...in sardu iscrio

[Janluca]

Originally posted by juanna maria
...sa poesia l'appo azapata in su sito...su sotziu de sos sardos...ma pro mene non est de Luca Cubeddu!...e si est sa sua...menzus

Esti sua, d'at scria a pustis de sa benida de is frantzesus, po sa religioni cristiana. ciao

[juanna maria]

Originally posted by Janluca
Esti sua, d'at scria a pustis de sa benida de is frantzesus, po sa religioni cristiana. ciao

..Grazie metta Juanne Luca...ma si iscries nessi sa prima e sa 88verso?..mi l'aches custu donu?...non tenzo su libru ki naras...

[Janluca]

Originally posted by juanna maria
..Grazie metta Juanne Luca...ma si iscries nessi sa prima e sa 88verso?..mi l'aches custu donu?...non tenzo su libru ki naras...

SARDOS, SI NON BOS SERVIT DE INFADU

Sardos, si non bos servit de infadu
dia cherrer cantare una cantone
profana no, che in tempus passadu,
ma chi meritat pius attenzione,
contra zertos errores ch'hant bogadu
contra sa revelada religione,
zente chi contra a Deus movet gherra
olvidende su Chelu amat sa terra.

Non sunu dignos de los iscultare
antis bene meritana disterru,
sunt veramente de incadenare
in s'ispidale, in gabbias de ferru
sos chi s'attrivint tantu a delirare
chi non b'hat Deus, chi non b'hat inferru,
chi s'anima humana est materiale,
chi non b'hat Deus vivu ne immortale.

Est cosa troppu cara et preziosa
sa fide santa in sa Sardigna mia,
inue sempre pura et vittoriosa
s'est cunservada pura de eresia;
sa Germania et Franza birgonzosa
già l'hant manciada pius de una ia
d'errores luteranos, calvinistas,
como pius de totu sunt ateistas.

Cussos sunt fizos de maledissione
chi de sa fide hant perdidu sa ghia,
sunu che brutos privos de rejone
chi su deus insoro est sa entre ebbia,
caminant a s'eterna perditione:
inferru ispettat tale zente impìa
ca s'homine a sa gloria destinadu
simizante a sas bestias s'est torradu.

Non bos invoco no, musas profanas
chi sognesit sa Grecia fabulosa,
lughes divinas cherzo, et no humanas,
de sa religione vittoriosa,
de sa lughe zeleste sas funtanas:
t'invoco, Trinidade misteriosa,
contra sas podestades infernales
nezzessito sas lughes zelestiales.

Eo in valle de lagrimas abito
inter aspides surdas constituidu,
de cudda lughe eterna nezzessito
ch'illuminat ogni homine naschidu,
de su fogu zeleste, eo repito,
chi Fizu bostru a sa terra hat battidu,
ch'ispirende in su lignu de sa Rughe
s'est fattu via, vida nostra et lughe.

Contra zente chi negat s'iscrittura
dae s'Ispiritu Santu rivelada,
zega de mente et voluntade dura,
et de totu sos vissios imbruttada,
zente chi de s'inferru no hat paura
et de su Chelu est già disisperada,
pro cussa zente bos cherzo pedire
lughe chi nemos potat resistire.

Pro chi connoscant totu chie ses tue
chi nd'ettas sos imperios et esaltas,
ch'abbitas in sos chelos et totue
montes et campos de fiore ismaltas,
mandas abbas et nies dae sa nue,
a poveros et riccos mai non faltas,
chi feris, sanas, amas et gastigas,
bonos et malos isolves et ligas.

Sas portas de s'inferru et de sa morte
Luzziferru hat abbertu dae sa Franza,
alzat s'altera fronte, gridat forte
libertade, ma falza, et uguaglianza.
Sa ucca immensa, orrenda, oh dura sorte!
devorat ogni carre e ogni sustanza,
ferit, truncat, ingullit ogni edade,
ogni istadu, ogni sessu, ogni zittade.

Ecco pro chi sa Franza est in errore,
chi Deus non bi hat ne eternidade!
Pro cussu perdet nudda su Criadore
de s'eterna tremenda magestade:
perdet nudda su sole de isplendore
mancari restes tue in zeghidade,
et ca non cheres bider sole tue
pro cussu istat de lugher in totue?

Si cumprendet de doppia manera
chi b'hat Deus e anima immortale,
chi b'hat eterna vida verdadera,
chi unu inferru et fogu tal'et quale;
eterna morte et notte oscura intera
si connoschet a lughe naturale,
ma pius nobile et subranaturale
est sa fide divina zelestiale.



Tengu unu pagu 'e difficoltadi a cumprendi su sardu tuu, mi dispraxit meda, no ddu potzu sunfriri.
Mi hai chiesto i primi 88 versi?

