Ingolli

[PRAETORIANVS]

Sas differenzias bi sun puru in su Logudoresu, per esempiu intre su Logudoresu faeddadu in custa zona e cussu faeddadu in su Goceano, o in Barbagia, prinzipalmente si trattat de differenzias de pronunzias, calki paraula unu pagu diversa, e bastat, pro su restu nos cumprendimus perfettamente.
Sas cosas cambian parizzu si andas a Tathari o in Gaddura, in tantos annos ki happo istudiadu in Tathari no so resessidu a cumprendere una paraula de Tatharesu, idem su Gadduresu ki est puru piùs diffizile de cumprendere

[Antoneddu]

Originally posted by PRAETORIANVS
Sas differenzias bi sun puru in su Logudoresu, per esempiu intre su Logudoresu faeddadu in custa zona e cussu faeddadu in su Goceano, o in Barbagia, prinzipalmente si trattat de differenzias de pronunzias, calki paraula unu pagu diversa, e bastat, pro su restu nos cumprendimus perfettamente.
Sas cosas cambian parizzu si andas a Tathari o in Gaddura, in tantos annos ki happo istudiadu in Tathari no so resessidu a cumprendere una paraula de Tatharesu, idem su Gadduresu ki est puru piùs diffizile de cumprendere

Du e'diferenzia manna intre e su Tataresu e su Cadduresu cun su Logudoresu o su Campidanesu.
Su Campidanesu e su Logudoresu funi duas caras de sa matessi cosa su Sardu, su Tataresu e su Cadduresu funi de arrampu Italianu.

[su stori]

Originally posted by Antoneddu
... Su Campidanesu e su Logudoresu funi duas caras de sa matessi cosa su Sardu, su Tataresu e su Cadduresu funi de arrampu Italianu.

E' berus! A ca (mi d'at nau genti tataresus), cumenti ti stèsiat pagu pagu de Tàtari (po nai Ossi, Tissi, Uri, Florinas, ...), sa lìngua, totu a un'ota, cambiat cumpletamenti, passendi da su tataresu a su logudoresu.
Po nai sa primu cosa chi si scèrada: is Tataresus no tèninti su prurali cun sa "S" (is artìculus is, sos, sas, s'acabu de is fuddus in "us", "os", "as"), chi e' cosa chi su sardu no ndi podit fai de mancu, ma du tenint a s'italiana (cun sa "I", ...).
Naturalmenti is diferèntzias funt atras puru, fintzas in su lèssicu, diferèntzias chi, cumenti as nau beni tui, funti meda prus mannas de is chi s'agatant aintr'e su campidanesu e su logudoresu.

a si biri
su stori

[Antoneddu]

Sa lingua sarda esti sceti fatta de su Logudoresu e su Campidanesu, is atras fuedasa ki nci funti in Sardigna no funti de arrampu sardu.
Però tocada a nai ua cosa, is atras fuedadas puru oramai, si podinti nai ca funti Sardasa issa puru, poita cun is seculusu funti creças po contu insoru, no funti prusu paris a i linguasa chi das anti criadasa.
Bastada a castiai is Algheresusu, no si cumprendinti prus cu is Catalanusu.

Su Catalanu de Catalunia e cresçu in d'una manera e su de Alghero in d'un'atra.

Salludi
Antoneddu

[PRAETORIANVS]

Originally posted by Antoneddu
Sa lingua sarda esti sceti fatta de su Logudoresu e su Campidanesu, is atras fuedasa ki nci funti in Sardigna no funti de arrampu sardu.
Però tocada a nai ua cosa, is atras fuedadas puru oramai, si podinti nai ca funti Sardasa issa puru, poita cun is seculusu funti creças po contu insoru, no funti prusu paris a i linguasa chi das anti criadasa.
Bastada a castiai is Algheresusu, no si cumprendinti prus cu is Catalanusu.

Su Catalanu de Catalunia e cresçu in d'una manera e su de Alghero in d'un'atra.

Salludi
Antoneddu

Deo puru so perfettamente de accordu cun tegus, su Sardu est solu Logudoresu e Campidanesu, sos atteros dialettos ki bi sun in Sardigna sun tottu de origine furistera, su Gadduresu est originariu de sa Corsica, su Tabarchinu de sa Liguria, s'Aligheresu de sa Catalogna, s'unicu particulare est su Tatharesu, ki puru si no hat nudda itte faghere cun su Sardu s'est isviluppadu in Sardigna a causa de sa colonizzazione Pisana e Genovesa de cussa zona in su medioevo.
Pro cantu riguardat su Catalanu, in Catalogna esistin duos dialettos, su Catalanu Occidentale e Orientale; s'Aligheresu appartenit a su Catalanu Orientale, e si differenziat puru dae custu in cantu su Catalanu de sa madrepatria in sos seculos hat sighidu a si evolvere, mentre ki s'Aligheresu a causa de s'isulamentu est restadu meda piùs arcaicu, unu pagu comente est suzzessu a su Latinu, in su continente sa limba est cambiada meda piùs in presse, dende origine a sas limbas neolatinas comente s'Italianu, su Franzesu, Ispagnolu, etc.etc., mentre in logos isulados comente sa Sardigna, s'evoluzione est istada meda piùs lenta e ha dadu origine ad una limba cun d'un aspettu arcaicu e piùs simile a su Latinu de tottu sas atteras limbas neolatinas in circulazone.

Salude