Un fueddu

[PatriottuSardu]

Saludus a tottus,
Giai ca seus tottus pigaus de custas chistionis politicas sussighenti a is elezionis chi hant a benni, cheriu allebiai un pagu sa situazioni, fendisì una pregunta.
Itta fueddu eis a impreai bos attrus po tradusi in sardu s'equibalenti de s'italianu "sfruttare" chenza de ponni s'italianismu "isfruttai"?
Chi 'ddu i penzaus, s'italianu est s'unica limba ch'impreat custu fueddu e happu sempir grisau de 'dd 'impreai, giai ca custu est signu de indibilimentu de su Sardu a favori de s'italianu...
Deu seu penzendi ca hiat a podi sonai beni su fueddu "logradura" est a esi "logradura de sa terra" "logradura de is personis" "logradura de sa scravitudini" etc...

Itta ndì penzais? itta proponeis bos attrus?

Grazias po tottus is arraspustas ca m'eis a cherri torrai...

Saludus a tottus

[Zarathustra (POL)]

No ti isco narrer...ca mi paret chi su sentidu no siat su matessi...in italianu "sfruttare" tenet unu sentidu pius "negativu".
Po cumprendere menzus, in ispannolu tenimos:

-lograr (Referido a algo que se intende o se desea conseguirlo; Alcanzar a la perfecciòn o llegar a desarrollarse)

-explotar (Referido a algo que reporta beneficios, sacar utilidad o provecho de ello; Referido esp a una persona, utilizar sus cualidades o sus sentimientos en provecho proprio, generalmente de forma abusiva

-esquilmar (Referido esp. a una fuente de riqueza, agotarla o hacer que disminuya por explotarla màs de lo debido; Referido a una persona, emprobecerla o sacarle el dinero abusivamente; Referido a un terreno, absorber con exceso los elementos nutritivos que contiene)

-disfrutar ( Sentir placer o alegria, gozar; Apreciar y considerar bueno, ùtil o agradable; referido a algo que se considera positivo, tenerlo o gozar de ello; Referido esp a la amistad, la ayuda o la protecciòn de alguien, poseerlas o aprovecharse de ellas: difrutemos de su genorosidad)

-aprovechar (Emplear ùtilmente o sacar el maximo rendimiento; Avanzar en el aèrendizaje de una materia; servir de provecho; Sacar provecho, esp con astucia o con enganos; Propasarse sexualmente)

Comente si podet biere "lograr" no cheret narrer chi semus faghinde dannu a calicunu, sos prus zustos dian esser explotar (frantzesu e ingresu puru) e esquilmar (chi in sardu diat esser "ischimare" ca est una peràula chi benit dae sa pudadura 'e sos rampos de sas àrbures).

Si cherimos ponner un' internazionalismu si diat podet impreare "isplotare" sinnono si podet lassare "isfrutare" chena che ruer in sa trampa de s' italianismu, podet esser puru chi benzerat giai impreadu primma de sa colonizatzione limbìstiga, ca sa raighina es sa de su latinu exfructare. Tocat a buscare carchi documentu chi lu cumproet.

[ricardu]

in d'unu sentidu "figuradu" fortzis si podet impleare fintzas "iscorzare"?

in s'innu de Mannu b'est:

" Feudatariu, pensa,
Chi sos vassallos non tenes
Solu pro crescher sos benes,
Solu pro los iscorzare."

[Zarathustra (POL)]

Ei, ma in d unu sentidu figuradu ebia...si naras "cussu mere fit iscorzande 10 triballadores" no est comente narrer "cussu mere fit isfrutande 10 triballadores"...

O finamentas:

"Ocannu a-i cuss' àrbure l' apo iscorzadu meda"

"Ocannu a-i cuss' àrbure l' apo isfrutadu meda"

[PatriottuSardu]

Grazias po is arraspustas... happu penzau puru ca candu s'arrefereus a "sfruttamento dell'uomo" forzis s'hiat a podi impreai "zaraccummini", giai ca custu est prus negativu de su fueddu srebidori/ora o ancilla.
Duncas segundu cussu ca naras tui Zarathustra, iscorzare, s'hiat a podi impreai po "sfruttare la situazione"? Certu, hiat a essi bellu a nd'agattai un documentu antigu ca provit ca esistiat a innantis de sa colonizzazioni... ca in su fueddariu latinu on-line exfrutare no 'dd happu agattau...

Grazias meda po is arraspustas ca m'heis a torrai e saludus a tottus