Fueddus Cantzone

[SaR]

Janas - Dormidera

Fiza de su sole,
(Bocios?) ke su mare
Pilos de colores, sa luna in s’istiu
Cantami su (b)entu, ki lizeru sulat
Cantami su trigu de oro in s’istiu
Fiza de su sole, in mesu a su campu
Movende sa veste, movende sos fiancos
Pares unu bisu, no ti scaferrare
M’incanta su sinu in sa beste de linu
In sos campos rubias dormidera
Cun su (b)entu ki las moven (dantzàna?)
(Dantzana?) impare a tie
Ki ses ke dormidera
Ti kirco ma inue ses tue

Fiza de su sole
Prenda de sa vida
(Leghe?) ke sa lughe in su note ‘e s’istiu
Pares unu bisu no ti scaferrare
m’incantan su sinu in sa veste de linu
In sos campos rubias dormidera
Cun su (b)entu ki las moven danzana
Danzana impare a tie
Ki ses ke dormidera
Ti kirco ma inue ses tue

ti kirco ma inue ses tue

Doormiideeeraaa

******************************

Calincunu mi podit castiai is fueddus da sa cantzone de is Janas "Dormidera" e e su sinnyficau de is fueddus intr''e parentesis?

Gratzias meda.

[ricardu]

Bocios =Ojos...(occhi)

Dàntzana(s'atzentu est gai)

no ti scafferrare= no t'isco afferrare(non ti so afferrare)

[SaR]

Bocios =Ojos...(occhi)

1) Dàntzana(s'atzentu est gai)

no ti scafferrare= (2) no t'isco afferrare (non ti so afferrare)

(Curpa de su fueddariddu de Mannu)

1) In sa cantzone una borta esti aundi d'apu postu deu ... ma fortzis sceti pro bisonjus de ritmu.

2) Aici mi parit mellus.


XXXXX ) E (leghe?) ...



************************************
Janas - Dormidera

Fiza de su sole,
Ojos ke su mare
Pilos de colores, sa luna in s’istiu
Cantami su (b)entu, ki lizeru sulat
Cantami su trigu de oro in s’istiu
Fiza de su sole, in mesu a su campu
Movende sa veste, movende sos fiancos
Pares unu bisu, no ti scaferrare
M’incanta su sinu in sa beste de linu
In sos campos rubias dormidera
Cun su (b)entu ki las moven dàntzana
Dantzàna impare a tie
Ki ses ke dormidera
Ti kirco ma inue ses tue

Fiza de su sole
Prenda de sa vida
(Leghe?) ke sa lughe in su note ‘e s’istiu
Pares unu bisu no ti scaferrare
m’incantan su sinu in sa veste de linu
In sos campos rubias dormidera
Cun su (b)entu ki las moven danzana
Danzana impare a tie
Ki ses ke dormidera
Ti kirco ma inue ses tue

ti kirco ma inue ses tue

Doormiideeeraaa

[ricardu]

1) In sa cantzone una borta esti aundi d'apu postu deu ... ma fortzis sceti pro bisonjus de ritmu.

eya..deppit essi de aicci...po "Leghe" no ddu sciu ita bollit nai...fortzis "legge"?(3 pessoni plurali de su berbu leggi)

[juanna maria]

chi "leghe" siet lepia? (leggera)

[ricardu]

b'apo pessadu,ma in logudoresu mi paret chi siat "lezzera"....

[juanna maria]

b'apo pessadu,ma in logudoresu mi paret chi siat "lezzera"....

deo naro lepia!

comunque custa "leghe" si non est lepia, mi paret chi non torrat, ca si fit istatu leghe (leggi..leggere)
carchi cosa annat cambiata

non mi torrat nemmancu " non ti scafferare" non atta essre " non ti isco a ferrare" chi poi ferrare, non est afferrare italianu...ma tennere, cioè afferrare deo non lu uso..pesso chi est unu italianismo..

..ma de chi est custa poesia?

[ricardu]

eya devet essere un italianismu....in sa cantzone lu pronuntziat "no t'isc 'afferrare".

[Zarathustra (POL)]

b'apo pessadu,ma in logudoresu mi paret chi siat "lezzera"....

In bidda namos "lèbia" o "lìzera", ma in d unu sentidu divressu. Apo chircadu "leghe" e in sardu antigu cheriat nàrrere "leze" (legge). Podet èssere puru chi cherfat nàrrere "leggi", imperativu de su verbu "leghere", ma no diat tènnere sentidu perunu.
Antò, ma non est chi as cumpresu male?

[ricardu]

la podes intendere inoghe:


http://ie.youtube.com/watch?v=se_ywBGixsg