[sisinni pabi]

O Janluca,

tocca faisì cussu prexei: ponidda totu, si podis, cussa poesia de Padre Luca ca ... ge' ti dd'hat a pagai Deus!

Cussa ottava chi hat postu Juannica, parrit iscritta prus a tradu poita ca Padre Luca o Paulicu Mossa, po 'ndi arremonai duus fetti, hant ... fattu iscola! Mi 'ndi seu accattau ca po fintzas a oindì cantadoris de palcu o poetas a taulinu iscriint ottavas in cussa manera. Sa matessi cosa est accuntessia cun s'Arcadia; me' in Sardinia cun custa manera de iscrì , sunt andaus ainantis po totu s'ottuxentus e is primus annus de su noixentus, po fintzas.

Adiosu

[sisinni pabi]

Originally posted by duas' atzasa
La versificazione popolare è quella che maggiormente ammiro.
Alcuni poeti "poeti" a parte -rari e contemporanei-, la Sardegna non ha mai espresso gran poesia (non sono un esperto), almeno in versi.

Forse è vero il giudizio: "MOLTI VERSI E POCA POESIA".

Non abbiatevela a male.

Grande è la tua capacità di sintesi , Duas Atzasa e ... non solo ... Non è il caso di prendersela a male per quanto da te scritto in queste poche righe ... in fondo è la verità. Il tuo giudizio, vedo, non è solo sulla poesia ma anche sulla letteratura ... bisogna leggere tra le sfumature ... ogni parola del tuo intervento non è lì a caso ... "molti versi e poca poesia", in fondo, si può applicare anche al nostro Padre Luca se per "poca poesia" intendi la "mancanza di slancio lirico". Grande popolarità per questo poeta, tanti bei, bellissimi versi ma ... poco slancio lirico.... Per rari, riferito ai contemporanei, cosa intendi? ... si possono contare sulle dita di una mano? ... di due mani? ...

[Janluca]

Queste sono quelle che seguono alle prime 11 ottave che ho scritto prima


Bastat de dare a chelu una mirada,
a sa terra, a s'aera e a su mare,
a nues e istellas cantu bi hada,
pisches, feras, puzones, tot'umpare;
cun boghe sempiterna continuada
narant sos chelos senza faeddare:
Deus de infinida onnipotenzia
nos dat su movimentu et esistenzia.

Hana tentu prinzipiu sas istellas
o sunt eternas totu, sole et luna?
Ma prima de brillare tantu bellas
in firmamentu bi nd'haiat una?
Et de sas solitarias turturellas,
sa ch'hat boladu prima de ogniuna,
pro cussa, issa et totu s'est formada
o atere b'hat chie l'hat criada?

M'hant a narrer chi asi casualmente
sos atomos volantes de s'aera
s'unesint a prinzipiu pro azzidente
et formant su puzone, istella et fera?
chi sa parte de issos pius lughente
format su sole in sa zeleste isfera,
chi sos atomos solos sunt sos mastros
pro formare su chelu, terra e astros?

Si pregunto su primu fundamentu
non mi torrades rejone nisciuna:
chie desit su primu movimentu
a s'homine, a su sole e a sa luna?
chie desit sas alas a su entu
chi si cambiat sempre ind'una ind'una?
Chie hat fattu sa luna variabile
e i s'unda marina sempr'instabile?

Sa materia este indifferente
a si mover o firma pro restare,
pregunto sa virtude semovente
cal'autore l'hat potidu dare?
Da ue ogat s'anima vivente
cantu si movet biu in terra et mare?
S'atomu no ca est materiale,
non b'hat ater che Deus immortale.

S'atomu dat fiores a su eranu?
S'atomu dat sos fruttos a s'istiu?
Isse faghet chi su generu humanu
in sa ezzesa perdat forza et briu?
Isse faghet intrare in s'Oceanu
et nde redundat s'abba da ogni riu?
S'atomu faghet cussa variedade
o s'eterna divina magestade?

S'ides unu palattu in sas campagnas,
o zittade pesada ind'un'altura,
adornas de istatuas med'istragnas,
bellos quadros de prima figura,
has a narrer chi dai sas muntagnas
est bennida calchina et pedra dura
dai per issa a fagher su palattu?
No, pro ch'est inzegneri chi l'hat fattu.

S'in altu mare alcunu bastimentu
cumparit cun pilottu et marineri,
chie l'hat fattu? S'abb'est o su entu
o su mont'est servidu de inzegneri?
Un'ezzellente mastru et de talentu
hat disignadu vela et cannoneri;
et bidende in su mundu pius primores
sos atomos sognades pro autores?

Sette miz'annos ancoras non tenet
custu mundu visibile criadu:
chie l'hat fattu o chie lu sustenet
senza toccare a logu, asie elevadu?
Subra a cale colunna si mantenet?
Cale gigant'est chi l'hat disignadu?
Deus l'hat fattu, ch'est onnipotente,
cun d'unu solu fiat solamente.

