Salude amigos!

Bos kerzo ponnere unu tramunu de una cosa ki m’ant mandadu. Isco ki b’at unu muntonarzu mannu in internet de custas catzadas, pero mi so preguntadu: proite no in sardu?
Podet essere ki custa cosa si ponzet a girare… ite nd’iskimus?
A d’onzi modu kie si la sentit fetet Copy and paste e la uset comente l’agradat de pius!
Si nono passentzia!

Saludos



Atintzione:

S’argumentu est bastante forte a livellu emotivu.!


“Mama, so bessida cun sos amigos. So andada a un ispuntinu e mi so ammentada de cussu ki m’aìas nadu: de no bufare alcolicos. M’as cussizadu de no bufare bidu ki devìo conduire sa vitura, gai apo bufadu una Sprite ebìa. Mi so sentida orgollyosa de-a mie matessi, finas pro aere iscultadu sa manera cun sa cale, in modu pasadu e dulke, m’as nadu de no bufare si devìo conduire sa vitura a contrariu de comente mi narant tzertos amigos mios. Creo de aere seberadu su justu e creo ki su cunsizu ateretàntu. Cando s’ispuntinu est cumpridu sa zente at cumintzadu a si setzere in sa vitura kentze aere sas cunditziones de lu poder faghere. Eo apo leadu sa vitura mia cun sa tzertesa ki no aìo bufadu. No podìo aere in conca, mama, cussu ki fit a proa a sutzedere… calki cosa de impensadu! Como so inoghe isterruiàda in s’isfaltu e intendo unu politzoto ki narat: “su pitzinnu ki at causadu s’intzidente fit imbreagu”. Mama, sa boghe sua paret atesu… allargu… su sambene meu est derramadu in totùe e kirco, cun totus sas fortzas, de no pianghere. Poto finas intendere sos mèigos ki narant: “custa pitzinna no bi l’at a faghere”. So segura ki su pitzinnu de s’atera vitura no si l’immazinaìat una cosa de cust tipu, mentres currìat a fruzu. A sa fine issu at detzisu de bufare e deo como devo morrere…
Proite sa zente faghet totu custu, mama? Iskende ki podent destrùere sas vidas de sas pessones? Su dolore est comente si mi istokèrant cuntemporaneamente milli burteddos. Nara a sorre mia de no s’assuconare, mama, e nara a babu de essere forte. Calki unu diat devet narrere a cussu pitzinnu ki no si podet bufare cando si devet leare sa vitura. Forsis si sa familia sua bi l’asseret nadu, eo como dia essere bìa. Su respiru meu est semper pius debile e cumintzo a àere timoria de-a beru… custos sunt sos ultimos momentos de sa vida mia e mi sento bastante disisperada… como ti diat kerrere abratzare, mama, mentres so inoghe isterruiàda… morente.
Mi diat piaghere a ti narrere ki ti kerzo bene pro custu… ti kerzo bene e… adiosu.


Custas peraulas sunt isstadas iscritas dae unu jornalista in su logu de s’intzidente. Sa pitzinna mentres fit morzende, naraìat a boghe basça, custas peraulas e su jornalista iscriìat… ispantadu. Custu jornalista,como, at cumintzadu una batallya cuntra sos autistas bufados ki guidant. Si custu messazu est arrividu finas a tie e l’eliminas dias poder perdere s’oportunidade, finas si no bufas, de fagher cumprendere a medas personas ki finas sa vida tua est in perigulu. Custa atzione ki podes faghere, pro su pagu ki est, podet faghere sa diferentzia. No ti costat nudda: imbialu a totus cussos ki connoskes.