Andrea Parodi

[Perdu]

a si biri!

[repubricanu]

Ciao Andrea!

[sisinni pabi]

In pamentu de Andria Parodi

Muttettus casteddaius

De su coru besseis,
suspirus, aund’andais?
Po cantu ddu circheis,
prus no dd’agatais.

Suspirus, aund’andais,
chi s’est bolau a susu?
Prus no dd’agatais,
no dd’agatais prusu.


A sa noa (de M. Licheri)

Chi no ti circhint
asutt’’e terra!

S’anima ‘e su poeta
bivit
in arrocca sonanti
de bentu estu.

Bivit
in cambus de froris
e in latti callau.

Bivit
in s’ispuma ‘e su mari
‘e Gonone
e in s’ala
de perdixi arrubia.

Chi no ti circhint
in campussantu!

Tui cantas
cun gutturu
de passirillanti
e cun peddi
de tamburru gavoesu.

Arrisu ‘e bentu
e prantu de mitza.
Arrepiccu de campana,
ogus de castiadori,
soga de curbas.

Chi no ti circhint
in losa de marmuri!


Adiosu Andria, no ti siat de pesu sa terra!