi chi "cubeddu" in sardu no bolit nai "cubetto" in italianu ... deu du sciu poita ca de sardu nd'ascutu e ndi chistionu, tui circadiddu in cuncu ditzionàriu: as a benn'a bì ca su sentidu "cubetto" est un imbentu cosa tua, in sardu no s'agatat. S'agatat fintzas su sangunau "Cubeddu" e nemus at pensau mai, chi no po arrì, chi boliat nai "cubetto" (deu teniat un'amigu chi si narà Cubeddu, e nosu de sa crica de amigus, ma po arrì, d'iaus postu "cubetto" de annomìngiu ... po cussu candu d'apu biu scriu de tui mi nc'est scapau s'arrisu).

- S'atra chistioni est sa de "schetu": t'apu amostau chi cussu fueddu esistit in sardu cun sentidus diferentis de s'italianu "schietto". "Schetu" est unu fueddu sardu schetu ... custu puru circadiddu in cuncu ditzionàriu: as a benn'a bì chi schetu in sardu bolit nai cosa diversa de "schietto, sincero, .."

a si biri
su stori

[Michele64]

Forsis galu no nd'ischis chi onzi limba tenet paraulas cun prus de unu sinnifigadu, duncas non servit a narrer "¡Nono! Cubeddu in sardu sinnìfigat custu..."...

Si b'at carchi cosa chi faghet dannu a su sardu, sunt sas cagallonadas tuas cun repetidura...

[su stori]

Originally posted by Michele64
.... onzi limba tenet paraulas cun prus de unu sinnifigadu ...

Balla, imui mi d'as nau!
Ma circau ti du ses "cubeddu" in su ditzionàriu? E su sentidu "cubetto" agatau d'asi?
E "schetu" circau d'asi? E ita ti parit chi siat su pròpriu de s'italianu "schietto"?

[su stori]

PS: Là ca chi no arraspùndisi asuba de is chistionis e asuba de su chi as agatau in is ditzionàrius, incapas su "cagalloni" d'acabat chi ses tui .... e mancu malis chi ses atesu meda e su fragu no ndi lompit a innoi (... dispraxit meda po is bixinus ..)

[su stori]

Eh eh! incapas di nanta
- tzùcuru a cuadritus
Nanta puru "pedr'e tzùcuru"
- druci che una pedr'e tzùcuru
mancai "pedra" no du nerint sceti po su "tzùcuru a cuadritus", ma po su tzùcuru scàpiu puru candu si fait a arrogus intostaus (si fait a pedras).
Oi apu bòfiu sperimentai sa tècnica de fai is fueddus de Michele64. A unu bendidori de binu d'apu nau:
- faimì tastai una cubidina de sa mònica cosa tua
(fammi assaggiare una "copettina" della tua monica)
.. issu m'at castiau mali e m'at nau:
- tastai? E candu bufas diaderus, cantu ndi ois?
e agò at sighiu:
- ma rimòrchiu ndi tènidi sa sescentus cosa tua?

a si biri
su stori

[su stori]

O su Mialloni! Ma cumprèndia d'asi?!

[su stori]

O su Mialloni! E' passau giai dexi disi de candu depìasta circai "cubeddu" e "schetu" in su ditzionàriu, e no as mai torrau sceda de nudda. E it'esti, no ti àndada su chi doi est scritu?
Eeeehhh ... mi parit chi cussu fiat unu sprigu diaderus e su cagalloni ses tui atotu!

[su stori]

... "cubeddu" e "schetu" funti aspetendi di essi lìgius de su Mialloni ... eeehhh .. "cubeddos de tzùcaru": pitica sa catzada!

[su stori]

E' craru chi Mialli no du bolit fai, insandus si du scriu deu su chi na' "Puddu" po su fueddu "cubeddu":

Cubédhu. nm: cuedhu * carradedha pitica, fintzas a unos chentu litros, o fintzas prus minore meda (cubedhutzu) pro muntenner binu o abba in friscu; lacu de mola / min. cubedhutzu / cubedhu de campana = zenia de petzu ue s'apicat sa campana * carradedhu, cubedha, fascella *smb: Cubeddu * stz *piccola botte

spaciau!
Forroghendi ancora, perou, agataus su fueddu "Cubbu" (cun dùasa "b", cumenti mi fiat giai imaginau), chi iat'essi s'italianu "cubo". A cussu puntu, po nai "cubetto", bolit a nai "cubbeddu" (chi perou no mi sonat beni, sigundu mei iat andai mellus "cubbixeddu"). Po su chi spetat a su tzùcuru, d'apu giai nau, genti meda nanta "tzùcuru a cuadritus" (e no "cubeddos", "cubbeddos", "cubbixeddus"). Chi Mialli bolit sighì narendi "tzùcaru a cubeddos", naturalmenti, du poi fai e donniù (e deu puru) du poi tragallai totu cument'òidi

a si biri
su stori

[su stori]

No mi praxit de lassai is chistionis a metadi, e po cussu chi mui si scriu su chi na' su "ditzlcs" de Puddu po su fueddu "schetu":

schétu, agt * nadu de una calidade, chi est totu cussa, chi bi est pròpiu totu; si narat fintzas cument'e avb.: pròpiu * meru, sprigau ** balla ca innoi de bustinas non ci ndh'ari: est suci schetu de àxina, custu! * arràbiu, custu no est binu: est axedu schetu! 2. no fait schetu a si ponni in sociedadi cun is prepotentis *** pretto, puro

incapas e' diferenti meda de s'italianu "schietto", annò?!

adiosu
su stori
PS.: ... no e' cosa de su carateri miu di essi di aici pibincosu ma giai chi su Mialloni sighiat a ofendi, m'e' tocau!

a si biri
su stori