"coitai"

[su stori]

Seu torrendi a bivi fìsciu in bidda e, duncas, mancai in Casteddu puru agatu genti fueddendi in sardu, chistionu giai sempri in sardu. Po cussu, fatu fatu, m'acùcanta fueddus chi no imperà de diora e chi a bortas dus anti cambiaus cun "italianismus".
Si ndi nau cuncunu:

"coitai" ---> fai a lestru, a si movi a lestru
"scoitai" ---> movi sa coa
"trigai" ---> fai a tradu
"acudi" ---> fai in tempus
"aciungi" ----> arribai a
"d'acucat" ----> di benit a conca

De fueddus sardus sardus ci nd'at medas ancora ... e ci at una surra 'e genti chi du chistionat ... atru chi lìngua morendisì! Deu nau chi custa lìngua nosta acudeus a d'aciapai e a ci da fai lompi me i' logus uficiàlisi puru

a si biri
su stori

[Perdu]

Originally posted by su stori
Seu torrendi a bivi fìsciu in bidda e, duncas, mancai in Casteddu puru agatu genti fueddendi in sardu, chistionu giai sempri in sardu. Po cussu, fatu fatu, m'acùcanta fueddus chi no imperà de diora e chi a bortas dus anti cambiaus cun "italianismus".
Si ndi nau cuncunu:

"coitai" ---> fai a lestru, a si movi a lestru
"scoitai" ---> movi sa coa
"trigai" ---> fai a tradu
"acudi" ---> fai in tempus
"aciungi" ----> arribai a
"d'acucat" ----> di benit a conca

De fueddus sardus sardus ci nd'at medas ancora ... e ci at una surra 'e genti chi du chistionat ... atru chi lìngua morendisì! Deu nau chi custa lìngua nosta acudeus a d'aciapai e a ci da fai lompi me i' logus uficiàlisi puru

a si biri
su stori

bogau açungi (cun custu sentidu), totu is atrus fueddus dus intendu dònnia di' in cuartu, is amigus e is amigas mias puru (afedalis e prus piticus puru) dus nanta, bolit nai diaderus ki su sardu, mancai imbrutau, mancai ataçau meda, est sighendi a bivi!

[SaR]

Originally posted by Perdu
bogau açungi (cun custu sentidu), totu is atrus fueddus dus intendu dònnia di' in cuartu, is amigus e is amigas mias puru (afedalis e prus piticus puru) dus nanta, bolit nai diaderus ki su sardu, mancai imbrutau, mancai ataçau meda, est sighendi a bivi!

Su Stori tenit arrexoni ....

Puru "açungi" in Trexenta est umperau.
Apu cracau "open memory" e ndi esti bessiu a foras ....

No açunju a pigai (cun sa manu) calincuna/cancuna cosa apicada trupu arta.

[Michele64]

Eja, coitare est unu bervu impreadu meda in sardu, e b'est puru s'ispressione "abaidare cun sa coita de s'ogru" chi currespondet a s'italianu "guardare con la coda dell'occhio"...

[su stori]

Originally posted by Antoni
... No açunju a pigai (cun sa manu) calincuna/cancuna cosa apicada trupu arta.

Ei ... su sentidu e' pròpriu cussu:

"Tui ca tiras giai 2 metrus, chi doi aciungis a cussa crobedda, cabamindedda" (tu che sei alto quasi 2 metri, se ci arrivi a quella corbuletta, portamela giù)

Mancai "aciungi" poderat puru su sentidu de s'italianu "aggiungere":

"intami de mi pagai, apu dèpiu aciungi deu" (anzichè pagarmi, ho dovuto aggiungere io qualcosa)

Domandu scusa po s'italianu aiguddania, ma esti una furriadura giai "literali" de su sardu

a si biri
su stori

[su stori]

Originally posted by Michele64
.... e b'est puru s'ispressione "abaidare cun sa coita de s'ogru" chi currespondet a s'italianu "guardare con la coda dell'occhio"...

A balla! "Abaidare cun sa coita de s'ogru" eya chi est una fràsia sarda scheta! Stocada!!! In chi ti crocasta!!!