litera a s'Europa

[montearcosu]

TESTU DE SA LITERA

Europa Istimada,
una comunidade de culturas ses, de limbas,
pòpulos e natziones diferentes intre issas etotu,
ma unidas in su fràigu de unu tretu polìticu de paghe, democratzia e bene-istare.

Nois sardos, a dolu mannu nostru,
non podimus imbucare in su Parlamentu tuo,
ca su sistema eletorale italianu previdit unu collègiu Sardigna-Sitzìlia chi nos impèdumat
de eligire rapresentantes nostros in s'istitutzione
chi detzidet in contu de aspetos de fundamenta de sa vida nostra de cada die.

Est galu un'àteru buconete abelenadu de s'autonomismu e de una classe dirigente isulana chi,
noistames sos faeddos bellos, est un'iscàndalu chi no apat ischìpidu e nen bòrtzidu fàghere nudda
pro donarent a sa natzione sarda nessi una parte de sa rapresentàntzia europea chi ddi diat tocare.

Sos partidos italianos nos cùmbidant torra a votare gente chi andant a su Parlamentu tuo, ma giai no ant a èssere pro incurare sos interessos de sa Sardigna.

Deo non mi creo chi custu siat giustu. No dd'apo a votare ateruna bia unu polìticu a non mi rapresentaret, ma non m'apo a astènnere.

Prefèrgio a nche istichire custa Lìtera in s'ischeda eletorale pro denuntziare s'ausèntzia, mala a bajulare, de sa Sardigna dae su Parlamentu Europeu.

Prefèrgio a fàghere intèndere sa boghe mia e a mi mòere pro chi sa Sardigna siat capatza de fraigare sa soberania sua e potzat eligire 7 èuro-parlamentares, gasi etotu comente faghent natziones indipendentes che Malta o Cipru, chi, a prus de cussu sunt ìsulas medas prus piticas de nois.

Europa Istimada, s'ispera mia est chi custa lìtera ti nche lompat e chi medas àteros sardos, residentes in Sardigna o disterrados, fatzant che a mie e potzant connòschere chie faghet a beru sos interessos issoro.

sardu de innui est custu?

[Perdu]

limba sarda comuna...

[montearcosu]

e calli est sa diferenza tra custu sardu e su logudoresu? mi podis fai un esempio po cumprendi mellu?

[Perdu]

e calli est sa diferenza tra custu sardu e su logudoresu? mi podis fai un esempio po cumprendi mellu?

mmm pagu e nudda! hefico:
est su logudoresu literàriu pagu pagu (ma pagu mi!) arrangiau...

log. preferzo > lsc prefèrgio
log. zente > lsc gente
log. anzone > lsc angione

[Plùminus]

e calli est sa diferenza tra custu sardu e su logudoresu? mi podis fai un esempio po cumprendi mellu?

Su logudoresu est giai sardu comunu. Duncas a ddu tzerriai logudoresu est sballiau ca est "fuorviante", poita poi sa genti bai e circa ita si pensat.. Est prus giustu a ddu tzerriai sardu comunu, limba sarda comuna.

Custa est prus o mancu sa teoria stravanada chi apu agatau in su libru nou de fulanu.
O Perdu, lìgiu ti dd'as tui??

[montearcosu]

Su logudoresu est giai sardu comunu. Duncas a ddu tzerriai logudoresu est sballiau ca est "fuorviante", poita poi sa genti bai e circa ita si pensat.. Est prus giustu a ddu tzerriai sardu comunu, limba sarda comuna.

Custa est prus o mancu sa teoria stravanada chi apu agatau in su libru nou de fulanu.
O Perdu, lìgiu ti dd'as tui??

mancumabi ca d'as nau tui a totu k'est stravanada o pluminus, ti femu lijendi mi femu spantendi
ma ki su logudoresu est comunalli, su ca kistionaus nosu ita ada essi provicialli?onf:

"prefergio" ma innu arrabiu d'ant essi agatau custu fueddu?

[Plùminus]

mancumabi ca d'as nau tui a totu k'est stravanada o pluminus, ti femu lijendi mi femu spantendi
ma ki su logudoresu est comunalli, su ca kistionaus nosu ita ada essi provicialli?onf:

"prefergio" ma innu arrabiu d'ant essi agatau custu fueddu?

Machioris! lassaddus a perdi!

Ps
prefèrgiu ddu imperaus in zona nosta puru.. prefrexu no dd'as intendiu mai? Est su propiu fueddu.
Comenti a nai mraxani o margiani.

[montearcosu]

Machioris! lassaddus a perdi!

Ps
prefèrgiu ddu imperaus in zona nosta puru.. prefrexu no dd'as intendiu mai? Est su propiu fueddu.
Comenti a nai mraxani o margiani.

deu preferu,
prefergiu prefrexu (mai intendius, ap'essi pagu bessiu)
ma naraus ki fait ancora ancora, ma "prefergio" est peus, legiu forti segundu mei
o tocat a nai legio?

[Perdu]

Su logudoresu est giai sardu comunu. Duncas a ddu tzerriai logudoresu est sballiau ca est "fuorviante", poita poi sa genti bai e circa ita si pensat.. Est prus giustu a ddu tzerriai sardu comunu, limba sarda comuna.

Custa est prus o mancu sa teoria stravanada chi apu agatau in su libru nou de fulanu.
O Perdu, lìgiu ti dd'as tui??

ma diaderus ddoi at scritu una cosa diaici??? onf:
tropu togu!!! cras andu a mi ddu pigai!!! hefico:

[Plùminus]

deu preferu,
prefergiu prefrexu (mai intendius, ap'essi pagu bessiu)
ma naraus ki fait ancora ancora, ma "prefergio" est peus, legiu forti segundu mei
o tocat a nai legio?

Funt giustus totus, preferu, prefergiu, prefrexu. Est a logus a logus chi ddus imperant..
Prefergio a tui no ti sonat ca cussa o est una bessida a sa cabesusesa. No est chsitioni de essi lègiu, ma est chistioni ca in campidanu cussa arregula no ddoi est, e duncas a nosu no si sonat naturali.

Lègiu in cabesusu ddu usant pagu (nant feu po su prus) ma cussus chi ddu usant, mancai nerint deo preferzo, timo, ando ecc, cun sa O a s'acabu, su fueddu lègiu ddu nant cun sa U etotu comenti a nosu, ca po cussu si aplicat un'atra regula fonetica. Lègio no esistit in perunu sardu, mancu in LSC.