Mira si podet su pensare tou
de su chi naro daremi rejone,
et comente si format intro s'ou
s'ispiritu ch'anìmat su puzone:
si naras chi s'est fattu a bonu sou
sa mente tua est in confusione,
et si un'ou non podes intender
comente cosas altas des cumprender?

S'ou est inserradu da ogni parte
e intro su puzone est animadu
non pro forz'e inzegneri nen de arte,
ne atomu nisciunu b'hat intradu;
abbascia, frammasone, s'istendarte
ch'ind'un'ou t'agattas annegadu:
hat pinnas su puzone pro si olare
ma tue no has risposta de torrare.

andemus a mirare unu fiore
cantu b'hat fina a s'ultima raighina:
dae sa terra nde tirat s'humore
ch'allattat chimas, fozas e ispinas;
custu lu partit in variu colore
et nde format sa foza allegra et fina:
chie l'imparat s'arte a separare
cun d'una semitria de ammirare?

Pregunta in su eranu calchi rosa
cand'istat mes'ispalta et mesu cuada,
cale manu l'hat fatta tant'hermosa
sende in sa nae ancora abbutonada,
prite cumparit tantu maestosa
de ispinas et de grassias coronada
chi paret narrer: "Zinta de ispina
eo sos de sos fiores sa reina?"

Narami cantas bortas tue has bidu
rundines frequentes ogni die
ch'andant et torrant a su propiu nidu
senza faddire, et portant rie rie
a su teneru fizu ch'est naschidu,
ch'est ispettende a piulos inie,
o elme o tilibische o calchi musca
de sa mama ch'amante hat fattu busca.

Mira sas amorosas turturellas
in cuddu tempus chi sunt in amores,
comente chircant allegras et bellas
logu pro fagher nidu in sos arbores,
et faghent die et notte sentinella
pro tenner contu sos fizos minores
et chircant alimentu pro los pascher
si sunu nados, o ancora a nascher.

Mira in su mundu, osserva et considera:
totue ides divinos risplendores,
morint et naschent puzones et feras
et sempre cun sos proprios primores;
s'ierru ispozat, bestit primavera
montes et campos d'erba et de fiores,
su chi naschet hocannu si assimizat
a su de s'ater'annu, chi si allizat.



Perantò, esti tropu longa

se mi dai una e-mail faccio molto prima

[juanna maria]

Originally posted by Janluca


Tengu unu pagu 'e difficoltadi a cumprendi su sardu tuu, mi dispraxit meda, no ddu potzu sunfriri.
Mi hai chiesto i primi 88 versi?

grazie metta Juanne Luca…sa limba mea est sa de Luca!..si cumprennes a isse deves cumprennere vinzas a mie!...t’aiapo petitu solo…sa prima ottava e sa penultima!...ma si nos mannas tottu….est metta “istrano”..non connoschiapo a padre Luca…goi difensore de sa religione!...mi piaghet de prus comente poesta de s’amore!..
ascù si ti manno sa email..mi la ispedis????...abbaita in sa posta ptv...grazie

[sisinni pabi]

[QUOTE]Originally posted by juanna maria
….est metta “istrano”..non connoschiapo a padre Luca…goi difensore de sa religione!...mi piaghet de prus comente poesta de s’amore!..



Annoberu Juannica? Unu pagheddu (meda) polimorfo custu poeta cosa nostu ... parrit un'ateru ...

Sallude

[duas' atzasa]

Originally posted by PERANTONI
Grande è la tua capacità di sintesi , Duas Atzasa e ... non solo ... Non è il caso di prendersela a male per quanto da te scritto in queste poche righe ... in fondo è la verità. Il tuo giudizio, vedo, non è solo sulla poesia ma anche sulla letteratura ... bisogna leggere tra le sfumature ... ogni parola del tuo intervento non è lì a caso ... "molti versi e poca poesia", in fondo, si può applicare anche al nostro Padre Luca se per "poca poesia" intendi la "mancanza di slancio lirico". Grande popolarità per questo poeta, tanti bei, bellissimi versi ma ... poco slancio lirico.... Per rari, riferito ai contemporanei, cosa intendi? ... si possono contare sulle dita di una mano? ... di due mani? ...

**************************************************
Una sola mano, .......... per quel che conosco.

Trovo più poesia in prosa letteraria, seppure espressa in lingua italiana, ........ quando il sentimento è sardo.

La poesia sarda non credo sia stata deficitaria di lirismo, quanto invece è stata priva di "slancio" poetico, ............. di creazione.

[juanna maria]

...a sos chi bi cumprennene de poesia..ma itte est custu slancio poetico?