tre bicchieri

[Lutzianu]

Originally posted by s'Arkimastru
E no! Su nepenthe o su kannonau de Mamujada keret bufadu in sos kamasinos de sa 'iddha!
Kussu est binu 'eru. Kuddhu ki ponent in ampullas, in sas "Cantina Sociale" kun su nepenthe 'eru no b'intrat nuddha, e goi 'e totu su 'e mamuyork.
Su nepenthe de 1 annu tenet tzertos grados e unu tzertu kolore; kuddhu ki ponent in ampullas benit "tagliato" e modificadu ka est unu 'inu goi particolare ki su mercadu no lu tiat a fagher "esplodere" o binker premios.
Tant'est ki su nepenthe turistigu, atipu cantina sociale postu afaka de su nepenthe fatu in domo, su primu paret unu "rosato".
Bufare binu de cantina sociale est komente a mandigare casu "Podda".


De Mamuthone b'ind'at duos , unu lu faghet sa familia Sedilesu, s'ateru ki est prus pagu domadu e ki est a tzigu prus difitzile de agatare est fatu dae 5 inzateris divrescios (in primis sa familia Puzone), ki ponent sas uas a pare e innennant e domant umpare.

mi dispiaghet ma custa est s'idea bezza chi su biu fatu in domo est su menzus e s'atteru est meighinau. est propriu su contrariu.
tzertu si pois buffas parteolla de 50 cent a su litru.....

non seo nande chi su binu fatu in domo est totu malu (su meu est bonu) ma su standard de calidade est a su 805 bassu, ponent prus meghinas e metabisolfito de cussu chi dh'ue cheret (pro cussu su dolore 'e conca) e in triulas est a insalada.

assazzadu su binu de cantina, pois bidimos.

[s'Arkimastru]

Fortzis mi soe ispiegadu male: su 'inu fatu in domo no semper est bonu. Deo fui nendhe de su 'inu fatu po domo .

Tue lea su Nepenthe.
Fatu po domo, tenet generalmente 16 grados, est kozudu, nieddhu pighidu e tinghet sa tatza. Onzi tatza est unu korfu. Kark'unu narat ki no siat "un vino da pasto", de gustibus!

Kussu domadu in ampulla tenet 13 grados ,su de un'annu, 14 massimu su de tres annos, Riserva o no. No est goi kozudu, "robusto" o "pastoso" e est in kolore ruju.

Komo no kerzo narrer ki siat unu 'inu malu, ma est un ateru 'inu. Un ateru fiagu, un ateru tastu, un ateru kolore. Un ateru 'inu!
Po kussu naro: no mi lu jamedas Nepente!
Tzertu, s'aghina est Kannonau, ma sa manera de lu fagher o menzus sa manera de lu fagher agradessire "a un pubblico vasto" no est sa de su Nepente. Est un ateru 'inu!

Da kandho si sunt postos s'obietivu de bendere e isparghere su Nepente in tot'ue ant inkomintzadu a dare a kustu 'inu sas karateristikas ki keriat sa "massa".
Solu nois bufamos binos ki arribant a 18 grados e ki no sunt binos de dessert, ki tenent carateristicas gai partikulares.
Tandho po lu fagher agradessire a sos turistas de su 'inu ite li faghent? L'abbasciant sa gradassione alcolica e li kambiant su kolore ki no depet isprammare sa zente.

Tant'est ki oe semus inkomintzendhe a intendhere zente ki narat: "binu ruju"!

Goi est po su kasu.
Oe b'at zente ki mandigat "formaggio Podda".
Fortzis no est nemmanku malu, ma est formaggio, no kasu!
M'atzis a narrer ki su kasu fatu a manu dae su pastore no est "igienicamente" perfetu. Ma si lu semus mandighendhe mizas de annos e no si k'est mortu niunu mai, e poi kie si 'ndh'afutit si su resultadu est de kuddhu livellu.
Tzertu sos ki tribagliant in su 'e Podda, ant a tribagliare kun guantes netos, ma ite kasu podet essire dae kuddhos labiolos de autobetoniera?
Est totu unu fatu de "business"!
In biddha, in sos koiles de su monte no b'est galu sa lughe. Sos pastores murghent (purtroppo) e faghent su kasu (po fortuna) galu a manu. No est kasu Podda! Ma kark'unu at inkomintzadu a fagher su kasu "semicotto". Ki est un'atera manera de lu tribagliare. Dae kustu ite 'ndhe sutzedit? Ki su sabore est prus pagu 'onu, ma su "semicotto" "stagiona" primmu e b'est prus paga possibilidade ki si guastet!
Tandho no bastat ki siat fatu in domo ma fintzas po domo.
Sa kosa bella est ki sos 'inzateris e sos pastores de primmu, mankari galu si 'ndh'agatent, faghiant sas kosas de bendere komente sa ki si mandighiant issos e totu.

In domo mia su kasu si faghiat dae Sant'Andria fintzas a mesu Abrile; Dae maju, a su kaldu, su kasu si guastat. Solu suta 'e kilu 'e sale adurat, ma 'ndh'essit unu kasu salidu ki paret "pecorino romano". In istiu sas berveghes late no 'ndhe tenent, poi bi sunt sos anzones e su late bisonzat a issos.

Komo bidimos kasu e regotu fatos in austu, mizas de presutzos in biddhas ue bi sunt solu kentu porkos e milli ateras maghias.

[senhor soares (POL)]

bivat su casu e su binu nieddhu!!!!
ah, candhu da fadeus una battalla po torrai a fai su casu martzu? poita a mie me praxit meda...!!

[s'Arkimastru]

Komente torrare a fare su kasu martzu?
Kie ti lu impedit?

a propositu, in biddha su kasu martzu si narat kasu "iskardidu", sos pastores inbetze li narant "kasu fatitu" o "faddhidu", cioè su kasu ki faddhit, ki si guastat, ki no addurat

[barrosu]

Pane, casu e binu (nieddu) a rasu...

[Cristianu]

[juanna maria]

Originally posted by senhor soares
bivat su casu e su binu nieddhu!!!!
ah, candhu da fadeus una battalla po torrai a fai su casu martzu? poita a mie me praxit meda...!!

...e sa piritta cunnita?...est una cosa troppppppppppppuuuuuuuuuuuuuuuuuuuuuu vona!

[senhor soares (POL)]

Originally posted by s'Arkimastru
Komente torrare a fare su kasu martzu?
Kie ti lu impedit?

sos barbaros de sa UE...

[frankobollo]

Originally posted by Lutzianu

comuncas su rosato prus biatzu chi connosco est cudhu chi faghent in sorgono, 13,5 grados!!

Salude

L

Prova anche il "Tiscali" 2003 dei Fratelli Puddu. E' veramente buono, e te lo dice uno che preferisce non bere il rosato.

[Lutzianu]

Originally posted by frankobollo
Prova anche il "Tiscali" 2003 dei Fratelli Puddu. E' veramente buono, e te lo dice uno che preferisce non bere il rosato.

Non lo conosco, il nome non è molto "originale"

F.lli Puddu quali ?

Salude
L