làdiri

[Perdu]

chini est chi ddu scit fai?

[sisinni pabi]

Est unu traballu chi andat fatu me' in s'istadiali, candu su soli parrit chi pighit fogu, de manera chi is matonis potzant coi a soli.
Po podi fai su ladiri, serbit acua, terra passada a sedatzu, de manera chi no portit perdas (si no bollis sedatzai sa terra, bandat beni un'arretza a mallias finis de cussas chi abarrant strantaxias chi acostumant a usai is maistus 'e muru là) e sa palla. Custa no depit essi segada a incueddeddus tropu crutzus e nimancu tropu longus: podit andai beni de tres o cuaturu centimetrus (si 'ndi ddoi at prus crutza o unu pagheddu prus longa no ddi fait nudda, amestura totu a pari!) de manera chi s'acapit beni cun su ludu.
Cument''e cantidadi, est mellus a fai duus tantis de terra e unu tanti de palla. Candu as coberau su chi ti serbit, amestura a pari, gheta acua, pinnicadì is prantalonis e, scrutzu, ponidì a acacigai (un''ota si podiat fai poita sa genti acostumàt a andai scrutza ... immoi iat a essi mellus de si poni is botas).
Candu biis ca s'impastu podit andai beni, 'ndi pigas unu tanti, ddu ponis ainturu de una fromma de taula -chi ast ai fatu ainantis a segundis de sa mannesa chi ti serbit-, dd'arrasas cun d'un'atera taula , 'ndi bogas su matoni cruu de sa fromma e ddu ponis a coi a soli e ... sighis a traballai aici.

A ... megàa 'e mi scaresci ... ponisì una potografia de candu ses acacighendi scrutzu

[Plùminus (POL)]

depis aciapai sa terra argiddosa giusta! in donnia bidda nci fiat su logu de dda pigai! Po is mesuras puru, dònnia bidda imperàt is suas. Iat essi mellus a circai ( o a pregontai) maistus de bidda tua etotu chi bolis fai una cosa segundu sa traditzioni de su logu.


e la' ca ndi bendint giai prontus puru!

http://www.terrapiccola.it/ladiri.html

[Perdu]

depis aciapai sa terra argiddosa giusta! in donnia bidda nci fiat su logu de dda pigai! Po is mesuras puru, dònnia bidda imperàt is suas. Iat essi mellus a circai ( o a pregontai) maistus de bidda tua etotu chi bolis fai una cosa segundu sa traditzioni de su logu.


e la' ca ndi bendint giai prontus puru!

http://www.terrapiccola.it/ladiri.html

de candu est chi ant serrau!

[brabudu]

http://www.unilibro.it/find_buy/find...de_enrico_.htm

No m'arrecordu chi siat in s'unu o un s'atru, aundi Fodde analizat sa compositzioni giusta po fai su làdiri