Salud a tucc!

A sun turnà dopu un quai ann........ qual ucasiun migliùr dai europei del balon per turnàa chi a rìit ogni qualvolta i vundas terùn cun la giacheta bloeu a ciapan un quai gol....

[eloy]

... vienici a salvare Capitan Kurlasch, coj tò cent mila mann, coj tò cent mila brasc, adess che semm strach......

In origine postato da elenailinn
... vienici a salvare Capitan Kurlasch, coj tò cent mila mann, coj tò cent mila brasc, adess che semm strach......

... mitica...

[eloy]

Donca, Kapitan Kurlasc, t'a vedet, mi sont minga bona de scriv en brianzoeu, sicchè donca ho scrivoo minga trop ben la toa canzon.

El test quell giust a l'è quest: (mi speri ch'el te pias)

Kapitan Kurlash

Tarabàj, reguaj, gran catanàj,
l'è una baIa che la gira e che se ferma mai,
l'unda la pìca, la bagna la spiàgia,
smàgia de culuu in una tòla de aquaragia,
un urelogg in cràpa per dàtt la svèglia,
te regàlen el büsciòn e porten via la butèglia,
hann blucaa l' apucaliss perchè giüga l'ltalia
e adèss i fantasmi i henn in giir cun la vestaglia ……
Spüden la brògna e majen la giànda
tiren fò un fulcèn che l'è un punto de dumanda,
pensiunaa cun scià la spada cume Napuleòn
quaand che vann in posta a ritirà la pensiòn,
suldaa che i spècen i Marziani in müdanda,
Profeti che i crumpen la Bibbia alla Standa
Vieni a salvarci Kapitan Kurlàsh
cui tò ceentmila mann, cui tò ceentmila brasc,
fa desmètt de pioov nel mees de magg
adess che sèmm'i' stràcch de curr pòrtegh bràsc…
alùra bòn, tira, mola, messéda, büta in aria la tua vita cume una munéda,
chissà se vee fo testa, chissà se vee fö cruus,
chissà se la se s'cèpa giò de mèzz cume una nuus ……
Quaand che gh'è la malparàda tirum fö la pastigliaghe
Fata Pagüüra l'ha metüü sü famiglia
e vörum un Arcangel che sona anca l'arpa,
ghe dèmm una pesciàda e l'è culpa della scarpa...
La sfera del magu l'è piena de grapa
ho dii un' Avemaria e me fa maa ancamò la cràpa,
se pògium al müür cume sacch de la rüdera,
vurerìssum cagnà tücc ma gh' emm piö gnaa la dencéra
hemm faa tremìla girr
e adèss che hemm rutt la giustra
adèss …………… parla piö gnaa el Zarathustra
Vieni a salvarci Kapitan Kurlàsh
cui tò ceentmila mann, cui tò ceentmila brasc,
fa desmètt de pioov nel mees de magg
adess che sèmm'i' stràcch de curr pòrtegh bràsc…
E dopu cùrr, cun un piranha deent nella sacòcia,
e una cuscienza che g'ha de fa la dòcia
e sempru püssee in pressa ma varda te che bèll,
mètum sö el casco ma se tìrum via el cervèll, amore
a microonde con il cuore nel forno
e l'anima saràda in un cinema porno,
chi naviga in crociera nel maar dell' internet,
chi nega in de l'acqua in söl fuund del gabinètt,
e chi che g'ha un bazooka nella bursa della spesa,
chi g'ha el tatuaggio con Madre Teresa,
Mater Sospiriorum Mater Tenebrarum
el rusàri nel mitra e pö dopu spàrum,
Mater Tenebrarum Mater sospiriorum,
pregum tücc basta che i fàghen quell che vörum
basta che i fàghen quell che vörum………

[eloy]

e adess, caro Capitan Kurlash, se te despiass minga, te scrivi chichinscì doo canzon dedicàa al noster bell lach de Comm.
El Davide l'è proppri on fenomen, l'è un grand cantautor !!!
Se un quaj vun el voeur la tradution, ch'el vaga pur in sul sitt del Davide.

S'ciao



HOKA HEY
Hoka Hey... Hoka Hey... Hoka Hey...

Balàvi giò induè finìss el fiöemm
sugnàvi giò in söe la riva di nissöen.
Ho vedüü el cieel vegnì püssèe scüür el veent el parlàva cun la vuus di tambüür.
I spiriti i cantàven la canzòn de la pagüra i geent i vusàven giò in fuund alla pianüra.
Hoka Hey... Hoka Hey... Hoka Hey...
Se sun stremii e a cà mea sun scapà e ho truvaa i mè geent cun't i fàcc culuraa.
Ho verdüü la tenda e ho vardaa de föe e l'era piee de geent cun't i giachètt blöe.
Quèll che vurèven... dopu l'ho capii... Wounded Knee!
Hoka Hey... Hoka Hey... Hoka Hey...


