Dae su nùmeru de aùstu de "Trinta dies" (artìculu iscritu dae Cristina Palmas);

MALLOREDDADA IN LODI VECCHIO: UN'ÈSITU MANNU

Su sàbadu chimbe de aùstu, inche sa corte de sa crèsia de Lodi Vecchio, s'est isvilupada una malloreddada, amaniada dae s'assotziu sardu "Tirsu e Frumendosa" de Casalpusterlengo.

A sa manifestatzione ant leadu parte prus de dughentas pessones, siat sardos de su disterru, siat terramannesos interessados a sa cultura sarda.

In ocasione de su seranu, sunt istados servidos prus de 400 pratos de malloreddos, amaniados cun sartitza ma finas cun àteros ingredientes.

Carchi istranzu continentale at pèdidu si esseret possìbile a los amaniare cun pische, ma unos cantos sardos presentes l'ant fatu notare deretu chi custa non rapresentat una traditzione in s'ìsula nostra e chi, naradu mezus, su pische non faghet parte de sa coghina sarda narada propiamente, francu unas cantas etzetziones che a sas ambiddas de sos istanzos de Aristanis.

Devimus torrare gràtzias a Don Loriano Dossena, pàrrocu de sa crèsia de Lodi Vecchio, chi nos at postu a disponimentu sa corte de sa parròchia pro b'amaniare sa festa sarda.

A s'incumintzu de santugaìne, est prevista una porcheddada in su matessi logu.