Mereu bincit

[su stori]

Salludi Gherrianu, bollu interbenni deu puru a suba de su chi as nau de su frimi 'e Mereu e de su chi sa genti podit pensai de is sardus e, prus in particolari, de is sardus de sa provìncia de Nùgoro.
Aranti de chistionai de cussu, perou, bollu chistionai deu de is sardus. Tui, incapas, ses giòvunu meda cufrontu a mimi, ma, candu deu teniat dexiot'annus (meda, meda annus fàidi), deu, po sa primu borta, seu andau in bagàntzia a lada de is partis tuas. Su logu si tzèrriat "linna sicca". Issasa, funti trint'annus a imui, po arribai a cussa plàya, tocada a si fai (benendi de bidda tua) una surra de caminu chentza de asfaltai.
Nosu fiaus una cricca de genti originarius de diferentis biddas campidanesas e cuncunu casteddaiu puru.
Iaus postu is tendas (issasa fadiat a campegiai liberamenti) in sa parti a dereta de sa plàya castiendi faci 'e mari. Is tendas fiant in mesu a una pariga de matas de opinu, in d'unu mraxi prus in àrtiu de unus dexi metrus asuba de sa plàya.
A sa parti nosta no ci fiat nudda, invècias a s'atra parti (a manu manca castiendi sa plàya), doi fiant una pariga (no medas: tres o cuatru) de domus.
Ancora di aici est cussa plàya? Fiat bella diaderus! M'anti nau ca imui fait a ci arribai cun sa 'ia asfaltada, chi c'est unu parchègiu puru, e una surra de genti. Issasa, m'arragodu, doi fiaus sceti nosu e pagu atra genti: fiat unu logu de s'amachiai e fia stètiu unu gosu mannu po totus.
In s'interis chi fiaus innì, fatu fatu, andaiaus a Orosei po pigai cosa o fintzas po si sciacuai: doi fiat una filera de grifonis a s'essida 'e bidda faci a Tiniscole (ancora doi funti cussus grifonis?).
Andaiaus fintzas a mi doi fiat un'antru grifoni (po acua bella a bufai) aintru 'e bidda. Aspetendi su turnu cosa nosta, m'arragodu sa manera speciali de chistionai su sardu de is fèmias de Orosei (una spètzia de mùsica ... unu sonu bellu). No cumprendiat totu (mancai deu sciessi chistionai su sardu) ma su sonu de sa lìngua de osatrus mi praxiat meda (e mi praxit imui puru). E incapas est de issasa chi m'e' inghitzada sa passioni po sa Sardinnya e po su sardu (totu su sardu ... de dònnia zona de Sardinnya).
Una borta si seus frimaus in cussa pratza (su nòmini no mi d'arragodu) chi s'agàtada centu metrus a pustis de ai girau po andai faci a Nùgoro. Doi funti (antzis, doi fiant) dus tzilleris ( bar), unu a dereta acanta de una pariga 'e panchinas asuta de una mata manna chi fait umbra meda, un'antru in bàsciu prus piticheddu (là ca funt arragodus e mi potzu sballiai puru).
Deu cun atrus cuatru, ci seus imbucaus in custu bar e, sigumenti chi tenaiaus fàmini e sidi meda, iaus papau e bufau cumenti a procus.
A sa fini deu seu andau po pagai e su meri de su bar mi fàidi (deu du scriu a sa campidanesa): "totu pagau, c'est unu chi s'at cumbidau". Nosu giai giai seus abarraus spantaus, ma, tocat a du nai, in zona cosa tua s'ospitalidadi sarda (chi nanta sempri) s'agatat diaderus.
... Boh ... o Gherrianu, ti depiat chistionai de sardus e "ballo a tre passi" e d'apu acabada a chistionai de contus de mimi in Orosei de trint'annus fàidi.
Sigu sa pròssima borta ... salludi a tui e a totus

su stori

[su stori]

O Gherrianu, deu ti contu is cosas bellas de is baroniesus, e tui no as mancu musciau ... ma, lìgia d'ìasta custa missada?

a si biri
su stori

[gherrianu]

Salute Su Stori... iscusa meta si galu no t'apo torratu resposta ma soe travallande meta e su forum lu poto nessi videre pro pacos sigundos a sa dìe.. ti torro gratzias pro su ki as natu de bellu i supra 'e sa bidha mea, ti prumitto ki cantu prima t'apo a torrare una resposta!!!
Salutos Indipendentistas