BREVA E TIVANN
Brèva e Tivànn, Brèva e Tivànn,
la vela la se sgùnfia e 'l timòn l'è in 'di mann,
altelèna ciàra e Valtelena scüra,
l'è una partìda a dama cun't el cieel che fa pagüra...
Sòlti in söe l'unda e pö se làssi nà...
El soo che tra un pezzètt el tàca a tempestà,
el soo che in söe la riva i henn là tücc a pregà,
me ciàpen per un màtt che vöer dumà negà...
E la barca la dùnda e la paar che la fùnda,
che baraùnda vèss chè in mèzz al laagh...
El laagh che l'è balòss, el laagh che 'l tradìss,
el fülmin lüsìss e 'l cieel el tussìss...
Brèva e Tivànn, Brèva e Tivànn,
i tìren e i mòlen e i te pòrten luntàn,
vàrda de scià e vàrda de là,
la spùnda la ciàma ma la barca la và...
Sòlti in söe l'unda e pö se làssi nà...
El soo che tra un pezzètt el tàca a tempestà,
el soo che in söe la riva i henn là tücc a pregà,
me ciàpen per un màtt che vöer dumà negà...
Ma urmai sun chè... in mèzz al tempuraal
tuìvess föe di bàll che a me me piaas inscè...
E urmai sun chè... in mèzz al tempuraal
tuìvess föe di bàll che a me me piaas inscè...
Brèva e Tivànn, Brèva e Tivànn,
Brèva e Tivànn, Brèva e Tivànn...

... ma sei un mito... quell' Hoka Hey che è la mia preferita assieme a... vediamo se indovini...

[eloy]

In origine postato da Capitan Kurlash
... ma sei un mito... quell' Hoka Hey che è la mia preferita assieme a... vediamo se indovini...

Sugamara ?
E semm partì ?
Ninna Nanna ?

Mi so minga, hinn tucc bèll !

In origine postato da elenailinn
Sugamara ?
E semm partì ?
Ninna Nanna ?

Mi so minga, hinn tucc bèll !

Sciur Capitan... a m'fa pensàa a tucc cui povar matai che i taiàn han mandà a murìi par la patria... gheva anca al fradel dal me nonu... a ghe rimast amdumà la fotu da un cimiterin a dumila metar su na muntagna cun na crùus cul so nom... purcasc de taiàn...

[eloy]

In origine postato da Capitan Kurlash
Sciur Capitan... a m'fa pensàa a tucc cui povar matai che i taiàn han mandà a murìi par la patria... gheva anca al fradel dal me nonu... a ghe rimast amdumà la fotu da un cimiterin a dumila metar su na muntagna cun na crùus cul so nom... purcasc de taiàn...

L'è chi bella e pronta !!!


SCIUR CAPITAN

Sciur capitan
varda scià la mia mann
ho cupaa un'umbria
la nocc de capudann.
L'è sta pussé facil
che stapà una buteglia
ma de un culp de s'ciopp in crapa,
gh'è nissoen che se sveglia.
Sciur capitan
ho cupaa una persona
so mea se l'era grama,
so mea se l'era bona.
M'han daa mila reson
en trovi ne'anca voena.
So che me manca el me fiò,
so che me manca la mia dona.
Sciur capitan
questa che l'è la verità,
adess ghe n'hoo piee i ball,
Giovanni el turna a cà.
Sun sempru staa ai to urdini
e t'ho mai tradì,
però questa sira questa guera m'ha stufii.
Sciur capitan
questa che l'è la verità,
adess ghe n'ho pien i ball,
Giovanni turna a cà.
Se te voret scriv
te regali la mia pena,
se te voret sparam
questa l'è la mia schena.
Sciur capitan
varda te che ironia,
la giacchetta insanguinada
pudeva vés la mia,
bastava che incuntravi
un bastardo come me
invece che incuntrà
quel poor ciful là là lé.
Sciur capitan
me paar de vecch fréc,
la guera la finiss mai,
me par de vegnì vecc.
quand finiss la bataglia...
Crepum in divisa,
vemm a cà in una bandiera,
e lassum che la moort
la vaga in giir in canutiera.
Sciur capitan
varda scià la mia mann
ho cupaa un'umbria
la nocc de capudann.
Semm che a cüraa el cunfin
e pensum de vess foort
ma el sémm che per crepà
ghe voer mea el pasaport.
Sciur capitan
questa che l'è la verità,
adess ghe n'ho pien i ball,
Giovanni turna a cà.
Sun sempru staa ai to urdini
e t'ho mai tradì, non ti ho mai tradito,
però questa sira questa guera m'ha stufii.
Sciur capitan
questa che l'è la verità,
adess ghe n'hoo piee i ball,
Giovanni el turna a cà.
Se te voret scriv
te regali la mia pena,
se te voret sparam
questa l'è la mia schena.

[eloy]

Ma gh'è anca questa chi:

SPARA GIUANN

Hei, hei, hei...
Desmett de vardamm, se fidi de nissön
e vardi i to' öcc cumè una television,
m'hann insegnà cumè se fa a scapà,
cumè se fa a picà, cumè se fa a cupà.
Ho mai vedü na turta,m'hann mai fa' un basen,
ho sempru fa' la guera de quand s'eri penen,
giò nela palta, giò nela tera, aqua, sang, neef e guera,
guera, guera...
Strengevi i deenc, rabius cumè'n can e me diseven: "Spara,
spara, spara Giuvànn!".
Crepaven i amis, pasaven i ànn e me diseven: "Spara,
spara, spara Giuvànn!".
Hei, hei, hei...
Ho cargà'l füsil,ho stapàa na bumba a mann
te do tri menut, te lassi nan,
capissi mia cusa cazzo g'hann
de segutà a vusà: "Spara, spara, spara Giuànn!".
Ma adess che se giri,e svolzen lur i mann e disen:
"Fermu,fermu,spara mea Giuànn!".
Ma adess ch'i me' öcc i henn piö tant san,me vusen:
"Fermu,fermu, spara mea Giuànn! Spara mea Giuànn!
Spara mea Giuànn!"